¹ Thau maauku auamagio thaonai, vi vi thaorai mapaana veamai wai. ² Pene thauna ava vi vimuio, thau riaina pere vailigaku namu auri pe mui thauna avavi vi muio pa? ³ Thauna aloalo thakwanai paaloa, pe thau pana veamai thaonai pegere varaavaku aurana pige vavereleku. Thau ave vauna auna nia maparamui elemuiai thau geku verele e mui gemi verele ila waveairiamo. ⁴ Thau na mui aalo venimuio veaolea iakamu thaona na, thaoku evi gauavagio, e ma agiagiku maina. Thau naa ririwao pana vavi vimui. Namu, thau aririwani pigo ripa thau geku ulamagi ari rpouna mui elemuiai. ⁵ Pene auana eva vi vimuini, ia nori thaumo elekuai evawalao, namu matharapara nai-pigono thori thaoraga-maparamui elemuiai. ⁶ Eau apuna mapara muina iavu gova vuani wara kapurai. ⁷ Evana nori iavu vua namu, ia gena raava pigo valavu lewalewari, e pigo vagaua. Eveaina pigo ala pe alu venuaviina peene vavanagia. ⁸ Thauna mui availigamuini, uuma vilarai gemi ulamagi ia elenai pigo vamagaia. ⁹ Thauna mui aalo venimuio ganina auna auna era, pe thauna mui pana ala ovo mui e pana ripa mui gau mapararai gove gapirageni. ¹⁰ Pene muina auapua gena raavai noai goilagi auani, thauna mai auna gena raavai naa ilagi auani. Thauna naa ilagi auani-pene gau maparari naa ilagi aurana- mui maina gemi galama noai geveilagi aunia Keriso vilanai. ¹¹ Ewara auna auna pe Satani na ia peene wapari. Repana ia gena valavu ealarana gaurai ia nori awa awa. ¹² Thau Troas ai athao thaonai Velegauna avagaama apua ealapa venikuo, Keriso valina namana ave wapaa agiao. ¹³ Thau palauai naa pikapikao repana wala avaku Titus wanai naa rawaliao. Pe thau agapi laaio athoao Macedoniai athao. ¹⁴ Namu Palau pe varagea, ia Keriso thaonai ekune agirana vevakalileai. Thai thaomaina ia gena thaoneka mamina aroma aromana ava mapara rai ethoa lovo lovo ole. ¹⁵ Pene ia Palau gena Keriso mamina aroma aromana wara, vevamauli gerawaliao e warega auri thaorai gealuo auri geria. ¹⁶ Ge waregani auri elerai, ia aroma apuna waregana pene thao warega. Vevamauli gerawaliao auri, ila aroma apuna maulina pene thao mauli. Eriaina egau pere iwari? ¹⁷ Ia nori aunilimalima vogovagi veairi Palau gena thori gevoi agiani voiri gegapirana. Noaia,thao vethalevai, Keriso thaonai gathorini, Palauna euumaio, Palau vilanai