¹ Ora Iesu Keriso oroḡanu au vahiruhe tene, auka Davida mati Aberahamo iauge auki oroḡonu. ² Aberahamo oroḡi Davida, au tene aukamu onu: Aberahamo ra Isako Mame, renu Isako ra Iakobo Mame, renu Iakobo ra Iuda mati au ḡoḡuhe ruḡa iau Mame, ³ renu Iuda ra Peresia mati Sarah iau neine ra Tamara, renu Peresia ra Heseroma Mame, renu Heseroma ra Arama Mame, ⁴ mati Arama ra Aminadab Mame, renu Aminadaba ra Nason Mame, renu Nason ra Salmona Mame, ⁵ renu Salmona ra Boasa Mame au neine ra Rahaba, renu Boasa ra Obedi iau neine ra Ruta, mati Obedi ra Iesse Mame, ⁶ mati Iesse ra Davida Rohi koita e Mame ra. Davida uiege uhurahe Isaraela ḡaha iabara idigeime iauki Babulonia otinu, tene iaukamu onu: Davida ra Solomona mamera au neine ra Uriah ⁷ renu Solomona ra Rehoboama mamera, renu Rehoboama ra Abiah mamera, renu Abiah ra Asaf mamera, ⁸ renu Asaf ra Iehosafat mamera, renu Iehosafat ra Ioram mamera, renu Ioram ra Ussiah mamera. ⁹ renu Ussiah ra Iothan mamera, renu Iotham ra Ahas mamera, renu Ahas ra Hesekiah mamera, ¹⁰ renu Hesekiah ra Manaseh mamera, renu Manaseh ra Amona mamera, Amona ra Iosiah mamera, ¹¹ mati Iosiah ra Iekoniah mamera mati au ḡoḡuhea ruḡa, nega ei iauki idigei Babulonia otinu. ¹² Iau nega ei idigei Babulonia otene tene aukamu onu: Iekoniah ra Salatiel Mame, renu Salatiel ra Serubabel mamera, ¹³ renu Serubabel ra Abiuda mamera, renu Abiuda ra Eliakim mamera, renu Eliakim ra Asor mamera, ¹⁴ renu Asor ra Sadoka mamera, renu Sadoka ra Akim mamera, renu Akim ra Eliuda mamera, ¹⁵ renu Eliuda ra Elesara mamera, Elesara ra Matah mamera, renu Matah ra Iakobo mamera, ¹⁶ mati Iakobo ra Iosefa mamera Maria mobore, auka Iesu neine, au ihe iauki ronu Keriso. ¹⁷ Eige Aberahamo au urimi Davida gera taua ramu utube hakira ababu; renu Davida ai oroḡi Babulonia guramane taua tage utube hakira ababu; mati iau idigei Babulonia otine urimi Keriso ḡuruane taua tage utube hakira ababu. ¹⁸ Ora Iesu Keriso ḡuruane ḡumava aukamu onu: Au neine Maria so au mobore Iosepa ḡore guragu kobuḡa veite uhurahe, Horu Aena raki kiege ronu auka ḡami be mimivara. ¹⁹ Au mobore Iosepa, tage anana maḡe koita vara eige auki orogo Maria variva ḡahiḡa besibe vanu. ²⁰ Au anana viege uhura, Rohi bauge aneruve raki iaḡo uhura kironu, “Iosepa, Davida moe, a negu siḡoime Maria mi ai mabare kiege, ora Horu Aena eige ḡami o raki oroḡima. ²¹ Auka ḡami be mimi vara, au ihe Iesu ana rosa, makava ramu auka koita iau daureve inuhati maḡe ḡahi geigeva.” ²² Onaki ḡuma ora Dirava peroveta ḡahane gava riaḡa ḡahi ḡavara, ²³ “Eraḡiahe, maeaḡo bera detu ḡoi ḡami be mimi vara, renu ihe rosa Emanuela,” makava ramu, “Dirava ra no ruta gera.” ²⁴ Iosepa raki ḡaḡohi raḡi urimi, Dirava aneruve iaḡo kirone ḡumahe; Maria mi au mabareni kinu, ²⁵ eduge iauka so iau abu iaḡia kobuḡa veite uhura auki gami manu; eige Iosepa raki ihiva kinu Iesu.