लिउ १
1
पावल, चावा कन्ज्यककि नावा वेसुर चावा येसुकि प्रेरित चिक ताङ ओरे नुक तिमोथि नेसुर ।
2
कलसिला चावाला वतुप् तिवा ताङ मोवा वतुप नुक तिवाः चावा कन्ज्यक ओरे पापा नेसुर कातिन ताङ लोदिमु ।
3
ओरुङ चावा कन्ज्यक ओरे चावा चावा येसु कि पापा ला थुचिछे तेर्क्यु तेमे खिराङ्ला नाम्लाङ सवां वसित ।
4
चावा येसुला वतुप खिरे मोवा ताङ चेङि मि तिवा तेरिक ला सिनि खिरे चावा कि कला ङिरे कोदु वे ।
5
ति मोवा ताङ च्याम्बाति देवाच्येनला खिरे ठक्ला ना मागाल्बा वतुप जिबु रेवा तङ्ला लेन ल्यामु कि हुतुङ सुङ कोदुनेसुर जिबु रेवा खिराङ ला वे ।
6
खीरे चाला लेबु लेन ल्यामु तिगिराङ डेलु गोर्ज्यिन वे तेमे दि जाम्बुलिङ ला खाङ टाबिन वे चुक क्यानि खिरे दि लेन ल्यानु कोदुप ताङ हुतुङ ला चावा कन्ज्यककि काटिनला दि टाबिन वे ।
7
दि लेन ल्यामु खिरेकि इपाफ्रास नेसुर कोदु लापु दगे हिन । तिवा ओरे ङिङ्ज्येबु दाल्जा ताङ ओरुङ्ला सिनि चावा मोवाकि लाका किरुप हिन ।
8
इपाफ्रासकि ओरुङ थुचेङिला खिरे ङिङ्ज्येबु कला क्ष्या तेदु वे ।
9
दुक किसाला ,ङिरेकि खिरे कला कोदुप ङिमा नेसुर राङ खिराङ ला सवा देपुप् ङिराङ माखेबा वे । तेरिक च्यु ताङ सेम्गि नासामला खिराङ खोकि नावा दगे च्युला डोसित सिनि ङिरेकि गङ्बा श्युबु वे ।
10
ङिरेकि सवां देपिन वे , तेमे खिराङ चावा ला क्ष्येनि गागटा किरुप श्येबु खामु किरुप छोलिन ताङ छ्येदककाङ लेमु लाकाला खिरेकि डेलु गोर्ज्यिङ ताङ तेमे चावा कन्ज्यककि च्यु ला खिराङ गमाला छारिन डोसित् ।
11
ङिराङ दिङ, सवा देप्क्यु तेरिक ङेदुप ताङ गुबुपला खो कि सोवा ला ङार कि तेरिक खिराङ क्योङ्बु डोसित ।
12
खिराङ सेम किर्मु क्यानि नाम्लाङ पापा ला थुचिछे तेरथुप् , सिकि खिराङ्ला टाछ्यालि ला मोवा वतुप तिविकि ओङ्ज्येनला बुङि डप्ला सेबु खामु जोबु वे ।
13
खोकि ओरुङ्ला नाक्तिङिकि ङार नेसुर थार्वा बिन्दुप वे तेमे ओरुङ ला खोकि ङिङ्ज्येबु पुज्युङ ग्याल्खापला ग्यालुप वे ।
14
खोकि पुज्युङ ला ओरेकि थार्वा राङ दिक्पा नेसुर ताङ तोङुप ङेतुप वे ।
15
पुज्युङ मोथोङुप चावा कन्ज्यक कि ति दगेराङ वे । ख्यो तेरिक जब्ला ग्येर्पु वे ।
16
चिला सिसिन जाम्बुलिङ्ला वतुप ताङ देवा च्येन्ला वतुप तेरिक थोङुप ताङ नोथोङुप ताम तिवा ख्य नेसुर राङ जोबु हिन । ग्याल्ठिक तिवा ताङ ओङ्ज्येन तिवा ताङ ओङ तिवा , तेरिक तिवा ख्यो नेसुर राङ जोबु ख्योला सिनि जोबु हिन ।
