लिउ ७
1
ता ख्यिरे टिवु ताम्ङेय सिरुप सिसिन् ख्यक पेजिकि पुमपेजाला मारेकुप राङ ल्यामु हिन् ।
2
काङ सिसिङ आला आला खक्पा ह्दा यकि किसाला गेरिक मिति पेर्मि हसित तेमे पुमा तिविदि ख्यो हसित ।
3
ख्यवाकि पेर्मिला खरे ओङ् तेर्स्यि
4
तेमे दाक्पि ओङ तेर्सित तुकराङ क्यानि पेर्मि साङ ।
5
छाजिक डिङनि काङ थुजेकि लाका सिने राङ मातेन चिला सिसिङ खिराङ स्वा ताम्दे गोक्यु ।
6
तेमे खिराङ लोङराङ तुच्यिक हुङ गोक्यु तिकि किसाला खिरे दाक्पुला फिला ज्यक माथुबु कि किसाला डे कि ख्यिराङला खक्पा ल्हा मुथुपसित सिनि ।
7
ङा खिराङला दि ताम का ला यिन् काङ सिसिङ गेरिक ङा दगे राङ गालु ङा सेम क्यु । च्यिगि च्यिक च्यिगि चिक ङेत्पा ङे टुबु होइ ।
8
तेमे जेन्दिक माक्याबु ताङ युसिम तिवाला ङा सिउ कि तिवा ङा दगेराङ जेन्दिक माक्यावा देसिन तिवाला ल्यामु ग्यु ।
9
तेमे तिविकि दाक्पु ला ओङला ज्यक मुथुसिन तिवि कि जेन्दिक किसित । तिवाला स्याम्देन छिङनि देतु सिने साङ जेन्दिक किरु ल्यामु हिन् । ता जेन्दिक क्याबु तिवाला दि का तेर्क्यु ।
10
तेमे तिला टे तिवाला दाक्पि ख्य तानि टाल्नि देसिन तिकि जेन्दिक माक्यावा देसित मिनसिन ति डिगगो क्यु ।
11
तेमे ख्यो साङ दाक्पि पेर्मि ता साङ किरु मेग्यु ।
12
ला ता लुवु तिवाला ङा सिउ ङे कि मिन चावा येशु किराङ सिउ
13
दिजो जिगि नाङला लालिद तेपा माक्यावु पेर्मि वई तेमे ति तिराङ वसिन तिकि ति तानि माटाल्सिन ।
14
चिला सिसिङ तेपा मेदु कि ख्य कि सिला तेपा क्यावु दि चेङि छया देन्ग्यु मिन्सिन । ख्यिरे कि पेजा पुमा तिवा चेङि मेदु डिउ हिन सिराङ हुथुङ तिवा ति चेङि वई ।
15
हिनसिराङ तोजो तेपा मेदु कि मिजि दाल्जा टाल्सिन तिला डोसित । दिनक पतु ठला नुक नुम तिवाला का ला माटागु । कन्ज्यककि ओरुङला लोदिमुला देतुप काताङ ज्याक ।
16
पुमा तिवा खिराङला काङ छ्या ईदे ख्यिरे कि दाक्पि ख्यला थार्जि थुकि दे ?
