¹ Paul , awa God da ge ambo ambo ari embo ra ,edo umo awa busuda embo mi gido giti jigari arase serate ,umo awa Iesu Keriso de God mamo ,goroba jiwae asisi diti mi gido karigurisera embo betedo eriri sira ² edo uso nanonamendi berari kumbudo mambusera Galatia embomei da yeida. ³ Ewagaewa de bega de ingoda yei puradira ,God mamo de edo Iesu Keriso de da jawoda. ⁴ Edo umo awa oregada vitido betisira ingode naso jimbo bebegae ingode naso awa embo , edo be umo soredo bari uso topo orase sedo ,ainda be awa ingodena gaegae doari boroko busu da wasiri bebegae sumbira ainda atorase sedo ainda dipapara , ⁵ edo usasa pararade natopo atadira ,Amen . ⁶ Edo na imo sago gosena ,imo awa burigibe warere gedo ewagaewa besa Keriso da jawo da .Na oju be ena ingo ewagaewa da awa dodo biae da engeneburewa . 7 Amone binga ewamei nei aera ,awarate embo nenei mi setero wasiri biae edo awa ingo Keriso da binga ewamei awa ingomi awo seka arase sedo ewa . ⁸ Awarate , minonu ro nango mi sisera awa nango mi ta ko utuda anela mi sekago sari mi biae sadera gido , embo awa God da simboro bae . ⁹ Nango mi matu ro sisera awodo , Sekago boroko sena , embo amei ro nango mi sisera awa dodo ge nei mi minonu sadera , embo awa God da simboro da itadira . ¹⁰ Gi avi ,namo awara ari embo da tamo God awa eura eni ? .Na ano embo dubo ewamei orase adi ena gido . Na da awodo iji berari doae embo da ano dubo ewamei orase gido , na awa Keriso da buro ari embo aera . ¹¹ Naso namendi , na ingo gawae dipapa ena , ane eire , binga ewamei nanemi minonu sena amone embo da aera. ¹² Na embo da amenda , yeida biae aera ,edo embo nenei mi atopatadera .Awarate , embo nei Bada Iesu mi naso yeida karigedo ira . ¹³ Ingo ingisewa naso wasiri matu tumonda ari Judaism da awa , edo na begata rawodo da, God da embo awa dedo gaedo isena edo be eteno usibesi isira . ¹⁴ Na awa Judaism da jo da babujisena naso bajari otao ainda te da , naso embo topo ainda joda .Na awa be serigedo naso mama mane da ewowo da babujena . ¹⁵ Awarate ,God mi ainda na naso aia da tini da edo jawo sisira uso ewagaewa da joda . ¹⁶ Edo dubo ewamei de uso mei naso yieda karigurisira .Awa ari na Iesu embo Gentiles da yeida minonu sanase , na awa burigi be tamo pisi de ,edo ororo demi ungo da yeida ge badi aera . ¹⁷ Na awa vitido Jerusalem ,ungo amei iesu da ambo jimbi isera ainda yeida .Awarate na Arabia mambudo edo sekago Damascus engeneburisena. ¹⁸ Awa edo gyaiko tamonda atae etiri na vitido Jerusalem mambusena Cephas na garase ,edo ungae da iji fifteen awodo atisena . ¹⁹ Awarate ,na ungo ambo jimbi nenei awa gaera , ate James Bada da namendi da awa gosisena . ²⁰ Na ungo da yeida owe gaena ane eire ,nangoda God da dombu da karigurisena amone na ge busae ra . ²¹ Na sekago Syria edo Cilicia busuda mambusena . ²² Edo na be awa embo Keriso gari Judea atera awa ungo na embo aweri awa gaera . ²³ Ungo ane tepo setero ingisera embo iji dade ungo be na dedo gaedo edo isera amimi boroko tumonda arida ge unemi usibesi isira awa minonu sira . ²⁴ Awasedo ungo , God jasiga isera na awa embo .