17
ख्यो तेरिक सिना गमाला वे तेमे ख्यो ला तेरिक ताम क्ष्याजिक वे ।
18
ख्यो जुबु ताङ छ्योछोककि गो हिनः ख्यो राङ तङिति वे तेमे श्याप तिवा नेसुर मिजि ङेतुप ला तङ्ला वे , तुक किसाला तेरिक ताम्ला ख्यो कि दासा गमाला वे ।
19
खाङ सिसिन दाक्पि तेरिककि केङ्नि चावाला श्यासा देरतुप्ला चावा कन्ज्यक गागटा क्यासुङ ,
20
तेमे पुज्युङ नेसुर तेरिक ताम तिवा चावा कन्ज्यककि दाक्पु तानि रिनि खसुङ । चावा कन्ज्यककि ग्याङ्सिङ कि ठाक नेसुर तेरिक ताम तिवा देवाच्येन नेसुर हिन्सिन जाम्बुलिङकि ताम तिवा लोदिमु खसुङ ।
21
तेमे तुज्ये चिक्ला खिराङ चावा कन्ज्यकला ङो मेश्येबु वतु हिन तेमे खिराङ दाक्पि सेम्ला ताङ दाक्पि डे तिवि लाका तिवाला ख्योकि डा तिवा वतुप हिन ।
22
हिन्सिनाङ ता चावा कन्ज्यककि खिराङ्ला चावाकि जुबुकि श्याप नेसुर डिगुप् खबु वे । तेमे दुक क्यानि चावा कन्ज्यककि खिराङ्ला दाक्पि गमाला चेङि , ङेवा मेतुप हिन सिनि दि क्यासुङ ।
23
हिन्सिनाङ खिराङ्ला मोवाला थेदिनताङ क्योङ्बु डोइ खिरेकि कोतुप् लेन ल्यामुकि जिबु रेवा नेसुर थारे मागाल्बा मोवाला नाम्लाङ गमाला डोगोक्यु । दि तिराङ लेन ल्यामु हिन ति देवाच्येन हक्ला जोबु तेरिक मितिवाला श्येबु वे । लेन ल्यामु तिरा ङा पावल मिराचिक यक्पु च्युङु हिन ।
24
खिरे ठक्ला ङा ङे दुक्पाला गालाङु , चिला सिसि चावा कि दुक्पा तिवाला ख्योकि जुबु ताङ क्ष्योछोक डला ङा ङे जुबुला तेरिक किउइ ।
25
चावा कन्ज्यककि सुङ श्येतुप्ला खिरे कला कि ङाला चावा कन्ज्यक नेसुर बिन्दुप ति लाङुप दगे ङा क्ष्योछोक कि यक्पु चिक हिन ।
26
तुजे रिङ्बु साक गिपा आला नेसुर बाबु दि क्ष्यामेत ख्योकि चेङि मितिवाला बाबु वे ।
27
चावा कन्ज्ककि दुक क्यासुङ खाङ सिसिन खिराङ ज्येन मितिवाला दि क्ष्या मेतु ताम कि सोवाकि गिजा खाङ हिन , ति क्ष्याङेजितुपला खो सेम किनक । दि नाम्लाङ क्ष्या मेतुप ताम तेमे चावा खिरे नाङ्ला वे । दि ताम्गि खिराङ्ला खोकि सोवा ला जोबु जिबु तेर्किनक ।
28
ओरुङ चावाकि श्येक्यु मिला ओरुङ तेरिक तेमे चावाला छ्यारुप सिनि तेरिक रिक्पा नेसुर ङेराङ टो बिनि लोप्क्यु ।
29
दिकि ठक्ला ङे नाङ्ला लाका किरुप चावा कि ङार्मा ङार तगे लाकाकि दुक्पा किउइ ।