¹ Avo eto, thiri emi kiara embo meni ami nango jorerara, oji unga ta oji pepemi ami arako. Nimo, namo ami, donda sasamuna betapata nango au vara uja avo heukati ora eto samuna eni nangota jo avo pundureti uja, nango jamo eto mihie avo resis ei tuvare. ² Nimo namo thiri nango avo Meni otofu ta are, avo donda betapata amita irikari eto nango ta humora amita susu ra. Hanana pemi be avo simba mihija, avo eto Meni otofu ami ifai humbato pambuaja, bovu humbatiuja, eto me-e ketuja avo horemba ae. Eha re arumba otofu, mamo otofu ta ingene be hena ai arumbeto mihija. ³ Avo eto, nimo namo surumane eto horembati ora, embo meni sasamuna ami, amita samuna ara, rate surumane eto uketo bovu betapata avo ando amita ai pere aja, avo eto nimo namo evi horemburue, mane ivo ambu eto avo toati ora. ⁴ Ningo betapata ivo eto uketo, samuna ta eto keri enite, enite souiketo vuvuto tutumo ari ai ukiova. ⁵ Ke evi mane jene ambu atiova, ningota here ingeva avo. "Nau meni undi, ningo eto pekeke mine humbat ova Maha otofu ami ningo kosari hiou." ⁶ Maha otofu ami embo pamone betapata avo tatambu keuja eto enana tunga humbuja eto meme kame avo menita avo be overeketo humbutoja. ⁷ Ningo avo surumane be eto jamo be eto mivo Maha ningo avo meni isisa tambu arako urou kito ra. Ningo betapata ivo eto uketo, jamo jamo evo, Maha otofu ami ningo meni isisa eto tatambu kau kito. Maha otofu ami nimo namo tatambu kituja amore Maha tofo enda ai mehere ami arako euja. ⁸ Avo eto nimo namo onje karari ke ingae, embo eni ami ora anga eti, avo nimo. Namo avo meni isisa, mamo ami oje karae anga ati ora. ⁹ Pemi be pemi re maha tafo enda ai mehera ami nango tatambu keora, hemba ene nata ai mora ue. Avo koure, nango betapata amita hemba ai horeto tofota ke ambo-ambo ue Ahihi ta uje avo are. ¹⁰ Eto horembari eni avo, Maha otofu ami nango tatmbu keuja avo nango ta akari avo eto, otofu eto mora ue, tofo nimo otofu mija angato. ¹¹ Maha otofu ami nango tatambu keuja iji te, nango eoi meme humbue ora. Ambo ai avo jo jamo jamo ari eto vasiri akakari, embo hare poeke uje amita hiuja. ¹² Ovo eto, no ingene poeketo veija eto no utu kova ivo mihae uja avo tatambu kejo. ¹³ Deki, no utu haire ati oa avo tatambu kejo, avo au re, no utu samuna eija avo, ehako haire ati uja. ¹⁴ Nimo, namo jo akari ara ue embo pamone betapata amika eto Maha otofu ta thiri ai. Embo tokono mihija ami Maha otofu re mane keti ora. ¹⁵ Eto koko eto kivo, Maha otofu ta jo ari avo mane toati ova, eto samuna ami mihie no jo avo mane au samuna ati uja. ¹⁶ Eto koko eto kivo, vasiri sasamuna avo toavo mane ningoka mehetuja o embo eni Maha otofu kiae mihija iso angari. Inderi deri heva tapa ai, eto ami ivo hija avo ohro-pe amita siro anga eto. ¹⁷ Nimo kioa, iji amboi ai, ami tofota javotofo ari humbati ue kiae kambae ati uja, amita be amo, tofota jo afereketo oi aha ae, eto Maha otofu mi tofota penunu heija avo kiae. ¹⁸ Nimo mane vuvuto donda evi oni kae, i~ jeva usasa pere eve kuruja, mume, pisari surumane eto va poru. ¹⁹ Nimo vuvea avo, da ai hindu, havi pemibe, fui fuikorore ija o tunga tapa ke ija avo ingi koro ra avo be ingito, inderi uja ae ora. ²⁰ Enana, ke sasamuna avo ingeri hare ko mane ra, Maha otofu hena eto vuviuja avo. Avo eto, " o~ tapa thiri ai vihou re koro ami tati ora." ²¹ Joru isoko mane eto bovu avo enda ai mihija avo Moses mi ija " Namo joru ona eto nau ando jiruru uja. ²² Rate nimo vuvea amo thiri javo Zino eto da pemi Maha otofu nanofo miuja eto Jerusamle ungata, anera ototofu unga ta amim hanana ora. ²³ MNimo vuve amo Meni otofu tapa amita javo ai vuvea, Javo enana ta avo unga ai mihija. Nimo Maha otofu ta vuvuja, ami embo pamone betapata avo heka atiuja eto embo pamone betapata akakari amita Ahihi avo sirikati uja. ²⁴ Nimo Meni otofu ta vuvjo, embo oreita, pure eha eto sasa vovaja eto donda akakari ta ke eto, Able ta sasaha senikaraja. ²⁵ Nimo eto koko eto kijo, mane senikatioa eto ku mane vure kati oa, ke avo vina ija amita. Enana joru pambae, ke amita avo piuie eto avo enda ta ki surumane aja. Ehako horembevo, nimo namo joru avota pamba ora, avo simba ke surumane ungato avo heija. ²⁶ Iji tapa, tunga amita ami ei enda uja ji aja. Rate eha ami ke peika ke eto ija. "Iji tapa ehako." Ke amita mine be avo donda betapata heukurou, avo enda jajevati uja, ami kuruja avo, donda betapata Maha otofu ami aja, eto donda surumane avo metiuja. ²⁷ Ke evi,"Iji tapa ehako," ke amita mine be avo donda betapata heukau avo enda jajevati uja, ami kuruja, avo donda betapata Maha otofu ami aja avo eto doad betapata avo surumane eto metiuja. ²⁸ Avo eto, nimo namo, kindom mane vati uja evi humbati ora. Nimo namo hanana atora, vasiri maha humora ari, eto Maha otofu joru ari. ²⁹ Maha otofu nangota emore maha veverete, eveketo mihae euja.