¹ Gitau yao zozo Gaius otao nuna nibaung arataungro baing titi naung na awiya arugaiti niya. Na ni moko nana nibaung aungne aratapu nona. ² Otao nana nibaung,na kotupunena awiya ni ititi ra buro nibaung ka-ara nosa,arare na isa sinena nona apakana awiya ak-ara ni aungne ingwaing bautuniya.Ni yawa yawa ingwaing re nosa. ³ Inao emo ena zo bungro ge me ra bowi nina moko ra mitiaya awiya na bowi seteya nigena.Ago na bowi sero eseteya.Ni nai iwaing ago nawasa awiya ka-ara ago nesa,ayero seteya.Bowi ami yeti na yawa yawa baina kama tapunena. ⁴ Be apakana bowi emi na eno yawa yawa baina kama pugaitinoya.Noeno oko wata,nige mani awiso nana nai inwaing ago nowa. ⁵ Otao nana ni baung,ingwaing nibaung awiya ni emo dubu,Emo Tutu hingiro taka sero nowa a sorepu nosa.Ago awiya emo bauno ni zo oko gosinesa kasaniya. ⁶ Ago emo bauno Emo Tutura bowi sero yawa yawa nina moko ra nono ya pungro nosa aeno sinowa.Arare ago sore ung nao agera awiya bamao gege bamaise.Ago sore ung nao agera ami Emo Tutu samodae. ⁷ Ang yao agera awiya kristo bowi yari sero neya.Ago sore mao ena emo bauno Emo Tutu aune oko nowa,aungna oko pupunowa. ⁸ Arare name ago sore maneya.Be name ago sore ma nename, awiya name ago buro neya auna nago pugaiti nename. ⁹ Na igi zo ye yere ibura gena ta,diotrepes name geno sineya awiya oko niganiya,nu be apakana gitau yao yari aratapu noiya. ¹⁰ Be na barinena awiya nu nao noniye awiya nu eno sana nigari ya,nu ge hiwi nasani name eno ge meko mako sina sani noiya.Arata agege oko,nu emo bauno Emo Tutu ra bo anowa,Nu ago soremao bereya noi sinasani ago giro yawa yawa ago aungne oko noiya.Anasa mani emo bauno ago oko soremaese sinoiya.Emo bauno ago sorepunowa awiya nu ago yere ibura tuni noiya. ¹¹ Otao nana nibaung,nete mekora ame bamanesa,nao ingwang auna ame neung.Awe nao ingwaing noiya,nao awiya Emo Tutu ra hina atu butunoiya,arata nu awe nao meko noiya,nu Emo Tutu oko gosinoi kasa noiya. ¹² Mani apakana,Demetrius bowi nowa dubo dekaka agera zo siniya ge awiya me ara.Asinasani nige nu bowi nowa.Ni gosinesa nage ge nosinenage awiya ge me ara. ¹³ Na nona dubu baina nibaung pung ro nenare,nani bowi sari nena,arata na kiripu zo igi yao awiya na oko aratapu nena. ¹⁴ Kutumao nana awiya be baina oko na ni esewa yarinena.Be aungne na ni aungne dema mitasani oungne nago ge unge yarinenago. ¹⁵ Diti dubo re ni na Emo Tutura hina pugati nasani neung.Otao mani etu miteya ami yawa yawa agera ni eno ingyeng titineya.Yawa yawa nana ge otao mani apakana atu miteya aeno ingyeng titi nenage.