¹ Palau gena aunilimalima veaa ri geria airupuali olemanai, thauna mui paana alo venimui. ² Mui gemi ririwamagi thau ripaku, gauna thau na Macedonia auri elerai ave thori vevaoloa agia. Thauna availari Achaia erigolo pevanagi rigolonai vega geala maavuo. Mui gemi ririwamagina pogo va ala laiwa laiwari. ³ Evanamona thauna ia wala avari puuri pe mui gavaragemuini thorina pigono vaeoa, pe mui pigo ala maavu. ⁴ Orina Macedonia auna apua thau goi gave amaini thaonai mui nori alamaavu, ia opimatha perawali. Thauna mui thorimui naa ilagiri-repana thau mageku veraramani mui elemuiai. ⁵ Thau auamagio wa thakwanai wala ava pige thoa reparepa pe, veveni gauna goilagavu agiao gauna pige ala maavua. Pene veala maavu nama pe, ia mui gemi veva nama gauna namu nori vepotho gauna. ⁶ Thori repana era: Evarovaro ula ulani auna ia aviavia ai mapene avi ulaula. Vevanama pakurai evaro varoni auna ia vevanama mapene aviragea. ⁷ Aunilimalima maparari thaorana pene vairi veainai pige veveni,