लिउ ९
1
ति तिङ्ला ङापा देवाच्येनकि थुकि दाक्पि ग्यालिङ फुसुङ। तेमे ङेकि देवाचेन नेसुर् जाम्बुलिङ्ला कार्मा चिक् ल्हुबिन् वतुप् थोङ्सुङ। ति कार्माला ङ्याल्वाकि दिमि बिन्सुङ।
2
तिकि ङ्याल्वा पेसुङ, तेमे ति ङ्याल्वा नेसुर् नाक्पु तुताक् दगे क्याला डोइ वतुप् नक्। तिकि ङिमा ताङ लुङ्बाला नाक्तिङि जोसुङ।
3
तुताक् नेसुर् जजाम्बुलिङ्ला पेच्यक्पा तिवा थेनि लेसुङ्। तेमे जाम्बुलिङ्ला बिच्छि तिविकि दगे ङार तिवाला बिन्सुङ्।
4
जाम्बुलिङ्ला वतुप् सो मिन्सिन् चिन्दिङ् ङोर्मु दोङ्बु तिवा ना मातोङा सिनि तिवाला सिक्यासुङ्। हिन्सिनाङ् तिविकि टालाला कन्ज्यककि ज्ये मेतुप् तिवाला क्याजिक् नातोङा सिनि सिक्यासुङ।
5
तिवाला ला ङा क्याज्यिक् दुक्पा बिन्, हिन्सिना, ति मि तिवाला मासेसा सिनि का बिन्सुङ्। तेमे तिवि दुक्पा ति बिच्छि च्यिगि मि चिक्ला फेतुप् दगेराङ गिउइ।
6
ति ङिमा तिवाला मि तिविकि श्येप् छोलग्यु, हिन्सिनाङ तिला मेङेउइ। तिविकि श्येप् सिनि आला नावा क्यासिनाङ श्यिवा ति तिवि चाने थारे छ्यङुउइ।
7
पेच्यक्पा तिवा माक्ला ड्वप् सिनि टेगे जोबु ता तिवा दगे थोङिनक्। तिविकि गोला ङुलकि दगे श्यामुङ् ताङ तिविकि च्याङा ति मि च्याङा दगे तोङिनक् ।
8
तिविकि रा पुम पेजि रा दगे, तिविकि सा तिवा ताक् कि सा दगे नक् ।
9
तिविकि छेकक क्योरुप् ति, च्या छेकक क्योरुप् दगे तेमे तिवि पुश्यककि वोरु ति माक्ला छ्यङ्गुप् आला ता तिवा दगे ताङ ताखुर्ने दगे नक्।
10
तिविकि ङामा ताङ तुक् ति बिच्छिकि दगेराङ् नक्, तिविकि ङामाला ला ङा साक् मिला नातोङ्थुबु ङार् नक्।
11
तिङ्मु ङ्याल्वाकि थु ति तिविकि ग्याल्बु दगेराङ् नक्। हिब्रु ताम्ला तिकि मिन् ति एबाड्डोन नक तेमे ग्रिक मिनला ति तिकि मिन ति अपोल्लियोन नक्।
12
तङि काबु तुज्ये ति सिन्सुङ। ल्होसा, दितिङ्ला हरुङ् ङिचक् काबु तुज्ये हुङुगोबु नक्।
13
टुक्पा देवाचेन्कि थुकि दाक्पि ग्यालिङ फुसुङ। ङेकि कन्ज्यककि दङ्ला वतुप् सेरकि क्योस्याम कि आर्क्यक तिवा नेसुर् वोरु चिक् हुङिन् वतुप् कोसुङ ।
14
ग्यालिङ खुरुप् तिकि दाक्पि टुक्पा देवाचेनकि थुला वोरुकि सिक्यासुङ,"गेर्पु ज्युङ युफ्रेटिसला टानि ज्याकुप् मेरा श्यि देवाचेनकि थु तिवाला ताङबिन्।"
15
मि मिरिक् तिवि बो च्यिक् सुम्बाला सेतुप् सिनि ति तुज्ये, ति ङिमाला, ति लाला, ति लोला सिनि टेगे जोबु मेरा श्यि देवाचेनकि थु तिवाला ताङ् बिन्सुङ।
16
ते खाला ज्येकुप् तिवा (करोड) खाल्ज्यिक नक्। ङेकि तिवि (सङ्ख्या) कोदिन्।
17
दुक क्यानि ङेकि छ्यार्पाला ता तिवा ताङ ते खाला ज्येकुप् तिवाला थोङिन्। तिविकि छेकक् क्योरुप् ति मे दगे मार्मु, थुक्पु ङोर्मु ताङ मुसि दगे सेर्बु नक। ता तिवि गो ति ताग् कि गो दगे नक्, तेमे तिविकि खे नाङ्नेसुर् मे, तुताक् ताङ मुसि थेन्गिनक्।
18
तिविकि खे नाङ्नेसुर् थेन्दुप् मे, तुताक ताङ मुसिकि दि काबु तुज्ये तिवा नेसुर् मितिविकि बो चिक्-सुम्बाला सेसुङ्
19
चिला सिसिन ता तिविकि ङार खाताङ ङामाला नक्, चिला सिसिन् तिविकि ङामा रुलकि दगे नक्; तिविकि गोकि ग्याम्नि मि तिवाला मा तेन्नक।
20
दि काबु तुज्ये नेसुर् मासेबु ज्येन मि मिरिक् तिविकि तिविकि दाक्पि क्याबु लाका तिविकि सेम ग्युर्वा माक्या। तिविकि सेर् ङुल, सा, दो ताङ श्यिङतिवा तेमे थोङ्गुप्, कोतुप्, ताङ युग् मुथुबु सामा तिविकि कु तिवाताङ ह्रेन्डि तिवाला सँवा बुलुप् माताङ्
21
तिविकि मि सेतुप् लाका क्याबु, छुछ्युल् किरुप्, श्याम्डेन लाका किरुप् ताङ् कुन् किरुप् लाका तिवा नेसुर् सेम ग्युर्वा क्यासङ्।