IOUANE AUA OVARA MONOU,AUA MAU'U MONOU MERE ENA LIVIAI AUA MAU'U EVE MEKAI MO MEKAI ANE.
1
Ai e'ea pani mere- eneia ama virie, eneia inamu ama oie, ou pei, mo eneia ene evea ama pirie- ai u ene rokoa nu omoro.
2
Ou liaka rokoa ipa lie,mo ene ou oi'e, mo u miki lia ipa liai. Ene opai rokoa nu omoro ipa nakima keia'a,u Eloi mai ane mo u ipa kuruai enei au.
3
Ou liaka ene inamu oi'e, mo ene virie, ene nioko ipa nikima keia'a uku nioko enei ane, u ene mai mo ene Amua Iesu ane monou iki'i.
4
Ou liaka ene kikiri keia'a pei uriria miki, u ene kopai ane oiai e'e aka'a.
5
Omoro u e'e, ene uau mere virie,mo ipa nakima keia Eloi mai u parea murui a keia pea.
6
Eneia kuruma keia'a ene avioa kiripai uane,kapoi murima ane'e,ene euae lima keia uku ene miki nu ipa ipa a lia pea.
7
Ai eneia pareiama rokoe'e,uku u pareai ene avioa kiripai lima keia'a,u ukua Iesu aroa u enei akuru aima keia namea uriria mere.
8
Eneia namea eria a'a voama kurui,ene euae lima keia'a ene e'e monou, mo ene lae laruai u miki eria.
9
Ai enia ene namea Eloi mai auma miokui'i, ene pirima rokoa mo ene namea mere enei laiakavaka'a.
10
Ai eneia namea eria voa kurui,ene u euae e'emakeia,u omoroko enei au eria.