लिउ १
1
ङा पावल् चिक् लोमा हिन् । ङा चिन्दिङ् मि नेसुर् लोमा च्युङु मिन्, येशु ख्रिष्टला सेन्बु लोङु पापा कन्ज्यक् नेसुर् च्युङु हिन्।
2
ङा तानि वतुप् तेरिक् नुक् तिवा तानि ङा दि टिवा गलातियाकि तेरिक् जोम्खाङ्तिवाला टिगिन् वे।
3
चावा कन्ज्यक अरे पापा ताङ् येशु ख्रिष्टनेसुर् खिराङ्ला थार्वा ताङ् सेम् किर्मु च्युङ्सित्,
4
सिकि अरे कन्ज्यक् ताङ् पापिकि सेम् नेसुर् तान्दाकि मेलेवा जाम्बुलिङ् नेसुर् ङेराङ्ला सेङे ज्वप् सिनि दाक्पुलाराङ् च्याक् बिन्सुङ्।
5
खोलाराङ् नाम्लाङ् सँवा च्युङ्सित्।
6
खिराङ् दिजो टिबु राङ्सा लेन् क्ष्यला ग्युरुप् थोङ्सिन् ङा याम्छेन् लानि वे। चावा कि कार्टिन् नेसुर् खिराङ्ला का तोङ्गुप् तिवानेसुर् खिराङ् थारे गालुप् थोङ्नि ङाला याम्छेन् लानि वे ।
7
ज्येन् चिन्दिङ् लेन् मेत्, लाला दिनक् मि तिवा वे तिकि खिराङ्ला दुक्पाला ग्याकुप् ताङ् ख्रिष्ट येशुकि लेन् ल्यामुला मेलेवा ज्वप् नावा किउइ ।
8
ङेरेकि खिरे पार्ला चिन् लेन् ल्यामु छ्या तेदिन्, ति सिना ज्येन् चिन्दिङ् लेन् ला हुतुङ् ओरुङ् ताङ् देवाचेन् नेसुर् लेबु देवाचेन् कि थुकि राङ् ति लेन् श्येसिनाङ् ति माता सुक्सित्।
9
ङेरेकि ताङ्ला राङ् सिक्याबु वे ङा लोङ्या सिउइ, "खिरेकि सेम्ला लामु लेन् सिना ज्येन् ज्येन् सिकि खिरे पार्ला राङ्सा लेन् श्येसुङ् सिक्यासिन्, तिला मता सुक्सित् ।"
10
काङ् ङेकि तान्दा मि तिवा ताङ् कन्ज्यककि दाल्जा छोलिन् वे ? काङ् ङेकि मि तिवाला गा लोङु छालिन् वे? हुतुङ् हारुङ् ङेकि मि तिवाला गालोङु छोलिन् वसिन्, ङा ख्रिष्टकि यक्पु मिन् ।
11
नुक् तिवा, खिरेकि दि ताम् श्येसित् सिनि ङा नावा किउइ, ङे सिक्याबु लेन् ल्यामु मि तिवा नेसुर् ङेतुप् मिन्,
12
ङेकि दि चिन्दिङ् मि नेसुर् ङेतुप् मिन् , ङाला दि लाबुङ् मिन्। तिसिना, ङाला दि येशु ख्रिष्टकि टाक् नेसुर् बिन्दुप् हिन्।
13
ङा यहुदि वसिन् ङे तङि मिजि कला खिरेकि कोतुप् वे, च्युक् क्यानि ङेकि कन्ज्यकि जोम्खाङ्ला ङ्याप्च्ये क्यानि आला दुक्पा बिनि तिला सिन्दा किरुप् लाका क्याबिन्।
14
ङा यहुदि दिक्पा मेतुप्ला ङे दाकपि मि तिविकि छ्याज्यिक् लाका किरुप् आला मि तिवा सिना गमाला वतुप् हिन्। ङे पागावा तिवि तुछ्येन् ला ङा आला गा लाबु हिन्।
15
ङे मामि खक्पा नेसुर् राङ् ङाला दाम्बुप् सिनि कन्ज्यक्ला गा लाबु हिन्।
16
ङेकि यहुदि मिन्दुप् तिविकि पार्ला खोला छ्या तेन्सित् सिनि खोकि पुज्युङ्ला ङेनाङ्ला छ्या देन्तुप् सिनि खोकि कार्टिन् नेसुर् खोकि ङाला काताङ्सुङ्।
17
ङा सिना तङ्ला, ङा अरबनेवा गालिन् तितिङ्ला दमस्कसला ग्युरिन् ।
18
तेमे लो सुम् तिङ्ला ङा केफासला ठेतुप् ङा यरुसलेनम गाल्नि ति तानि ङिमा च्याङा साक् देतिन्
19
हिन्सिनाङ् चावाकि नुक् याकुब् सिना ज्येन् सुलाङ् माठे।
20
ल्होसा, ङेकि काङ् टिबु वे, कन्ज्यककि दङ्ला ङेकि खिराङ्ला जुनाक् जोबु मेत् ।
21
तितिङ्ला ङा सिरिया ताङ् किलिकिया नेवा गालिन्।
22
ख्रिष्टला वतुप् यहुदियाकि जोम्खाङ् तिवाला ङा तारुङ्साक् ङो श्येबु मेत्।
23
तिविकि कोतुप् नक्, "तङ्ला ओरुङ्ला दुक्पा तेरुप् मिकि तङ्ला ना ताङ्गुप् मोवातिला, तान्दा तिराङ् मोवा श्येतिन् वे ।
24
ङेकि किसाला तिविकि कन्ज्यककि सवाँ देपिन् नक।