लिउ १३
1
तितिङ्ला ङेकि ग्याम्छो नेसुर् चिक पालाङ हुङिन् वतुप् थोङिन्। तिकि दि डुमा च्यु आर्क्यक ताङ डुमा दिन गो नक्। तिकि आर्क्यकतिवि खाला डुमा च्यु श्यामुङ नक्, तेरिक् गो तिवि खाला कन्ज्यकला मारे तोङु मिन तिवा नक्।
2
ङेकि थोङु पालाङ ति किजिक् दगे नक्। तिकि काङ्बा तिवा तोम कि दगे नक् तिकि खा ति ताक कि दगे नक। तिला ओङ किरुप् सिनि गेर्पु रुल चिगि दाक्पि ङार, दाक्पि ग्यालठिकताङ दाक्पि गेर्पु ओङ्ज्येन् बिन्सुङ।
3
ति पालाङको गोला तिङ्मु मा नक, तकिदि श्यिवाला साक क्योल् थुबु नक् हिन्सिनाङ ति मा टेक्सुङ। तेरिक जाम्बुलिङ्ला याम्छेन लासुङ तेमे तिविकि ति पालाङ्ला तिङ ङ्यासुङ।
4
तिविकि ति रुल गेर्पुला सवाँ देपुप् नक्, चिला सिसिन तिकि दाक्पि ओङ्ज्येन ति पालाङ्ला बिन्दुप् नक्। "दि पालाङ दगे ज्येन सु वे?" तेमे "दिकि खाला सिकि माक् ग्याक्थुक्यु?" सिइ दाङ तिविकि ति पालाङ्ला सवाँ पुल्सुङ।
5
दिकि खे नाङ्नेसुर् ङाराङ हिन् सिरुप् ताम ताङ कन्ज्यकला मोतुप् ताम तिवा बिन्सुङ। तिला ला खाल्जिक् ओङ् किरुप् सिनि का बिन्दुप् नक् ।
6
तिकि किसाला, कन्ज्यककि खाला कन्ज्यकला मोतुप्, खोकि मिन, खोकि देसा दासा ताङ देवाचेन्ला देतुप् तिवि खाला मोतुप् सिनि ति पालाङकि
खा पेसुङ।
7
मोवा किरुप् तिवा तानि माक्मिला थाम्नि तिवाला ग्यालुप् सिनि ति पालाङ्ला का बिन्दुप् नक्। तेमे तेरिक मिरिक्, मितिवा, ताम्ङे, ताङ ग्याल्खाप् खालाङ ओङ बिन्दुप् नक्।
8
जाम्बुलिङ्ला देतुप् तेरिक मि तिवि ति पालाङ्ला सवाँ देकुउइ, तिकि मिन ति जाम्बुलिङ जोबु नेसुर् राङ सेतुप् लुइ रिउकि मिजिकि थेपला टिबु मेत्।
9
सिकिदि नाम्ज्यक वे तिकि ङेन्सित् ।
10
सुला चोन् खाङ्ला टि ड्वप् हिन ति चोन्खाङ्ला डिउइ। हुतुङ सुला टि थनि सेतुप् हिन् तिला टि थनिराङ सेक्यु। गुताङ, जेताङ ताङ रेत्पाला सु चेङि वे तिला क्याजिक् काताङु वे।
11
तजोला ङेकि जाम्बुलिङनेसुर् हुङिन् वतुप् राङ्सा पालाङ्ला थोङिन्। तिकि ति लुउइ रिउकि दि दगे ङिचक आर्क्यक् नक्, तिकि गेर्पु रुलकि दगेराङ क्यानि ताम क्यासुङ।
12
तिकि तङि पालाङ तिकि दाङ्ला तेरिक ङारकि लाका क्यासुङ्, तेमे जाम्बुलिङ्ला देतुप् मितिवाला ताङ तङि पालाङ तिला तिकि सवाँ बुलजिकिनक्, तिकि तिङ्मु माति टेगु नक्।
13
तिकि याम्छेन लाङ्गुप ङारकि लाका छ्या तेन्सुङ। तिकि मि तिवि दङ्ला देवाचेन नेसुर् मे बेबु लाका कयासुङ।
14
ङार छ्येकि ता नेसुर् दिला तुक किरुप् सिनि ओङ बिन्सुङ । ङिपा पालाङ तिकि जाम्बुलिङ्ला वतुप् मि तिवाला जुनाक जोसुङ। तिकि तङि पालाङला ताङ्देन् किरुप् सिनि तिवाला कुचिक् जोचिसुङ। ति पालाङ्ला टि कि फगु नक् हिन्सिनाङ ति सेन्बु लासुङ।
15
तिला ति पालाङकि कु सेन्बु लोङ सिनि का बिन्सुङ्, ति कु तिकि ताम कि थुसित् तेमे ति कुला सवाँ मुलुबु तिवा तेरिक्ला सेतुप् सिनि।
16
तेमे तिकि ङार वतुप् ताङ लाका मेतुप्, छ्युक्पु ताङ टेङ्बु, तिजराङ देतुप् तिवा ताङ यक्पु तिवा तेरिक्ला याबा लाक्पाला मिन्सिन् टालाला ता ग्योप् सिनि सिक्यासुङ।
17
ति ता मेतुप् मि तिवाला ङ्यप् ताङ चोङु दुक्पा हुङुनक्। ति पालाङ्कि ता कि तिकि मिन तिवाला ङ्वप् ज्यिक् नक्।
18
दिकि रिक्पाला कातोङु। सु तानि सेम्ला ल्हाप् वे, तिकि ति पालाङ्ला ङोङित् चिला सिसिन ति ङोवा ति मि मिरिक तिवाकि हिन्। दि ङोवा ६६६ हिन् ।