¹ Navei eropa,ara na toarei o meope,noki neipe,na irive,nia haimeta o soa fareapo karu foromai ve meope. ² Nofo haro karu foromaiapo nia soa fareapo forerei na oti ve,Ipi erei mafuka nia avapi na oti ve soa fareapo makuri are nouapo kofa ovi meai ve. ³ Irai rove makuri ve Ualare eropa ve ma etou meta oi avai. ⁴ Are haijoti ve karu foromaiapo ro nari ovi joti ma oije ore neiti. ⁵ So na irive Ualare are fareapo,nia na irive hairi fareapo Ualare aeta karu ve aruve,na karu are Iesu Keriso. ⁶ Are erore moea ro ovi rope erei foromai vei,are arave saresare makuri ve o. ⁷ Ma mai vei,ara papamija sa noi pisi neipe nia ae apostoloi.Ara oije ro meove.Ara okaka ro meai ka.Ara karu foromaiapo satirioro vija karu sujarereai aeta oijei. ⁸ Na o vei,ara haijoti harokou foromai oti foromaiapo irive e noki neiti,mai meta moravi orori neiti kaijou aeta sosori oujei. ⁹ Na moehau,ara haijoti uva mori ere erore moe puja petata orei,nia mafu ve aeta moehau meta ve.Ere tue foafoa ija nevei me'ei,ae pesoso,aeta pesoso puja nevei orei. ¹⁰ Na neaisoka etou are hovea uvamori vei,noi Ualare ve safu meta tivi neiti.O auje nia soa fareapo a uva tivi pvi neiti. ¹¹ O auje nia soa fareapo a uva tivi povi iri arae neiti. ¹² Na ara uva aro hauja ovirai ka mija ro haro orori noi satiriorei tivi neiti,na a mafuka o auje meai vei. ¹³ Aro noi ore neive,Atavu ro eropa pesosipe,aije Eva ro au pesosipe. ¹⁴ Atavu noi ekapo noi aepe,na uva sa noi ekapo neipe aeta na ekapo iti soa moeare. ¹⁵ Nea soka vei,uva ro mere epei ve tai toarei,ae ere sujarereai aeta haikakarei aeta safu kofa nia soa fareapo haro iri ovava ve.