लिउ ११
1
तेमे ता मोबाति रेवा क्याबु तामतिबि लोला ग्यालु ङा डेङ हिन ; हादाक सक माथोङ्गुप घटना तिनि लोला ग्यालु प्रमाण हिन ।
2
च्यिलासिसिन ओरे पागाबा तिवि मोवाकिसाला राङ गालु हिन ।
3
मोवा तानि ओरुङ तेरिला छ्या वे, तेरिकि लुङ्बा कन्ज्यककि काला जोबुप हिन् ।ति ओरे मिगि थोङ तेरि थोङु ताम नेबा जोबु मिन
4
मोवा किसाला राङ् हाबिलकि कयिनकि सिना लेमु जिन्बा बिन्सुङ् ।तिकि किसाला ति दिक्पा मेतुप् गालसुङ्। दुक्यानि, कन्ज्यक् तानि तिकि जिन्बा कि किसाला तिकि कन्ज्यक् गादिङ्ङि गाल्सुङ्। तिकि किसाला, हाबिल् सिसिराङ् ति हारोङ् ताम् कि किउ।
5
तिकि किसाला ति दिक्पा मेतु गाल्सुङ । तेसुर तिकि भेतिबि साला कन्ज्यक नेबा तिकि समर्थन ङेसुङ । तेसुर हाबिल शिनिसाङ ति थारु ताम कि वे ।
6
मोवा किसाला राङ हारुङ साक मोथुङु तामाल चावा येशुकि लेन लेमु लेमु बिनु नक । तिकि नोवाकि क्येङु ताङदेनकि दाक्पु ज्यिक टुरगेर्पु जोसुङ
7
मोवाकि किसाला राङ् नोवाला हादासाक् नोवाकि ताम् कि कला कन्ज्यक् कि लेन् बिदुप् नक्। तिकि स्वा तेकुप् दगे ताङ्देन् क्यानि तिकि टु जोसुङ् तेमे दाक्पि खाङबा थार्च्यिसुंङ । ति क्यानि ति जम्बुलिङला दुक्क्यानि तिकि जाम्बुलिङ्ला टिप् फक्सुङ् तेमे मोवा तानि राङ ति दिक्पा मेतुप ओङङ्येङ ग्यासुङ्।
8
अब्राहामला का तोङसिनाङ मोबा तानि राङ ति का क्यासुंङ तेमे ति ओङङ्याङ कि किसाला ङेतु दासाला गाल्सुङ । दाक्पु केङि डोइ क्यि सुरु छ्या माङेसाङ ति डोइ देसुङ ।
9
ति मोबा कि किसालाराङ प्रतिज्ञा क्याबु लुङबा दक्पुजिक मि लुङ्बाला गाल्नि देसुङ् ।ति पाल इसहाक ताङ याकुब तानि ति प्रतिज्ञाकि ओङङ्येन कि किसाला देसुङ ।
10
च्यिलासिसिन तिकि जग तिबा हतु ग्याल्खाकला ल्यहि नक , ति ग्याल्खाक जब कन्ज्यक रांङ हिन
11
तेरि पेजा मेगुपति अब्राहाम कि जुबु च्येदि ङार मोवाकि किसाला राङ ङेतु हुन । ति आला गाबा तुजेला तिनक गालु हिन । तिबाला प्रतिज्ञा तेरु खाला तिबा मोबाकिरु योग्या गाल्सुङ ।
12
तेसुराङ स्येति तिराङ दक्पु जिक मिराङ हिन तिनेबा नाम्गि आला कार्मा ताङ ग्याम्छोकि पेग्स्याक दगेराङ पेजा तिबा क्येसुङ तिला ङो मुथुपु
13
तेरि प्रतिज्ञा ला माङेबा तेरिकि थारे नेसुर गासो क्यासुङ । जम्बुलिङला मि लुङबा ला देतु ताङ निर्वासित क्या हिन सिनि तिबा तेरि मोवालाराङ स्यिसुङ ।
14
च्यिलासिसिन ति तिनक तामस्यि तिबिक्यि दक्पु जिक दाक्पि लुङबा छोलिन क्यि सिरु ताम छ्या ङेक्यु
15
हुतुङ राङ तिवि क्यि दाक्पु तेनि गालु लुङबाला नासाम तोङिन किसिन तिवा ग्युर्नि ड ङेतुथे ।
16
तो लोङ लेमु लुङबा ताङ दे वाच्येनकि लुङबा ङेतु सेम क्यि । तिकि किसाला कन्ज्यक खीरे कन्ज्यक डला ङछा मिक्यु, च्यिलासिसिन येशु कि तिबाला सिनि दक्पुजिक ग्याल्खा जोबु ह्ये
17
दाक्पि खक्पा ल्हाप तुजेला साङ मोवा तानि राङ अब्राहामकि दाक्पि इसाहाकला ज्यिन्बा तेक्सुङ, ति दक्पुजिक क्या पुज्युङ हिन तिला ज्यिन्बा तेक्सुङ । तिकि राङ ना तिबा ङेसिमा ङेतु हिन । ति तिराङ अब्राहाम हिन तिला ।
18
तुक साबु ह्ये, “इसाहाक नेबाराङ ख्यरे पुज्युङ पुमिकि मिङ देक्यु ।‘’
