¹ Kembe ari amo donda kiae avo kembe ehra avora, eto thiri ami kiae fefaro eora donda avora. ² Avo eto nango ta ufifi tafota kembe ari amo surumane bera iji amikote re. ³ Maha otohu ( God ) amita kembe ari ami enda vare emore kokobaraja, unjukari te ofa te amika tapa ai aja. ⁴ Kembe ari Abel ta ami Maha otohu ( God ) ta ombari umbai, Maha (god ) javo pemie ufaja avo eto Maha ( God ) ami Abel ke " kaketo eha mija. ⁵ Kembe ari Enoch ta ami, tofo avo ando visi ka unga ai pamboaja ehe mija amita be amo Enoch Maha (God) jakeka ue enda mijah avo eto. ⁶ Kembe ari miheia amo Maha (God) mane jakeka ati ora amita be amo nangota kembe ari isoko be avo eto. ⁷ Kembe ari Noah ta ami managi (sitima) aja. Amita be amo enda kiri mihaja avo samuna ami sisa ea kito Maha otohu (God) ami Noah ta ke eha embo(Noah) managi aja thiri tumo ai. ⁸ Abraham ta kembe ari ami enda kiae besi Maha otohu (God) ami kuraja ai pumbuiaja. Enda amo tofo kiae besi rate tofo ai pambuna. ⁹ Embo (Abraham) ami kitofo embota enda ai tofota kembe ari ami mihaja meni Asiki eto Jacob ka tapa ai. ¹⁰ Da pemi be Maha otohu (god) ami kokobaraja ai mieti ue avo hauva hauva ena. ¹¹ Jape Sarah avo beko be rate tofota kembe ari ami meni Asiki avo ingiaja, amita be amo Maha otohu (God) ami ke hiriketo aja avo eto. ¹² Anga ei Abraham hena ai tofota meni afifije unga ta hunjara angato eto eva gurisa anga eto poa poa aja. ¹³ Rate enda Maha otohu (God) ami kuraja avo fuketo kove avo Maha otohu avo jakeka ue mihera. ¹⁴ Amita be amo embo meni avo enda ehi ai horati ora avo eto. ¹⁵ Avo eto embo meni ta horembari da toto vuvihira ai miha avo eto enana toto overekari bovu be aja. ¹⁶ Mine Maha otohu (God) enda jokaja aaaaamore unga avo jokaja avo eto nimo (God) kiea ara. ¹⁷ Kembe ari Abraham ta ami ke ehei kito, tofota meni aisiki avo umbari heti aja. ¹⁸ Rate Aisiki hena eto re meni afifija avo popo ati uja. ¹⁹ Abraham kiaja Maha otofu (God) ami tofota meni Aisiki avo jikou eratiuja avo embo. ²⁰ Donda avo ai vuvureti uja avo embo Aisiki javotofo ari avo Jacob eto Esau ta jokaja tofota kembe ari ie uketo. ²¹ Kembe ari Jacob ta ami Joseph ta meni undi avo javotofo aja, eto tofota (Jacob) i~ hiru ie gikito Maha otofu (God) avo jakeka aja. ²² Joseph ambureti uja avo fuketo kove mehiea, tofota kembeari ami hariketo aja, Israel ta meni undi enda Egypt toto overekara ue aja eto tofota veru avo humbuto overekara aja. ²³ Moses ta maha eto aha ami kiara avo meni Moses avo akari be kito, enana ta kembeari ami Moses ujukere mehei hariga ehoro tapa aja. ²⁴ Moses ta kembeari ami tofo kembe aja amore tofo nimo Pharoh ta jau ta meni mane avo kiaja. ²⁵ Rate hanana ai mane meti uja ie aja, tofo avo tofota Maha (God) ta embo meni amika inonota meme umbati aja. ²⁶ Avoeto Moses, Egypt ta hanana ai meri uja ie aja, rate tofo (Moses) avo Maha otofu (God) ta deki ai akari mija avo fuketo kove avo uja aja. ²⁷ Moses ta kembeari ami Egypt enda avo toto pambuiaja, tofo avo Egypt ta embo pemi amita hini kabari joru ai aja, amita be amo tofota Maha otofu (God) kembe eha. ²⁸ Kembeari ami tofota afijatafo ta hunora mahe be avo toirara, amita be amo meni singa kiri avo umbari ehora avo eto. ²⁹ Enana (Israel) ta kembe ari ami umo eva eveketo opo ei ufo ai pumbuira, embo kitofo (Egyptians) avo vuvere umo eva ami enana betapata ugurukaja. ³⁰ Kembeari ami iji ufo eto ehororo miha ei avo da Jericho amita saki (sama) kibari avo aibeto vuveja. ³¹ Vivija pamone Rahab tofota kembe ari ami tofo avo ambura aja, amita be amo da Israel ta isoro embo ehoro avo peka ka ujukaraja avo eto. ³² Avo eto ke avunuvo aunu igove ? Amita be amo iji tufo uja, embo Maha otofu ta pure ari embo Gideon, Barak, Samson, Jephthah, David, Samuel eto embo ototofu hani ami ke be mane aru ingeti ova. ³³ Kembeari ami enda pepemi ufara eto pure ue avo Maha otofu ena ai donda akari ufu ei, isoro embo meni ta ti- pe afurukarara. ³⁴ Maha otofu ta ivo avo i~e eto savaja ti ai vuvuto fui enana kosari ivo avo ufu kitofo embo meni ka isoro ara. ³⁵ Pamone Maha otofu kembe ehe afara amore overeketo ererara rate pamone Maha otofu kembe ie ara amore overeketo erea ra. ³⁶ Ene ufo avo esi tava ami teto, ingene eto utu pumduto avo tipura jo ai fuke re uriara. ³⁷ Pei ufo avo koro ami torara, angato nogo eni ufo etokeri ara eto eni ufo avo savaja ami kubarara eto o~ sip ta eto o~ gote ta undo ho ami afurukarara. ³⁸ Avo eto enana enda evi uja ue enana thiri eto koro hoie eto enda hoie ai mihera. ³⁹ Amita be embo pamone enenata kembeari avo Maha otofu ami kito hanana aja te enana Maha otofu (God) ami enda kuraja avo humbae ara. ⁴⁰ Avo eto Maha otofu ami donda akakari nago ena ai girika-Pueka ea mijah eto nango ambu amo mane iu akari atiuja.