¹ Foru, Iesu Keriso ta tipura embo, eto namei Timoti eto Pilimon, amo ungote nau otauo mane eto pure ari embomei. ² Eto ungote nau du Apia,eto Archipus nugote nau isoro embo mei ra, eto avo oro hotofu ungota dei ai vahita agora. ³ Ungote nau Mamaha ta Bada Iesu Keriso ta jo surafa te tunga humbari avo ungo perari amita dei. ⁴ Na mahange ungote nau Mama avo pekihena, na ungo perari avo nau penunu jo ai agona. ⁵ Na ingihana ungota tunga humbari te jo ngaiha Bada Ieso ta dei eto ke be ari embo mei ta dei avo miha. ⁶ Na pununu agona ne ungota jo ngaiha avo be ejekihiru avo donda perari be amita siro keari evamei ungote nau jo eita amone Iesu ta dei ra. ⁷ Ungota tunga humbari amina ehei avo nau osakageni te jo jamo ari amo be dombosipa bera. ⁸ Ane aravo eto, na Iesu ta dei jo sinderi ra avo eto ungo evivi ere na do aisova awo evu jo. ⁹ Ate tunga humbari, na ungota dei erena, na Pol, embo evovo, eto ahako oroho Bada Iesu ta tipura embo. ¹⁰ Na ungo eto ereingihena nau mei Onesimus awo hotembu hotembu erona, mei avo nana jota iketo avo simba oena. ¹¹ Mone ungota dei ai mone jigama ari sago aera, ate oroho mone jigama aisora ungota dei eto vahainge nau dei. ¹² Embo ikehena ungota dei pambija amone nau jo ra. ¹³ Nau tifafa erona embo avo nana iketo iraehena, avo inena ungota avo na hondate aisuja, ainge oruru avo na Mamaha ta keta javo ta fetane. ¹⁴ Ate na nau uje ane donda perari be evi avo tehotaho ungo ke ae ingae ari avo ujae ona. Nau uje ne ungota wasiri evamei avo tehotaho ari avo ujeaona ate evamei ta. ¹⁵ Aravo ijekasuja avoembo mone eonga iji avoembo fetihija, aravo kito mone ungoga mahange iresuja. ¹⁶ Oroho emo mo tipura aera, ate tipura ta nitara, tunga humbari namei.Tohota tunga humbari ane nau dei tara, eto okosi be ne ungo dei ra, hamo ta eto Mamaha ta dei ta. ¹⁷ Avo embo ungo na bambu ainge avo humbujo, embo avo humbuvujo, na humbagovo aigeto evujo. ¹⁸ Ate embo avo ungota dei samuna ehei temo oh ungota donda humbei, avo na hena ikevujo. ¹⁹ Na, evi nau ingenina kajihena, nanaonga egerembeto mane aisona ne ungo hamo nau avo ungo humbaera. ²⁰ Awara, namei, Mamaha ta dei eh kone. Nau jokomo evi ehako eh eha ai. ²¹ Nu hera avo be kehena, nu dei ere kagihena, na ere kevona do ari eto ingena ane jaruketo aisona. ²² Ate iji vahaamite, jo vahi nau dei sija ejo, na mo humota ona nu penunu ai nane ahako ikaro egerembeto nu dei furisona. ²³ Epaphras, nau namei Bada Iesu ta tipura embo, mo ere pekihena. ²⁴ Mak umo te bara, Aristarchus, Demase to Luk, nau namei kamei pure ari embomei. ²⁵ Ungo te nau Bada Iesu Keriso ta jo ari avo ungo perari amita asisi jo ai ta Amen.