1
Ingo Galatia embo jiro ambubu. Ingo amei simboro pigisewi ? Amone Iesu Keriso awa ingo ingoda dombu da orega da dorisera .
2
Na ingo be gawase dipapa ena amone eire . Ingo asisi kotopu burisewa amomo agodari mi ro sira amimi burisewita ko gebe ari mi burisewi ?
3
Ingo mo jiro gae ta ? Ingo tuturo God da asisi kotopu ga ewo ,edo ingomo goroba ingoda topo mi sangowe adewita ?.
4
Memesi jiwae tambewa ainda bemo atita ? .Gebe ainda bemo atita ?. Gebe ainda bere atira.
5
God umo uso asisi iso yeida itido ira , ewagaewa edo ira ainda be mo , imo agodari mi ro sira awa ambo ambo esita ko , jiwari mi ro sira awa ingido gebe adesi ? .
6
Emone Abraham da gebe ari da God mi umo awa etiri embo ewamei isira ,
7
gari da awodo , ungo amei tumonda era ane Abraham da orobe .
8
Jiwari mi sira ,embo God da awigari aerate , ungoda tumonda ari mi , ungo God ga da adera .Sekago jiwari mi minonu sira , Abraham da yeida edo God mi busu arapu eia ewamei adira .
9
Awasedo , ungo amei gebe era , ane God mi abraham ewamei isira da awodo adira .
10
Jiwari mi sira , ungo amei agodari mi ro sira awa ambo ambo adera awa ungo God da simboro da atadae ra . Sekago jiwari da sira , ungo berari amei ro berari agodari da awa kera sapo adera amone God da simboro da atera .
11
Boroko awa itiri arapa ira , agodari mi ari God da ga umojigari sago ae, ainda be re , ewagaewa ira emei amone tumonda arimi atadera .
12
Awarate , agodari mi ari tumonda ari awa biae ira , ate jiwari da sira .Ungo amei ro berari agodari mi sira awa adera gido, ungo re atadera .
13
Awarate ,bebegae ingode naso ainda mina awa Keriso mi burisira jiwari mi sira , God mi simboro adira , umo amei jimbo adira .
14
Awasedo ,Abraham da ewagaewa awa embo Jew ae awa daedo badera , tumonda ari , Keriso kena ami , asisi God mi sisira awa badira .
15
Naso otatao, wasiri re eire . Etoto amei ro setero gambira awa , embo nei mi teugadae edo nei ro tamonda itadiae .
16
Boroko , God mi uso adisari nombo ewowo Abraham da yei isira jiwari da awa jiwae be saera , awarate , da be sira amone Keriso ra .
17
Boroko ,sadena ane God mi ititisira gyaiko 430 atae etiri ,God da adisari Abraham da yei awa sekago soumbedo ba diae .
18
Awarate , God da kando agodari da petadira , awa God da adisari awa pasega ira . Awarate , God uso adisari awa be arase gido uso kando itido ira .
19
Agodari einda be mo rori ?. Eiawa ititisira amone bebegae da awa ujugarase sedo , edo emone mata awodo atirari Abraham da apie ewowo siroro adira , embo Keriso ra .
20
awarate , boroko embo soropuda awa jiwae be , jiwae de sira ate God re da ra .
21
Agodari mi God da adisari amo gambita ?. Awodo aera . Awarate agodari mi wasiri itadira gido re ewagaewa re agodari da edo puradira .
22
Jiwari mi arapa sira busu jede eia jimbo mi bundari . God wasiri eia awa isira ainda bere uso adi sari tumonda ari Iesu Keriso da yei embo amei ge be adira ainda yeida ra .
23
Ingodena awa agodari mi bundari ra , awa embo ingode naso tumonda ari awa atirari ro sisira awa buwadira .
24
Awasedo agodari awa ingode naso bebegae embo awodo naso dedegari embo awodo atiri Iesu Keriso busira , awa sedo tumonda ari mi ingode na God ga asusubadera .
25
Awarate , tumonda ari buwira einde , ingode na nei ro mi giti jigadae .
26
Ingoda tumonda ari Iesu da yei amimi iri ingo God da kinapeina ewa .
27
Edo ungo jiwae be awa amei asisi da seka ari mi ombiri ingo Iesu da patu etewa .
28
Nei romi tega ari sago ae , imo God da avigari embo ta God da avigari embo ae ri , imo bundari ta , umo wujegari ri ,imo embo ta , imo ewetu ri ?. Awarate ,ingo Iesu da papatu ra .
29
Awasedo ,imo awa Keriso da patu adesa ami ari Abraham da orobe adesa , edo ro matu sari awa ombudo badesa .