¹ तेमे थुमाकि दिन्ला मोहोर पेसुङ, देवाच्येनला धण्टा फेचो च्यिक नाक तुङि गाल्सुङ। ² ति तिङला ङे कन्ज्यक गमाला लानि देतु मेरा दिन देवाच्येनकि थुला थोङिन डुमा दिन तुरहि विन्सुङ । ³ राङसा देवाच्येनकि थु लेसुङ तेमे सेरकि पोको खनि बेदि चाला लासुङ । ⁴ ग्याल्ठिकि गमाला तेरि मोवाकि मोपारे तानि देतुला सिनि देवाच्येनकि थु ला आला पो बिन्सुङ । ⁵ मोबा तिकि मोपारे तानि पोकि तुताक देवाच्येनकि थुकि लाक्पा नेबा कन्ज्यककि गमाला ख्योल्सुङ । ⁶ तेमे डुमा दिन तुरहि हतुप देवाच्येनकि थुतिबा ति फब्ला तयार क्यासुङ । ⁷ दङि देवाच्येनकि थुकि दाक्पि तुरहि फुसुङ तेमे सेर ताङ ठाक ह्रेबुप मे लेसुङ । तिला जम्बुलिंङला क्युर्सुङ । तिकि जम्बुलिङला बो सुमकि बो च्यिक उप्सुङ, बो सुमकि बो च्यिक दोङबु तिबाला उप्सुङ, तेम तेरि ङोर्मु सोला साङ उप्सुङ काङ ङिङ्मा संस्करणला तिला ताङु ह्ये ।तिकि बो सुमकि बो च्यिक छिगु ह्ये । ⁸ राङसा देवाच्येनकि ब थु दाक्पि तुरहि फुसुङ, तेमे मेकि छिगिन किरु दक्पुजिक बोबु ला दगेराङ काङ ग्याम्छोँकला क्युर्सुङ ।ग्याम्छोकि बो च्यिक ठाक ग्याल्सुङ । ⁹ ति तिङला ग्याम्छोला हतु पालाङ्ग तिबा बो च्यिक स्यिसुङ् तेमे ठुर्ग्यपु ति बो च्यिक ना ग्याल्सुङ । ¹⁰ सुम्बा देवाच्येनकि थुकि दाक्पि तुरहि फुसुङ् तेमे नामनेबा बारिन अतु दगे दक्पुजिक कार्मा बोबुजिक नदितिबा बो च्यिक छ्यि पुङला लुम्सुङ् । ¹¹ ति कार्माकि मिनति “एरेलु” हिन । बो च्यिक छ्यु खाक्ति गाल्सुङ् ।छ्यु नेबा तेरि मि स्यिसुङ । ¹² स्यिचक देवाच्येनकि थुकि दाक्पि तुरहि फुसुङ् बो ङिमा ताङ कार्मा, तेमे बो च्यिकला प्रहार क्यासुङ् ।बो च्यिक नाक्तिङ्गिला परिणत गाल्सुङ्, बो च्यिक ङिमा ताङ बोच्यिक नुपला ठादिङ्गि मागाल । ¹³ नाम्गि पार्ला फिरिन कुरु गरुड बोबु तामला दुक सिइ किरु कोसुङ् तेमे ङे ल्हाबिन लुबु सुम देवाच्येन थुकि फ छालु तुरहिकि आवाजकिसाला जम्बुलिङला देतु मितिबाला धिक्कार, धिक्कार, धिक्कार ।‘’