लिउ ९
1
ता तङ्ङि ठिम् ला सवा बुल्सिन् ठिम्तिबा ताङ् जाम्बुलिङ्कि दासा तिबा नक।
2
चिला सिसिन् देसा दासा जोबु नक्, तिकि तङ्ङि खाङ्मिक्ला कोपि च्येसा दासा, च्याक्चि ताङ् छ्यार्वाकि सिबाङ् नक्, तिला चेङ्ङे दासा सिनक्।
3
पार्दा कि तिङ्ला ज्यारमा दासा ज्यिक् नक् तिला तेरिक् सिना चेङ्ङे दासा सिनक्।
4
तिला सेर्कि पोदेक्सा दासा नक्। तिनि नाङ्ला नाकि गाम् नक्, ति दि सेर थनि तेरिक् कोर्निते नक्। दिकि नाङ्ङि छ्यला मन्न ज्याकु ङेक्यक्, मेदक् स्यारु छालुप् हारुन् कि मेदक् कि ग्युक्पा ताङ् ना कि दो तिबा।
5
ना कि गाम् तिकि खाला कन्ज्यक् कि सिवाकि करुबतिबा सेम् ग्युर्बा तिकि उम्निते नक्, तिकि कला अरेकि ति कला हादा तेरिक् सि मुथुपु।
6
दि सामा रिबाला टेगे जोसिमा क्षोने तिबा ङिमि टाङ् देतुप् दासाकि उकि छ्यला दाक्पि यक् किरुप्ला स्युकिनक्।
7
हिनसिराङ् क्षोने गेर्पु ति ल्होजिक्ला खेप्जिक् क्याजिक् ति नाङ्ला स्युकिन्। तिकि टाक् खुर्निते ताक्पि कला ताङ् मितिबिकि अजान् ला क्यापु दिक्पा तिबि कला बलि तेर्किनक्।
8
तङ्ङि दासा चेङ्ङे दासाला डप् लाम् ति मापेबा साक् तेरिक् सिना चेङ्ङे दासाला डप् लाम्ति मेबेउ सिनिते थु चेङ्ङे कि छ्येङ्ङे कि छ्या तेन्सुङ्।
9
हादाकि तुजेलति दि ति ता जिक् हिन्। बुल्वा क्याबु बुल्वा तिबिकि सोवा कि छ्येबा माक्या।
10
ति नाबानाबा कि गागाटोटो ला चेङ्ङे जब तिबा तिबा ति साप् ताङ् थुङ्ङुप् तिबा क्याजिक् नक्। तिबातेरिक् ति जुबुला सिनिते ठिम् ति क्याजिक् नक्, तिला साम्बा क्यानिते माजोबा साक् च्यिगि तिङ्ला च्यिक् क्यानिते ज्याङ्नक्।
11
ख्रिष्ट हुङ्ङुप् तुजेला ल्याबु ताम् तिबि क्षिने गेर्पु दगे क्याते लेसुङ्। खो तेरि सिना थेन्बु ताङ् चेङ्ङे दासाला स्युसुङ्, ति दि मिकि लाक्तुर नेसुर जोबु मिन्, ति दि जोबु जाम्बुलिङ् कि ताम् मिन्। ख्रिष्ट
12
राबु ताङ् पिउ कि ठाक् थनि मिदा खोकि दाक्पि ठाक् नेसुर तिरिक्ला सिनिते खेप्तङ्मा ति तेरिक् सिना चेङ्ङे दासाला स्युसुङ् तेमे अरे नाम्लाङ् मिसिबु मिजिला जिम्निते ज्याक्सुङ्।
13
चिला सिसिन् राबु ताङ् लाङ्तिबि ठाक् ताङ् यार्मु तिबि थाल्जाम् थनि ज्याप्सिन तिबा मेचेङ्ङे डिउ, तेमे तिबि जुबुला चेङ्ङे जब् ला तिब कन्ज्यक् ला तेर्गोकिसिन्,
14
तिसिना आला क्यानि अरे रिक्पाला स्याप् यक्तिबा नेसुर् चेङ्ङे जेउ तेमे सेन्बु हतुप् कन्ज्यककि यक् किरुप्ला नाम्लाङ् मिसिबु थु केन् मेता क्यानि दाक्पुला बिन्सुङ्?
