¹ Nane nameni tunga umbari amo mah nanofo anga mireti uja. ² Eto embo pamone tunga umbari avo bara mane jene ambu atoa, embo eni amo pure anga ue avo embo eto pamone eni akare to kiae ora, amore Anera ra. ³ Embo tibura ta avo horembevo eto re ami ka mivo. Eto re horembejo nanenameni rie eni bovu ovo ra avo. Eto nimo bara jo ai mea anga kijo. ⁴ No jimbari avo bara embo meni betapata amo keto ra. ⁵ No haire avo akari eto ejo, ue avo koro uje mane atioa eto enda ta ujeje. Eto Maha otofu ami ke ija, nimo re mane toati uja. ⁶ Eto re nango hanana ue re, Maha otofu ta hondate ari ami, eto mane joru atoa, eto embo tapa ami mane au samuna atoa. ⁷ Embo thiri jikeri embo avo kijo, avo maha ta ke ija avo kivo. Ue avo ke be ari enanata avo humbava ue era. ⁸ Maha otofu, amo re mah nanofo anga mi uja. ⁹ Eto no horembari avo mane ao sisa atiuja, ke sokova ami. ¹⁰ Nango ta humora vande re mija eto tofota pure embo ami simba ue avo ke iroro embo meni ingore. Eto vande avo inderi vande mane ra. ¹¹ Maha otofu ta pure embo ami o~ ava tei ambei avo tofota sasaha ami umbuto jo otofu amai pambuto hande jukuja au samuna mirae aja ue. ¹² Ore avo Meni otofu avo meme ufuja, amo do eto. Au nango akari umbara uja te. ¹³ Amita nango barako osahai pambuto meke to ra. ¹⁴ Avo embo nango ta da pemi re mirae ra eire, rate nango re da eha umbato ra avo hauvorora. ¹⁵ Be do eto na nango iji betapata amo Maha humora ue eto amita hande kaikari mo hiora ere eto javo mo jikoro vioja. ¹⁶ Amita nango mane jene ambu atora eto embo nango ta usei mera amita mane sisae atora. ¹⁷ Ke mgi kurue embo tiri jikeri embo ta hembamirora ija, be do eto ena amore embo enana ami no Ahihi re simba ora. Ke ingi kururovo avo hanana ka pure are, mane avo hini kambari ato ra. ¹⁸ Nango tefira, eto horembari akari eto mireri akari avo hauvorora. ¹⁹ Nane ningota ena re, iji betapata mah enga ue mivo, do eto ena amo re namo re hako vuretona, iji mah use uja. ²⁰ Nau Maha otofu ami ta tunga umbari eto embo ambupusekara avo ei erarara, eto embo pemi amita sip sianja amika. ²¹ Ningo jikoro irarei amita vietova, ningo avo ambo ambo ova amore. ²² Eha siro horembari ene aferekuroja, ke avo akare to horemburue eruvo. ²³ Kivo , amore embo nango tara, Timoti re tefo mija, eto namore ningo keti vuretona. ²⁴ Iji akari vuto fuja, embo tiri jikeri ambo eto humora ari embo pamone amita. ²⁵ Maha ta ke otofu mija ( buk) amore mah ningo ka nanovo anga mire tiuja.