¹ Oroho nau uje avo erena do ovesiviheva,"evehu avo mane jigisuja amo bara evamei. ² Amita bene virofaima avo embo kito,embo mo ae iresuja vahage evehu mo ai irusuja. ³ Embo amo tohota evehuga vahita evesuja,eto vahi aigeto evehu tohota hamo amo ivu ta dei ikasuja. ⁴ evehu amo moega hamo tohota avo tofo aera,ate tohota hamo amo Ivu tofo.vahangeto embo amo hamo tohota amo tofo aera,ate evehu tofora. ⁵ Mane ungo pere eju kasova,ate iji amita ke eto ingari,avo eto kito ungo te na kekeha ta irisora.eto avo ahoko vahita aisora,amone embahe simina amina mane ungotea au veaso vera. ⁶ Ate ke ehana emo ungona amboambo ava aira,ungota ujeje avo ambo,ambo aisova. ⁷ Na uje avo embo perari avo toho na be ae herate eoga mamahata dei humbari nei amo ne. ⁸ Oroho na ungo kakara eto evehu doru amita arena evamei na mihana engeto irivujo. ⁹ Ate ungo mohoga vasiri ungota avo tihijigae aisora kito amo ungo jimbasowa.eto evamei amo ungo jimbasowa ate mane hamo visita minabari na okosi be aisuja. ¹⁰ Na oroho ungo embo,evehu jimbari amita agetari ikehena amo nana aira ate Iesu na era -evehu amo mane Ivu toto mane eonga iresuja. ¹¹ (ate evehu avo Ivu toto miha kito re,evehu avo mane Ivu jimbasuja,eto tohota evehu ta dai furusuja.) ¹² Ate ungo neinei amita ke erena -na,iesu aera te-imo namei amina nu evehu avo humota kebe mane aguja ate mo avo hetega iresi uje asuja kito embo amo mane evehu avo toasuja. ¹³ Eto evehu tohota Ivu avo kebe ue mane humota aguja ate embo na hetega iresi uje au kito ne,evehu amo mane tohota ivu mane toasuja. ¹⁴ Embo amina Iesu humata mane aguja ate tohota Ivu ta dei evamei aisuja,eto evehu na Iesu humota mane aguja amo tohota namei ta deita evamei aisuja avo ai kito ungotenau hinafena ne togonote ra,ate oroho ungo ne hotufu ehera. ¹⁵ Embo eto evehu amina Mamo humota ae eaguja ,embo eto evehu avo pambasi uje au kito tovujo pambai. Amita be ne embo namei nete du re amo hamo aera, ate mama na ungote na ane mahu tunga hubari ai jage jija. ¹⁶ Evehu umo daingeto kevuhe, imo dainge eto kito nau ivu hondate ao? ¹⁷ Tovujo embo wahi wahi avo ungo monga eto kito Bada Iesu na toho ungota wasiri ikihija ungote naudei, eto amo mamaha ta jage ungote nau dei. Eto evi ungote ere ijukihena orohotopu ta pere. ¹⁸ Embo jage jija amo ando tukarirete ?Tojo aingeto iroi. Eto embo nei ando tukae amo jagejeite ? Tojo aingeto iroi. ¹⁹ Hamo tivari ane irae ra, eto hamo mane tivagora ane nei do aera, ate donda mo iketo irisoa ane mamo agetari awara. ²⁰ Embo vahi vahi ta javo jajage erea ange avo iresuja. ²¹ Ange imo jajage erea, pure embo angerete? Mane toau nu ujeje asuja. Ate imo ujeje jo ange miha ane imo ne erae eto toho ta evamei avo humbasoa. ²² Embo vahi mo amina Bada ta jo ainge pure embo uija kito ane embo ane Bata ta pure embo. ²³ Imo ne hariva ka humbarira, ambo eto mane embo ta pure embo aingeto avo mane aisoa. ²⁴ Namei kamei, embere mo daingeto avo ungo vahi vahi jajage uija, tojo avo umo Bada ta jo ai eroi. ²⁵ Oroho ene eha avo ki, na Bada ta dei agetari humbaera. Ate Bada ta deita hotembetoari humbuhera, nau hotembari avo ikihena embo na humota ae erona amitadei. ²⁶ Avo eto, na hotembuhona ane evamei, amita be ane samuna puvuha,imo daingeto miha ane tohota evameira. ²⁷ Imo evehuna agetigari retemo? Mane toasi je etoingari aisoa. Imo evehu na toara. Mane evehu jojobu aisoa. ²⁸ Ate imo be jimbasoa, ane imo samuna aera; eto evehu eha na jimbasuja,ane umo ne samuna aera. Ate umo amina ere jimbuha ane imone hamota memesi osaga, eto nau uje imo avo mahu ano keisoa. ²⁹ Ate evi nanena erena, namei kamei:Iji avo tufo be ehija, avo eto oroho eto pambuha, eto embo amina evehu tere ane koropa mane aguja avo aisuja. ³⁰ Embo amina si era ane tohota si aeinge aisuja. Amina osa ora ane tohota osa aeige aisuja; eto amina hoijihija ainge aisuja. ³¹ Embo amima pusu jigama ora ane tota jigama ari inge aisuja. Oroho emita pusu wahita ari amo ere pambuha. ³² Ate na uje ingo be toho be ujeje avo toasova. Embo evemu gimbae ane Bada ta donda avo ujeje aisuja, Bada dainge eto au osa aisuja. ³³ Ate embo aete ane donda pusu ta avo ujeje aguja au tohota evehu osa aja eto amina hekeri pakeri aguja. ³⁴ Ane Bada ta donda avo ujeje aguja, evehu avo jamojamo eto asiasi ta. Ate jimbari ane donda pusu ta avo ujeje aguja eto tohota embo osa ara keje. ³⁵ Na erena ane ungota evamei avo embo erena,mane ano samuna avo inono ta ikasoa avo aerate, evamei embere kahau puto Bada ta dei puresuja donda bouka mane iresuja. ³⁶ Ate embo amina hotembuha imo ari samuna tohota vasiri eha ai ora-ate evehu avo heka jimbari ta avo dombae asuja ane embo avo umo do aisi eroa avo aisuja- Eto embo ane umo do uje ora avo aisuja. ³⁷ Ate embo amina jo gainha na fete hija embonei ta sovera ainge aisaera ate ari tohota koropate eto umo kito awara tohota jota uija- tohota eha avo simba aisi uija, umo na eva mei aisuja. ³⁸ Ate, embo amina tohota ae eha mika jimbuto evamei aisuja, eto umo amina tohota ae eha avo jimbae aisuja ane bara evameina. ³⁹ Evehu ane agetari tohota ivu miha aigeto iresuja.Ate tohota ivu pehasuja,evuhu ane toho ehija amo imo ne embo davo ujeora ne jimbasuja ate Bada ta jo ta. ⁴⁰ ate nau hasari ane umo aso aisuja,eto umo miha aingeto avo irisuja.Eto na hotembihena ane na Mamata asisi avo bara humbahena.