15
दिकि किसाला खो ना साम्बा कि कुङ्जिम् लाका किरुप् मि हिन्। दि सिवा कि किसाला पिताङ् ताङ्ङु तिबा तिबि दिक्पा नेसुर तङ्ङि नाला देक्यु कन्ज्यक् कि काताङ्ङु तिबिकि ना क्यालुप् मिसिदुप् दाक्पु ति ङेदा किसित्।
16
चुका सुसुन् खेनि सेम् हये, त्या ति जब् मितिकि सिवा ला हिन्सिरुप् जोगोक्यु।
17
चिला सिसिन् त्या स्यिसिमा क्याजिक् सेम् किउ, तिला जब् ति सेन्बु हसा साक् ति तिकि यक् म्येङ्ङु।
18
तिकि किसाला तङ्ङि ना तिङ् ठाक् मेताराङ् जोबु नक्।
19
चिला सिसिन् मोशा ठीम्ला हतुप् तेरिक् का बिन्सुङ्, खोकि पिउ ताङ् राबु कि ठाक्, छ्यु, मार्मु पाल ताङ् हिसप् कि मुठा थोर्सुङ्।
20
तेमे तिकि सासुङ्, “दि ति ठिम् कि टाक् हिन् कन्ज्यक् कि खीराङ्ला सिनि का बिनुप् हिन।
21
दुक्राङ् क्यानिते, तिकि दासा चेङ्ङे दासा ताङ् ह्र किरुप् तेरिक् सामा तिबाला ठाक् थोर्क्यु।
22
तेमे ठिमनेसुर ठागिकि तेरिक्ला चेङ्ङे जेउ। ठाक् माज्याबा क्यानि तोङ्बा मेङेउ।
23
तिकि किसाला देवाचेन्ला हतुप् ताम् तिबाला लामुसेसिन् पालाङ् तिबि ठाक् थनि चेङ्ङे जोगोसिन् देवाचेन् ला हतुप् दाक्पुला तिसिला आला बुल्वा किरुप् स्योर्सुङ्।
24
चिला सिसिन् ख्रिष्ट लाक्पा थनि जोबु तेरिक्सिना चेङ्ङे दासाला स्युबुमिन्, ति दि हिदुप् ताम् कि ला लामु सेतुप् हिन्। खो दाक्पुराङ् देवाचेन्ला स्युसुङ्, तेमे ओरुङ् सिनिते खो हाउ कन्ज्यक् कि दङ्ला हये।
25
खो दाक्पुला सिनिते याङ्ताङ् बुल्वा किरुप्ला सिनि त्या गालुप् मिन, क्ष्योने गेर्पु तिकि ल्होटाङ् ज्यार्माकि ठाक् खुर्निते तेरिसिना चेङ्ङे दासाला स्युबु दगे।
26
तिनक् हिन्सिन् जाम्बुलिङ् जोबुनेसुर खोकि छिमाल् आला राङ् दुक्पा खुर्गोक्यु। हिन्सिराङ् दि ल्होग्युकि तिङ्ला साक् छिमाल् जिक् खोकि दाक्पि ठाक् थनि दिक्पाला क्युरुला खो नाम्लाङ्ला सिनि ख्यप्तङ्मा थोङ्बा क्याबु हिन्।
27
मितेरिक् ख्येप्जिक् सिराङ् गोक्यु, तेमे त्यासुर ठिम् गिउ।
28
तुक्राङ् क्यि ख्रिष्ट तेरिक्कि दिक्पा खुरुप्ला ख्येप्तङ्मा नाम्लाङ्ला सिनिते सिबु हिन्। दिक्पा तानि थापुला खो याङ्लोङ् माछ्यारु, हिन्सिराङ् थार्वा ङेतुप्ला सिनिते गुताक् क्यानिते खोलासिनि देतुप्तिला