¹ Nanonamendi,nanemi ingoda yei ove jivedo,iji edo iji jaige da ro puradira awa sadiae ra. ² Imo-imosuka be gosesa,Bad da bugari iji awa teta bengono embo mi tumbade bugarago adira. ³ Iji ainde edo sadera begada edo ewamei da ainda ingo da yei da biae ijigadira.Gari da awodo evetu mei badi ise memesi budo edo era awodo,edo ingo neiro sirigadiae. ⁴ Awarate ingo naso nanonamendi, ingo umenga da atae awodo iji puradira awa ingo serigadira bengono embo awodo. ⁵ Ingo awa usasa da kinapeina ra,ingode na awa umenga kinapina aera. ⁶ Awa sedo ingode na gaegae edo nenei mi edo era awodo eore,awarate ingode na gosise atore edo jo dowo jamo jamo are. ⁷ Embo ugo amei evudo ira awa tumbadeedo ira da awodo umo amei umo okain indido kumbudo ira awa tumbade edo ira awa tumbade edo ira. ⁸ Awarate,ingode na awa usasa da topo awodo,awa ingode usasa da kinapeina awodo atadera edo tumonda ari de dubobari de mi bere awa jigadira,edo soregari awa isoro embo da beo gobe da awodo itadera. ⁹ Edo ingode na awa god da uso tini gambari atira awa embo sirigaera,awarate soregari Bada Iesu da yei borose . ¹⁰ Awodo umo ingode na embo betisira,ko ingode na ewae aterita evevi,awa ingode na da ungode atadera. ¹¹ Awa embo jaode namendi de sedogogo ewo edo awo bajore-ko matu ewa awodo. ¹² Nango ingo sedo gosera,nanonamendi ,awekawe buro oto ingoda teda era awa sedo jarise Bada da wasiri mi ujuga bajuga ewo. ¹³ Nango daedo ingo sedo gosera ungo ewamei be budo gogo ewo ungoda buro ewa mei be era awa embo.Ingo suka bega de atiwo. ¹⁴ Nango ingo dengoro era,nanonamendi:dengoro ewo amei emboro da pepeta era awa,awekawe amei sedo gogo ae etera awa ingo mi sedo gogo ewo,edo atoto era awa kondade ewo ,edo jamo jamo ari mi embo nenei kena ewo. ¹⁵ Giwo doawo embo nenei ami biae atera awa mina ari awa eore.Awarate roraro embo nenei edo berari awa embo ari awa ambo ambo ewo. ¹⁶ Natopo yaviri ewo. ¹⁷ Benunu sewo iji susu ae. ¹⁸ Atega butega ari awa ewo rora berari awa embo.Ainda be awa ene God da dipapa be ingo awasedo-Bada Iesu da jawoda. ¹⁹ Asisi da vevera iso joda awa aso ambure. ²⁰ Edo mana matu ro sari awa bae sumba eose. ²¹ Rora berari tega edo gio.Ewamei rori awa jigido gogo ewo. ²² Kariwa biae rori ainda gu jinjeo. ²³ Edo begada God mi ari kotopu be ewo.Edo asisi de kotembari de tamo de simba ewo,gido sadae be awodo ise Bada Iesu da sekago bugari awa simba ewo. ²⁴ Ge be sari awa umo amei imo jawo sira ainda yei. ²⁵ Nanonamendi daedo nango embo benunu sewo. ²⁶ Nanonamendi berari awa kotopu be mi muno gano ewo. ²⁷ Na tumonda ari mi Bada da jawo da jiwari eia ititena ajigewo nanonamendi berari awa ingore.Bada Iesu Kerisi da ewa mei ari awa ingo de da atare. ²⁸ Bada Iesu Keriso da ewamei ari ingoda yei da.