19
कन्ज्यककि इसाहाकला स्येप नेबा सेन्बु ज्यक सिरु ताम अब्राहामला छ्या नक, हुतुङ सिसिन तिक्यि दाक्पि पुज्युङ लोङ ङेसुङ
20
हुगु छ्यालु तुजेला इसाहाक कि मोवा तानि राङ एसाप ताङ याकुब ला मलाम बिन्सुङ ।
21
याकुब छ्ये छालु तुजेला योसेफ कि पेजा तेरिला मलाम बिन्सुङ , ग्युक्पि कोला देनि याकुब क्यि सोवा बिन्सुङ । योसेफ कि तिङमा हुङगुप ताङ ।
22
मोवा तानि राङ तिकि मिस्रनेबा इस्राएलि तिबा स्युगु तामला ताम क्याबु नक तिकि अस्थि तिबाला का बिन्सुङ
23
मोशा केसिन तिला ल्याहा सुम तिला बानि ज्याक्सुङ च्यिलासिसिन ति लेमु नक ति ग्याल्बुकि काला ज्यिबा माक्या मोशा छार्सिमा ।
24
मोवा तानि राङ फारोकि पुमकि पुज्युङ कहलाइनला माङेन ।
25
ति किरु सिना तिकि दिक्पा क्यानि इकुर्ज्यिक गा किरु सिना कन्ज्यककि मितिबा तानि दुक्पा खुरु तामला दाम्सुङ ।
26
मिस्रकि गिजा सिना चावा येशुला ति ङगु तुजेला खुर गोबु मेलेबा राङ तिक्यि लेमु ल्हासुङ । च्यिलासिसिन तिकि दाक्पि मिक छ्याङगप खाला सेम क्यासुङ
27
मोवा किसाला राङ मोशाको मिस्र लुङबा ताङसुङ । ति ग्याल्बुकि ङेर्मा ला ज्यिबा माक्या च्यिलासिसिन दक् जिक मिगि मोथोङगुप दगेराङ क्यानि सेमला ज्याक्सुङ । तेसुर ना तोङगु इस्राएलि तिबि कि दङला केबबु पुज्युङ ला रेक माच्यि सिनि ।
28
मोवा तानि मिकि निस्तार चाड ताङ ठागि थिबा कि का ङ्येसुङ
29
मोवाकि किसाला ति काबु स्यिङला युबु दगेराङ लाला ग्याम्छोक स्यानि गाल्सुङ तेमे मिस्रिकि तिबि साङ तुख्राङ क्यासुङ,, तेमे तिबा नुप्सुङ ।
30
तिबा तेरिकि ङिमा दिन साक यरिहोकि चिक्पाकि फारछुर कोर्सुङ, तेमे ति मोवा कि क्यिसाला राङ ति डिल्सुङ ।
31
राहाब स्याम्डेनकि साङ मोवाकि किसाला राङ जासुस तिबाला गा क्यानिराङ गास्यो क्याबु किसाला ति का मिकिरु तिबा तानि राङ ना ग्याल्साङ
32
ङा ति सिना आला काङ सिरुजा ? ङेकि गिदोन, बाराक, सिमियोन, यिप्ता, दाउद, शामुएल, ताङ लुङतेम्बाकि लोला सिरु ङा तानि तुजे मेत ।
33
मोवा तानि राङ तिबिकि तिबाला ग्यल्सुङ । ठिमकि लाका क्यासुङ ना तिबा ङेसुङ तिबि कि तोम कि खा उप्सुङ ।
34
तिबिकि मेकि हुरुपति सेसुङ ; तरवार कि नेन्बु नेबा टोल्सुङ ; नेर्पा नेबा टेक्सुङ माक्मिला ङार हतु ग्याल्सुङ । तेमे राङ सा लुङबि माक्मि तिबाला टो
35
पुमितिबिकि दाक्पि स्येपतिबाला लोङ सेन्बु लाङु ङेसुङ । ज्येन्गि लोङ लेमु लाङ्गुला तिबिकि थार्वा सेम्ला माज्याक तेसुर, तिबिकि ङेबा खुर्सुङ ।
36
ज्येन्गि ति मथुपु खाल्ज्याक च्याताक ताङ कैद तगे तगे ताम तिबा खूर्सुङ ।
37
तिबाला देकि ग्याप्सुङ । तिबाला तरवारकि सेसुङ । तिबाति लुक ताङ रेकि का कोङि युग गिसुङ तेमे राङ राङ दुक्पा ताङ मेलेबा तामतिबा खूर्गोसुङ ।
38
ति जम्बुलिङ ति तिबाला योग्या मेत । तिबा काङ मेतु दासा , काङ ताङ स्यि फूक्पा नेबा थारथोर गाल्सुङ
39
देसाक तेरि मितिबा तिबि कि मोवाकि किसाला कन्ज्यक नेबा गाल्सुङ तिबिकि ना क्याबु ताम तिबा ङे माथु ।
40
ङिराङ मेता तिबा लेमु मेस्यित सिनि कन्ज्यककि ङिरे लला लोङ लेमु ताम तङनेबा राङ जोनि बिनु नक