¹ Donda akari avo vurojo ue kakara avo ariri anga aja, amo enana ta donda be manda. Embo-pamone avo Maha ( God) ta usei vuvutofuja amo mane ijekatuja hande tapa enana Maha otohu (God) ta pure embo meni ami kaiketo humbuto vuvu ora jua tapa-tapa amai. ² Ufena, hande betapata evi miroe atoi ? Eto hande humora embo meni ta samuna avo mane ketora. ³ Rate hande evi buto vuvutofora avo samuna ta horembari avo jua betapata avo hiuja. ⁴ Samuna avo o~ kau eto o~ sip siange amita sasa ami mane heukatuja. ⁵ Enda ai Meni otohu (Jesus) avo vuvija, ami ke engato ija, "Hende avo namo kaiketo uje aera, rate no ando avo nana siri kejo. ⁶ Horembari eni avo hande i~ehi eve kari amite hande samuna miroe arita amite avo hito re nigo hanana eova." ⁷ Eto namo ke enga ena kivo, namo eha vuvuto vuvuna, ke betapata Maha otofu (God) ta kajari ingi ai ke kajari amo nauei kembera, no uje avo embo ke vuvuna. ⁸ Be horapeto ke tapa avo aja, "hande ora avo mane. O~ iei ovekari avo hande, o~ henda samuna eto ora, o- nimo hanana eoa donda amita. Henda amore kakara avo amboambo ue eora." ⁹ Eto amboambo atora amita ke re enga ija, "kivo, namo ningota horembari eto uje avo hambo hambo ona."Ami vasiri akari tapa enda mirerita amo heuketo eto vasiri akari ehororo endai mirerita amo hito uja. ¹⁰ Maha otohu (God) amita uje eto horembari amo, nimo te namo te avo akari areija Meni otohu ta ando hende jokaja ami iji tapa eto mirae ai jareija. ¹¹ Maha ta pure embo meni avo iji tapa ami uketo Maha (God) pure avo avo eora. Hande amore hajire tapa avo humbu uja, rate ami samuna amo mane heukeuja. ¹² Rate, Meni otofu ami hande tapa be aja ami samuna be tapata heuketo toto avo Maha ta ingene be ai arumbei mirae aja. ¹³ Amo simba aja tofota embo kitofo avo vuvuto tofota utu hemba ai vuvuto utu jauka besi anga atuja. ¹⁴ Hande tapa be ami embo betapata avo Maha otofu ami ei akari ara. ¹⁵ Ahihi Otohu ami nangota ke re ma aja. Tapa avo be aja. ¹⁶ "Emo nau pure iji eha ami atona, pojire ami ke ija. Nau kakara evi enana joi hietona eto horembari kajatona. ¹⁷ Namo moute be mane horembatona eto enana ta samuna avo mane jiketona. ¹⁸ Eha enjo ta samuna avo horembeto toatora amo samuna ta hande hiore heukeuja amo mirae atuja. ¹⁹ Avo embo nau nameni tafo, nango mane joru ue horemba horemba ka besi otofu ai Meni otofu ami sasa(orosa) amika pambatora. ²⁰ Emo kosari deki ehara Meni otofu ta ando ami aferekaraja bo besi otofu afurukari avo perara aja. ²¹ Do eto, nangota Maha ta pure embo pemi tapa anga miaja ami Mahata vande otofu amo simba aja. ²² Avo embo nango jo akarika vuretora eto nangota humora ari amo ora surumane au eto nangota horembari amo ora akari be au avo umo akari be ami nango vase atuja. ²³ Nangota ke avo akari be eto jiketo eto nangota jo ami do uje uja amita, mane joru atoa, do eto, Maha avo oja jokaja, ami au tofota oja amo be atuja. ²⁴ Nango horembatora embo eni ta jo eto horembari avo aro embo eni tunga humbuto vasiri akari atuja avo atora. ²⁵ Tapa ta eto mireri vasiri avo mane toatora, embo- pamone eni peufo ami eora anga mane atora. Embo - pamone eni peufota avo nango hondate atora, do eto, Meni otofu ta iji amo vuvuto use be eija. ²⁶ Nango kembe ari mijate samuna avo be ora, rate samuna ta hande hieri avo mane be hako miretuja. ²⁷ Evi ajerekatora kito, Maha otofu ta koto avo pajire avo nango simba ue mija eto i~ jeva pemi ami vuvuto embo kitofo amo au sisae atora.Samuna ta hande amo be mane pure atiuja ²⁸ Embo - pamone avo Moses kakara avo hambo hambo ae ora ambure tora embo tapa o~ ehoro ami tofota samuna avo hariketona miretora. ²⁹ Koto pajire be avo avunovo horembaore, embo avo Maha ta Meni otohu amita javo avo ae sisae atuja, amo bovu be mane eto ketuja eto Meni otohu ta sasahu ami ekati aja avo embo pamone ta Ahihi ami ta ke sisae ija amo. ³⁰ Ke emo nango kora, hini kambari eto samuna meme hieri amo naura ija, Maha pemi ami embo pamone tofota amo re heka atuja. ³¹ Evi joru atora Maha ingene ai ve uja uja ue. ³² Rate iji mahabe avo horembevo, no horembari avo aferekejo, iji amikota meme kame eto bovu ai uketo vin~a avo. ³³ Nimo aro sisae atoa amo embo pamone betapata amita thiri osaha ai miretoa, eto enana ami vasiri samuna eto ari enite kanite avo ninare atora, anga aro kito avo embo pamone betapata amo bovu heka tapa ai mera. ³⁴ Embo meni kakara jo aimera avo jo ejo, eto nimo hanana ejo embo meni enana ami nina vasiri sisae eto no donda humbaro kitore do eto, nimo koa no akari avo mah angato mija. ³⁵ Avo embo no humora ari avo mane toatoa, humora ari amita akari mija avo embo. ³⁶ Nimo jamu eto mijo Maha ( God ) ta kembe ari amo humbata, Maha ta uje avo atoa kito. ³⁷ Iji avuruja uja, avo vuretuja amo, amo vuretuja amo avuruja, ama iji deporibe mane simba atuja. ³⁸ Nau embo pamone akakari ami pere kembe ari ai perere miletoraa. Rate avo overeketo tofota humora ari avo toruja, amo namo avo hanana mane atona. ³⁹ Rate nango avo embo pamone afereketo eore sisae euja amita mane ra. Rate nango avo nangota humora ari surumane eto jikito nangota jo avo simba atora.