¹ Avora nango ke siro ningota atora re evira. Nangota pure ariembo ( High Priest ) arumbari otohu ai arumbeto, Maha Otohu ta ingene bei eto unga uee. ² Nimo avo Maha Otohu ta pure embo ra kapu otohu ai (unga ) eto Meni Otohu ( iesu ) ta vande otohu, enda embo ta mane, Hiei viviaja. ³ Eto pure betapata avo sirikarira Maha otohu ta hande eto hioja ue. Avo embo akari be eni angato nongo evi hietuja. ⁴ Bada endai mihae aija avo Maha Otohu ta pure embo mane ae eheija be ra. Avorate, ari ta horo eto deki mihija avo embore, pure embo mehera ami hande hioru veituja, Maha ari embo ta. ⁵ Enda ei Maha otohu ta pure eto humora ari ona avo tefo aririra, unga ai do uja avo ahikira ora, Maha otohu na Moses ta ke suru mane aja avo vande otohu avo jikou uioja oi avo ke evi joaja. Maha otohu mi, nimo thiri ai vu honje kahari ke hene ufoa vande otohu dekato jikou veituja amita siro avo hiene humbea avo avora. ⁶ Avo rate Meni otohu (iesu ) mi nango avo eto pure pemi be ufoaja, eto nango avo eto Maha otohu ta pure eto jakeka ue mihija, eto nangota oja eto pure ta ke surumane aja avo au be aja ue. ⁷ Eto oja nau kihie tikakarana avo akari atuja kito avo heako mane uja tiketona. ⁸ Eto Maha otohu mi enda embo ami samuna ore kito avo ke evi ija enda embo ta. Kijo, iji vutofuja Meni ( Iesu ) mi ija, oja eha tiketona iji avo vutofuja embo otohu ka eto Judah embo ka. ⁹ Eto avo oja eto avora ari maha totofota ufifika ari avo mane ra, Iji amikota ingere ai jikito ijikarana da Egypt ai. Amita be avo nau oja eto ahe poekari avo jikito mihaera. ¹⁰ Evira nimo Israel ka atonare, iji amita aiou ai Iesu ami ija avo evira, siro munjo ai lo avo hietona eto jokomo ai kajatona. Eto iesu ami ija avo, namo avo enana ta embo otofu eto nango avo nau embo meni ra. ¹¹ Iji amikota avo embo meni ami ereto embo da pe enita avo mane ahe poekatiuja or nane nameni mane ahe porkatiuja. Bada (iesu ) kijo eto mane atuja. Amita be amo embo meni vierire o varire ami re namore koru mihae atiuja. ¹² Maha otohu mi ija avo, nimo jo hutona eto totofota samuna do itoko avo jene ambu atona. ¹³ Lo evi eha aja-ue kito avo, lo Maha amita embo lo maha ai mehera avo mihae atuja. Lo eto avora ari iji eha ta ami kapu uturou avo iji maha ta do itoko avo mihae atuja.