¹ Ata peroveta pitawa kakato daedo embo da yai gumbera, da ango ato papasigari pitawa kakato daedo ito mane yei gumbara, edo main aimi bui da, memesi piari da ge be ari awa budo gumbara, edo embo main ami eite awa mane da yai, memesi bouga borae akuta mundo gupira. ² Embo jiwae be tamo pisida udo ambo ambo ara, ami ge be awa aro pitawa aina. ³ Awa mane da jinaga udo jipapa ami imode ge pitawa tara, iji ribori be awa muiae da wasiri bebegae etera, edo awa mane da memesi bouga, aike da itae. ⁴ God mi anela mane jimbo esitera awa gido dowae, ata awa piesiri asimi bundedo, gena da augetero wowosina,tumbada isite katari sima era. ⁵ Daedo butu matu awa gido dowae, Noah bino dave da ge tari embo awa ae embo ipa da edo nei toro tote ainde itero, dauma pipisina ge be aeembo butu da ainde. ⁶ Daedo mi nasi, sodom ae gomorrah ra de, awa sitesiri aewa esisina, memesi bouga eiwa kariwa embo God ge be ae edo era, ainda yai idegain na. ⁷ Ata Lot dave embo awa tonebesisina, ge jindari embo da wasiri bebegae da. ⁸ Dave embo, jimbo embo de isima awa, jimbo ero gosira edo ingira, ami da ubowa da memesi dubo esisina. ⁹ Bada gosira dave embo, memesi bouga da nogo tone baini awa, edo beyae embo nongo tandari, katari iji ae rirowa bari awa gari. ¹⁰ Ata eiwa ge deposi, ave kave mi tamo pisi udo jipapa ae buro begae de era, edo daotari ge be begae tera, edo akuta jioro vivisira ainda yai, embo mai awa, dave embo de ge beyae tain eite adu ae. ¹¹ Ata anela ave kave goroba babain de, ami katari ge daro awa nane, da doaoda Bada de piae de. ¹² Ata eiwa,wo mane kotembari aitae ango, tuturoda da esisina, budo dari betari, ango mi buro beyae ro era awa, awa maneda yai arapa ae, ami awa mane akuta dari betara. ¹³ Awa mane da wasiri beae era, ainda rorou kumbari awa mane kotembetera, itari dave be itera,awa mane wasiri beyae era, awa dubo dave imo de ondo bondo ara. ¹⁴ Ipuda da vidari awa, awa mane da gisi da bedari, jimbo awa embo mai ainde inono ae, awa mane udo tepotapo arate atopatari,embo mai awa bega da kinapeina. ¹⁵ Embo main awa, begata be awa dadoegedo, begata Balaam da main da ambo ambo era, wasisiri begada da damana burera. ¹⁶ Ata embo ami ainda beyae bouga burira, awa da wo donkey ge itae, ami ge emboda tedo peroveta ge engiregesisina. ¹⁷ Embo main ewa da, bitara koasi augeuri, uriri un atae arago ari, edo memesi tumba puruta be, awa embo main awa mai awa embo sia ari isira. ¹⁸ Ainda be embo main, pitawa ami tera, embo mai embo dudobutera, tamo pisida wasiri da, embo mai ami taro embo wasiri beyae da idegorote. ¹⁹ Embo mai ami embo, tarigari da udegari ge tera, ata embo mai awa akuta awa wasiri bebegae dabundari, rorae nomi embo nei piyari wotaini, awa embo awa bundesira. ²⁰ Embo mai butuda bawari, daginegeter Bada kaenato, edo tonebari embo Ieusu Keriso da dubo gari da, ata tekago awa tarigari dagine getera, beyao awa beyae be tuturoda ango ae. ²¹ Dave awa embo mai ami, begata dave kumbira. ²² Dubo ge eiwa ge be, waw mane da yai karigesira, sino ainda bero topo ainda egene besira, edo pu tamo tesira awa, tekago egene besira putata da.