¹ Pure tapa emo re giu pari ta vasiri ami kakara ari ra. Eto humora vande bara ai re mija. ² Eto re humora ari vande ba ra jokaja. Vande jo tapa ai re i irivo, akare, eto ando visi emi ta inderi avo, embo pemi ami humbuto arafe otofu jokaja. ³ Eto re be ku aire bo pipi avo vande jo eni otohu be aire mija. ⁴ Humora vande amita jo thiripe aire, jeune mune avo kesi ka vande jo ai mi uja. Eto kesi ka ongesi jo aire esi mune te amore, Aron ta esi ami ka tapai mi uja. ⁵ Kesi irare aire ane ra ehoro ami ta tiripe avo kesi ami miora. Eto eha re donda betapata amita mane ke atona namore. ⁶ Iji avoi donda betapata sirikaro avora, Maha ta pure ari embo ami vuvuto avo ra vande jo tapa ai horeto pure re atiuja. ⁷ Vande jo ehoro aire, Maha ta pure embo ami jua tapatapa ai hore ora. Eto vande jo ai re mane tefo hore ora. Vande jo aire mane tefo hore ora te sasaha ka umbuto hore to Maha ta penunu e~ ora tofo ta samuna eto embo ta samuna avo harikurue. ⁸ Ahihi otofu ami nango kurei kiara, humora ari vande tapa miaja amika, nangota dei ki horeto vande otofue pamba to ra amore, aka reto ae pemi ae ra. ⁹ Ke emore ariri anga eto kuri uja eto donda re ijekaraja. Hande avo Maha pemi ta jokora, eto amore ari vasiri avo umbuto ajere keto giu pari ta horara ue. ¹⁰ Ke emore umo eto inderi embo pamone ami akari ta vasiri ora avo ija. ¹¹ Meni otofu amore ma vuviaja, vuvuto ari vasiri akari avo pere ma ei mirae aja. Mah vande joi horeto vuviaja ami mah akari re umbei mirae aja. ¹² Sasa avo o~ sip sianja eto cow rate tofota sasa tofo ta be amai horeto humora aja. Rate overeketo nango ofaja amore mah anga nanofo miro ra ue. ¹³ Eto embo pamone avo Maha pemi ta thiri ei samuna oar, amore Maha pemi ta pure embo ami o~ sip sianja eto o~ cow te umbuto avo cow sianja ami ta sasa hamoi oferekara ija. ¹⁴ Rate Meni otofu amita sasa ami betapata ombuto ofaja. Ai samuna mirae ra eto Ahihi otofu ta hondate ari ei uketo jokaja tofo ta hande re. Tofota sasa ami nango ta ando re ombute ufaja Mane . Rate nango ta samuna ekei akari ara Maha pemi amita thiri ai. ¹⁵ Evi eto Meni otofu re tefo orei ai mija. Ami ambuto embo - pamone ta samuna betapata amore mah heukaraja. ¹⁶ Pure amo re embo tapa,tapa amita uja ami atioe javo hito na ora, pambuto afue tourora amore mah tofota meni ami donda betapata amore ufujavora. Eto donda avo meni ami umbatuja miro re embo-pamone ami eto ingetora, mamo mo ambai na amburae re, avo ambijaro au re mah donda betapata amo re meni to jokora avora. ¹⁷ Do eto, na embo pure amita mamo mo aburoi. Eto embo pure mamo avo aburae mirou mo, avora pure amo ivo mirae uja. ¹⁸ Avora, pure tapa amore ivo tera, amita be amo o~ ta sasa ami hande embo pemi ta jokara. ¹⁹ Eto Moses na kakara ta ke avo embo-pamone betapata amita jokaja, amore o~cow isoko amite o~sip sianja te umo amita esi honje amika tapai. ²⁰ Eto enga ija, "emore embo Maha pemi avo ambo,ambo ora amita sasahu ra". ²¹ Vasiri emo o~ ta sasahu ami sese karaja vande pe tapa tapa ai. ²² Vasiri emi te o~ ta sasahu amite, embo pamone ta samuna re ekiaja. ²³ Donda vande enite, eto ariri unga ta amite. Eto o~ sasahu ami umbuto embo ta sasamuna re eke re na Maha pemi ta thiri ei akari re ora. Rate pure avo donda unga ta avo akari atuja amore Maha pemita hande hietora. ²⁴ Meni otofu amore mane hore uja tofo ta vande otohu embo arie aire. Emo re ke ariri ra vande ona da otofu ei mija amita ra mane, Meni otohu ami ungai hore to pambu aja amore pambuto orei ei ukiaja Maha otofu ta thiri ei. ²⁵ Jua betapata, embo pemi amita pure embo ami o~ ta sasaha avo umbuto vande otohu ami ta joi hore uja. Eto sasaha uvaja amore tofota tapa mane ra. Rate Meni otofu ami anga aera. Nuha unga pambuaja, nuha nimo avo Maha otofu ta hade hieti. ²⁶ Mau te eto aeija kito amore meme pemi hambae eija, irikarire Maha otofu ami enda aja iji avora. Rate eha re mah iji tutumo uja, Meni otofu ta thiri uke to vureri iji auvuruja, vuvuto avo Maha otofu ta thiri uketo hande hiou avo nangota samuna horembeto to aja ue. ²⁷ Betapata amore ambureri tapa pere ra eto ke kakara avo keto ra avo embo. ²⁸ Meni otofu ami tofota hamo avo hito touraja amore nangota samuna avo embo. Eto hako vuvuretuja amore embo meni avo siriketo mera, amita vuretuja. Neni sirikae mera amita mane ra.