¹ Tutumo arina, nau namei kamei, Bada ta javota osa evujo. Na donda wahai erevi ungo ta degi kajihena amina bouka arira, amore umo simba aisuja. ² Eto kogo eto ijumba evujo embo sasapura ta pure neite neite ere ora, ijumba evujo enna embomeni ainge amo ando visita mihe ora. ³ Ungotena amina Bada kaju ga kaju ari amina ahihi ta God humota aisora, Iesu keriso hena osaosa ue ando visi avo mane humota aisora. ⁴ Na oenga ando visi ta do uahena. embo neina amo nau wasiri mahu aita irari ke ainge hotembeora. Nane wasiri avo ano be aja ae ehena amo aehena. Na iji 8 irae enu, na umbuto Israel, embota degi pambuto nau ando tiukea, Benjamin ta ohihi, Hebrew ta ke pepeni aita heteto ea. ⁶ Eto tipure, ta God ta embo meni javotoho avo mane ue nane memega nei ta neita ikihahena, eto na oroho amo javotoho eto kepepeni na irae, na te umbasona irae ra. ⁷ Awo rate nane donda tapa eremita mine umbari aite, nane Keriso tapure eto ke avo hotembihe donda tapa toruhona. ⁸ Awo rate bebe na oroho donda toruhana eto igegikihara avo na hekara aminta be amo Bada nau Iesu Keriso ta kiari eto tohota sov era amo bouka be ra. Aveto donda tapa toruhona eto donda emore sapura kogue ena eto Iesu avo na ujota pere wahai uija. ⁹ Na avo Keriso hena pambuhana, javotoho te usasa nau namei ra ke be ari Keriso hena eto javotoho usa usa ke be arite God ta degi. ¹⁰ Oroho na be avo keisiuja ona hamore sovera peharari wasiri te erari giu pari te tohota memega neite neite hajire avo mine umbuhena. ¹¹ Na toho peheto erari avo ke be erena. ¹² Na donda tapa erevi kiari umbari manera eto najavotoho manera rate ra, rate na be eto ainge ae javotoho mane be re na mahu Iesu Keriso na javotoho aisona amita be re na mahu keriso na javotoho uija. ¹³ Namei kamei na be javotoho be mane avo eto na onga re hotebihena pure wahai ere (evisona) wasiri do tapa kuta avo jeenambo ue do tihi ta puvuha avo konkon aiso na. ¹⁴ Na be eto hihi buju putoha eto God jage ra nahena mihiha avo Bada Iesu Keriso ta javota eto javotoho umbasona. ¹⁵ Avo embo ungo pe embere enge to asora embo peteni tahotembari avo aisora . ¹⁶ Aingeto derami ungote ehera, avo jigosora. ¹⁷ Be eto kogo eto nakivujo, namei kameiungo dago hena avo hombe keto be kivujo eto ijumba evujo enana ami na ha damgeto ora iata ahekihira umbujo. ¹⁸ Embo idokobe avo na ora, enana ainge amita ke mahu no degi ijena enana ainge Iesu kitoho embo ainge eora na no degi tihi sisivu ga tapa ke erena. ¹⁹ Enana tutumo ari re sapura, bouka, memega enana God amo atita enana sarika amo enana ta meki ari. ²⁰ Aeo rate daroho irari uhu tara, aita ungo nau oreka embo simba aisura. Bada Iesu Keriso. ²¹ Aina ungo te nau andu au jandirikau ando amita sago kiari aingeko aisuja, tohota sovera sinderi te isapa mena be donda tapa ari sovera te oengara.