¹ Dubo dave ena, nato ove neinda gembari ito yai pipitena; Ove tote eva- mane awa imo kondade ari kotembari davede itatate; ² awatedo ge matu peroveta kotopu manemi sitera ainde, natokare bajina toregari embo ami buro embobo da yai sisira ainde, ³ Eiwa gio, iji ambo jido awa pitawa tari embo gumbara. Embomai awa pitawa edo awamane da jipapa awa ara. ⁴ Ge engo tara, overe gaina sisira awa yai nondari? Iji natokare mamomane bebetegositera jitao avera ainda edo; rorae berari kariwa mata da ango isira. ⁵ Embomai awa iwata bebegae esitera awamane da do okainbe edo ganuma esisira, sina edo sina akuta isiri tesiri sina evekave esisira. Utu edo buto peposisira awa ruwegositera iji gisi be awa buro dave aebe dave ae awa esitera. ⁶ Mamo siroro mi rorae berari ae butude awa iji ainda usibesi esisira, sina dauma bodedo paposisina esiri berari bebetegositera. Ata buroko awa utu edo butu awa mamo mi tesiri usibesi esisira kariwa garida ango awa niao mi awaina. Embomai awa katari iji awa sima era edo Mamo tumonda ae embomai usibesi ari iji awa sima era. ⁸ Dubobari, undugari yai itae, ijida Mamo da yai awa iji bajina da be ango [one thousand years] edo iji bajina be awa iji da ango. ⁹ Mamo da tarigari ro edo sisira awa mana dowaina. Embo nenei awa gumai yae tedera. Ata, imo awatedo tataimboteite isima edeira. Ainda jipapa awa embo berari awa betain ae, ata berari awa, warere gara. ¹⁰ Awarata, Mamoda mai da gumbari iji awa beono embo da gumbari ango: Gupeiari gururu aoro duga siari utu aimbari itae aina. Butu edo buro berari awa budo arapada piaina, ¹¹ Edo roviravi berari niao mi awaina. Rorae berari awa usibesi aina awa niao mi engo avedo awaina, imomane embo kariwa nongomi edevi? Imomane kotopube isiwo edo Mamo da wasiride isiwo. ¹² Mamoda mainda gumbari awa jisi eite sia ewo. Iji ainde, utu awa niao mi awedo usibesibe aina, edo banga,silver, gold, diamond edo roviravi berari awa vevera mi awari siwara. ¹³ Ata Mamoda tarigari edo sisira awa nakare utu teka edo butu teka, embo daveberari da itari dero awa sima orote sisira. ¹⁴ Awatedo, dubo buiyo, imo roviravi eiya jisi eite gido, imo akuta davedo gido Mamoda jisi da dave edo isiyo begade. ¹⁵ Awatedo, netegarimi Mamo da mai natokare bajina awa eiyo ito kaviegari embo are, garida natokare dubobari namenji Pol mi ove gemundo imonde pipisisira ango. Mamo mi dubogari ainde pipisisira. ¹⁶ Pol rorae berari awa ainda owe da tedo esisira rorae nenei awa itaga ari taoae. Kotembari beae embo mi budo teugoro beae edeira, jiwari nenei daedo ango edera, awamane usibesi tambara. ¹⁷ Awatedo, dubobari, imo atode davebe edo gio. Imo akuta sima eiyo. Wasiri pitawa ari embo mi udumbaro tumonda ari dowote. ¹⁸ Ata toregari emboda tonembari edo jirogari ainda doda bajiyo. Aoari edo taogari boroko edo matawa itari. Amen!