लिउ १२
1
देवाचेनला वोवु ता च्यिक थोङ्सुङ , ङिमा कोनि , कार्माला दाक्पि काङ्बि हक्ला लेबु पुम्पेजाचिकि च्युप्ङि कार्मा वतुप् उस्या कोदु नक ।
2
ति जुबु च्येदि वतुपकि किसाला सुकक्यानि कारे किइ वतुप नक ।
3
ति तिङ्ला देवाच्येनला राङसा ता थोङ्सुङ , ल्होसा ! त्ये डुमा दिन मार्मु बोबु गो ताङ डुमा च्यु आर्क्यक ताङ तिकि गोला डुमा दिन उस्या मार्मु कोन्दुप् च्यिक बोबु पलाङ नक ।
4
तिकि ङामिकि देवा च्यनला वतुप कामा च्यिक कार्जेनला रुनि तिवाला जाम्लिङला क्युर्सुङ । आङ केवादाङ साब सोनि ति जिवा लाङ्दे अजिङ्गर ति पुम्पेजि गमाला लानि देसुङ ।
5
तिकि च्यिक आङा केसुङ , तिकिदि च्या ग्युक्पा थनि तेरिक मिरिग् तिवि खाला ओङ्ज्येन किउइ । तिकि आङाला ठनि कन्ज्यककि ग्याल्ठिक नेवा खुन गालसुङ ।
6
च्युपङिताङ खालसुम ङिमासाक ति पुमपेजाला ल्हाप् सिनि कन्ज्यककि तङ्लाराङ जोबु खाङ मेदुप् दासाला ति पुम पेजा टोनि गाल्सुङ ।
7
दजोला देवाच्यनला माक्मि च्युङ्सुङ । मिखाएल ताङ तिकि थुतिविकि ति पालाङ खाला माक्मि क्यासुङ , तेमे अजिङगर ताङ तिकि थु तिविकि माक्नि क्यासुङ ।
8
हिन्सिनासङ ग्यालुप सिनि तिअजिङगर तानि आला ङार मिदुक। तिकि किसाला देवाच्येन्ला तिदाङ तिकि थुतिवाला सिनि चिन्दिङ दासा मिदुक ।
9
जाम्लिङकि तेरिकला जुनाक ज्वप् ति अजिङगर सिरु शैतानला तिकि थुतिवा तानिराङ जाम्लिङला क्युर्सुङ ।
10
दजोला ङेकि वोरु बोबु च्यिक कोदिन ,"ता थार्वा , ङार, अरे कन्ज्यककि ग्याल्खसप ख्रिष्टकि ओङज्येन लेबु वे । कन्ज्यककि दिन्ला अरे नुकतिवाला ङेबा जुबु तिवाला क्युरु वे ।
11
तिकि तिवाला लुगिकि ठागताङ सुङकि पाङ्बुनेसुर ग्याल्सुङ , चिला सिसिन तिविकि श्याप ङिमासागाङ दाक्पि जुबुला ङोङ्ज्ये माक्या ।
12
तिकि किसाला देवाच्यनताङ जाम्लिङलादेतुप खिराङ तेरिक गा किसा । हिन्सिनाङ जाम्लिङताङ गेम्छोला मामो गालु वे। दाक्पुतानि च्येजिक क्याजिक तुज्ये वे सिनि तिला छ्या वतुप कि किसाला तिकि नाङ्ला जिवा लाङ्दे ङेर्माकि केङु वे ।
13
दाक्पु जाम्बुलिङला क्युरु वे सिनि रुल गेर्पुकि क्ष्या ङेसिमा तिकि आङा क्येप पुम्पेजाला दुक्पा बिन्सुङ ।
14
ति पुम पेजाला च्यिक तुज्येताङ फेचो तुज्येसाक ल्हाप् सिनि कन्ज्यककि जोबु दासाला फुर्नि डप् सिनि पुमपेजाला डुक्ककि डुमा ङि बोबु पुश्यक बिन्सुङ ।
15
ति पुमपेजाला ज्यानि डोसित सोनि ति रुलकि दाक्पि खेनङ्नेसुर क्ष्यि ज्युङ दगेराङ क्ष्यु तेन्सुङ ।
16
हिन्सिनाङ जाम्बुलिङकि पुम पेजाला दाल्जा क्यासुङ । रुलकि दाक्पि खे नाङ्नेसुर तेन्दुप् क्ष्यु जाम्लिङकि खा पेनि मिता ग्याप्सुङ।
17
तितिङला ति बोबु रुल पुमपेजि क्ष्यला ङ्यार्मा लासिमा तेमे कन्ज्यककि कला ङेन्दुप ज्येन लुबुति थुतिवा तानि माक्मि किरु गालसुङ ।
18
तजोला ति बोबु रुल ग्याम्छोकि नामुला पेप्स्यक खाला टाङि लासुङ ।