¹ Arare name dubo kotumao re, Naname Apakana awiya puro ge nigiwang me aungna pugaiti nasani naname name Dong Dotae. ² Bowi ge angelo zo sewa awiya ge me gege, arare pasena beraung giti nowa aungne ge dedu nowa, Mou apakana aungna me awiya taung dekaka gege. ³ Ora nameIngwaing Yewang me auna bowi ge doro, name Ingwang Yewang me aungna bowi ge awiya mena otu Tuwa Tutu baina ami naname sero senu ago nigiwa. ⁴ Tuwa Tutu nu ge me nuna awiya gipao babuze enara atu gipena, Anasani aungne owenora buro ena babuze, Awiya aratamao nuna aungna gege awi gaina. ⁵ Tuwa Tutu nu tangi seka unditi seka awiya angelo ra oko sena. ⁶ Arata mani ena awiya eyero sineya. Tangi emo awiya nu noware aeno ni nu be apakana kotung kotung nosa? Arata mani maingko zo koware ni nu samo dedi nosa. ⁷ Ni tangi emo awiya angelo ra hese mitaese yasa ni nu awiya waegao nina zo siuno yazobaina kama Pugasa. ⁸ Ni nona apkana awiya emo zo diya yaese sasa, Tuwa Tutu zo emo awiya nu nona apakana aungna maung yaisa sena. Tuwa Tutu nona ena oko dona awiya aung. arata emo heme ewiya nona apakana oko diyaniya. ⁹ Arata be apung gore gege awiya Yesu zo angelo ra hese mitina, Mou maware diunano magayero yazo baina ikapariya awiya pungna. Tuwa Tutura Hoamora nu tangi emo eno maga yena. ¹⁰ Yero nuna hina awiya zawa gaore nibaung nuna hina atu gege nona apakana kasayero mitaung na nuna hina atu gege nona apakana heme kasayero mitiya era. Yeroawiso dubu baina purobaung waegaora yena, Nu gitau yao yaro mou mawere diuno ago yai Ingwaing yari neya aungna buro awiya besu gaina. ¹¹ Kora yaora maung aune emo dubu Ingwaing yewa ago awiya maung dekaka. Nu susuwa aeno megamaga aung ago eno yao yamono sena. ¹² Nu eyero siniya,Na yao yamono nana eno yazo nina kere garinena, Na aungao masira atu ni eno yere gamari nena. ¹³ Na nupe, moko nana nibaung aungne nu tumo didinena, Nupe na gipu, Tuwa Tutu zo awiso na eno pagaina aungne dema mitena era. ¹⁴ Arare be awiso hu nuna aungre taung nuna aungre awigairo Pupunowa, nu nuka nu deka ayero awigaiti noiya, Anasani maga yao nuna aungnatu Sanda ra putoung maga yaora atu mitoiya awiya besugaina. ¹⁵ Nu emo ra mokora atu maga yaora Hing hing bunaora mitaungna awiya besu gaina. ¹⁶ Nu angelo eno oko kotungna, Nu awiya Abra ra sai sibuna aeno kotuna. ¹⁷ Arare nu yao yamono nuna aungna masi pungno nu pris baina ine yero dubo Ingwaing re tumo diyao Tuwa Tutura buro awiya yariniya, anasani aungne emo dubu apakana aungna pasena aungna maung yena. ¹⁸ Ayero nu etegau taungno, Moura toinare nu awe ete gao taungno moura toyarinia awiya nu sore mari sena.