¹ Namo ejefa aeretemo? Namo Iesuta ambotani? Namo Iesu mo kiaeretemo? Eto imomo nau pure embo ae Bada ta jotaretemo? ² Ate na avo embo neita ambotani aekito,nane nu na.Amita be ne inena ehe be ehija na nau ambotani Bada ta jota. ³ Embomei neinei na avo be keisi uje aisora kitore emina na avo peikasuja. ⁴ Ingona umo te indari te jigama aisora amo awara re te mo awara aere? ⁵ Ingana airimei Iesu ke be ari evehumei eto ambotani perari,eto Bada ta embomei te Cephas humbuto isa hembari mo awara re te mo awara aere? ⁶ Neimo namote Barnabas te pere avo pure ari ta awara ari ekari re te? ⁷ Embo mo amina imo isoro embo ainge avo iji nenei ue tohota koro tofo avo jigama eagoi? Embo amina indari ji be te avo kovete mane indagoi? Nei embo mo amina o simba ue o ta emi avo mane indagoi? ⁸ Na ke perari ehena emita awara ari mo pusu embo na ikari re te mo? ⁹ Moses ta agetari ta kajari mihane "o ji ve turihiri kito , o amita pe avo mane pekeora era".Bada mo o evamei eto simba arita ke ereite mo? ¹⁰ Bada mo ingana perari amita ke ereito mo? Ke emone ingana avo embo kajihija ambo kito embo amina enda turakuja amone humota ue turakuja eto embo amina donda ve sirikasujaavo kovau erito beau humbuto hande aisuja ainge avo humota ue aisuga . ¹¹ Eto nangona asisi ta donda avo ingota jota kova sora kitomo,pusuta donda perari ingota mo okosiko humbavotemo? ¹² Embo nenei ta arihumbari erevi ingotenau tombuta aisora kito mo, ingananena arihumbari ainge mo mane seriketo aherete mo? Wasiri erevi ingote evamei ainge avo mane humbasora eto aramina au Iesu ta pinga ie fue ari avo peikasuja. ¹³ Ingomo kiare,embomei oro hotopu simba eagora amita indari ne oro hotopu jo ai humbagora; eto embo oro hotopu jota vevenda simba eagora amita indari amo jo ai humbagoretemo? ¹⁴ Ainge dombo Bada na sija embomei Bada ta ke ai mihera embomei amita irarihumbari amo Bada na keisuja. ¹⁵ Ate na wasirierevi humbaisi aera.Ke erevi nanena na avo embo kajaera te,evamei ne nanena pehasona ano embona nau wasiri evi mane kito aisora. ¹⁶ Na Bada ta ke erevi tirito humbuto ue mane sarika aisona. Amita be ne wasiri evi uene arihumbari eva kaeva avo ana era.Namo Badata ke erevi hande aisona aekito amo memesi hambasona! ¹⁷ Ariwasiri erevi nau jona aisona kito,ane amita mine avo humbasona. Atewasiri evi jona aekito ane Bada na do eto humbara ehija awo mane humbasora. ¹⁸ Nau mine mo donda mo doire? Na Bada ta ke erevi teho be hande erona amina nau ujeje ke hande arita avo inono aera. ¹⁹ Ambo kkito mane embo tehora embomei perari ta tombuta, eto na ingo perari ta pure ari embo. Ainge ue amita be avo dombo be humbasona. ²⁰ Jews ta deita avo na Jews embo ainge, ue Jews embomeitoto kihi aisona. ²¹ Embo agetari jota irae amite namote perari vahai aisora (ate nane Iesu ta agetari jota mihena) ainge ue embomei agetari jota irae avo serikasona eto avo kihi aisona. ²² Eto na embo mei kebeari memejate amiga wahai aisona ,ainge ue embomei kebeari isapate avo seriketo kihi aisona. Ainge ue na donda perari ta jo ai irisona eto embo perarita deita, wasiri arawo ue embomei perari ta jo ai irisona eto embo perarita deita, wasiri arawo ue embomei perari avo inonota hondate aisona. ²³ Na pureperari evi erona amone Bada ta ke awo ingotenau jo ta iroja uje erona. ²⁴ Ingo embo perari sesena jota miheva amo ingomo kiare, embone wahai be amina sesena amita kihi avo eto amina hande be awo humbasuja. ²⁵ embo perari sesenata hore hera ane ingo eongana hamo simba ue ahofatirari nenei humbagora amita be ne sesena evamei eto hande be mane samuna aisuja avo humbasora, nenei amo hande samuna avo humbasora. ²⁶ Ambo kito ane donda be humbasi huhuvagora teho pisara ka jujune teho mane agona. ²⁷ Nane na moengana ando ta ujeje avo hengihe ue emboneita ke hande eto amita ambota na mane nau evamei avo mane toasona.