17
चावा कि कुनि ताङु दाङ कन्ज्यककि ताङ गेरिककि दाक्पि मिजि थार्सित गेरिक क्षोछोग कि किसाला तिकि ला ङे ठिम दिराङ हिन् ।
18
काङ का ताङ सिने तङला च्यातुप्प गालुप्जाइ । तिकि दाक्पु ला च्यतुप मागालु दगे छ्या मेदेन्न सिन्। तेपा क्यिरुप कि ला का तोङ सिन् ख्यिराङ सुङ च्येतुप वई । तिकि कि च्येतुप मिसि सिन् ।
19
ना च्येतुप काङ यिन ना च्येताङ मा क्याबु काङ तेरसिन छ्ये ताम कन्ज्यक कि का ङयान्दुपराङ हिन् ।
20
कन्ज्यककि का तोङसिन गेरिक वतुप ठाजला देसित ।
21
काङ कन्ज्यककि का तोङसिन ख्यिराङ टिवा थक्पु हदु जाई दिकि ला ख्योरुङ नासाम मातोङ । तेमे खिराङ ओङज्येन किथुसिन तिकि खेम्साङ ति ला ।
22
चिला सिसि योक्पु कि वइ बेला चावा कि ला ला का ताङु हिसिन ति चावा कि किसाला हिन् । युकक क्यानिराङ ला ला का तिङसि किसाला हसिन ति येशुकि यक्पु हिन ।
23
खिराङ डेवा च्याल्लि ङ्योबु जाइ ख्यिराङला तिकि किसाला मि तिवि यक्पु मिक्यु ।
24
नुक तिवा ङिराङला तेपा क्यिरु कातोङ बेला ङिराङ काङ किसाला वादुप जाइ तिराङ वातुप दासाला देकि ।
25
ता नाम्लाङ जेन्दिक माक्यावु तिवाला ङा ता काङ ताङ का मेत । तेमे हिन सिनाङ चावा कि च्याम्बा सेम्गि विदुप मि दगे ङा ङे टो तेर्क्यु ।
26
तिकि किसाला दुङिन क्यिरु काबु तिकि किसाला गेरिक मितिबा क्येनि वइ तिराङ वतुप दासाला देसिन ल्यामु गिउ ।
27
काङ ख्योरुङ पुमा पेजा तानि जेन्दिक कि उपु टावु वाइ ? ति तानि ओङज्येन क्यिरुप माछो ला । काङ ख्यरे जेन्दिक माक्याबा वाई ते ? पेर्मि माछोल ।
28
हिनसिनाङ ख्यरे कि जेन्दिक क्यासि दिक्पा मिकिउ । गेरिक चेङि पुमा तिवि कि जेन्दिक किरुप हिनसिन तिवि कि दिक्पा मिक्यु । हिनसिनाङ गेरिक जेन्दिक क्यासिमा आला आला दुक्पा खुर्गोक्यु हिनसिनाङ ङा ख्यिराङला नेसुर थार्जिक्यु ।
29
हिनसिनाङ ङा सिउ कि नुक तिवा तुजे थिङमे वाई । ता जेन पेर्मि वातु तिवा दगे क्यानि देत ।
30
ङुइ किरुप तिवा माङवु दगे क्यानि देत । गा कि हतु तिवा गा मालाबु दगे क्यानि देत काङ सामा ङ्याई क्यिरुप तिवा काङ मेतु दगे क्यानि देत ।
31
तेमे जम्बुलिङ तानि किताङ कि किरुप तिवा दि ता गेरिक मेदु दगेराङ किताङ क्यिसित । चिला सिसिङ दि जम्बुलिङ कि गेरेक बु दाङ पालाङ दिवा सिदिन क्यु ।
32
खिराङ तिवि रिवा मेतु दुङ ग्योब्यु सिरुप ङा सेम किउ । जेन्दिक मा क्याबु कि यक पेजि कि चुक क्यानि कन्ज्यकला गा लोङ गोकि टिनि तिकि सेम्ला सेम्दुक किउ ।
33
हिनसिनाङ जेन्दिक क्याबु कि ख्याक पेजि किन दाक्पि पेर्मि ला चुक क्यानि गा लोङु सिनि नासाम तोरु । तिबा सेम ङि कि डिउ । जेन्दिक माक्याबु कि पुमा तिवि दाक्पु चुक क्यानि चेङि दे थुकि सिनि चावा ला नासाम तोङू ।
34
हिनसिनाङ जेन्दि क्याबु कि पुमा तिबि दाक्पि ख्य ला चुक क्यानि गा लोङ सिनि सेम्सो किउ ।
35
ङा खिरे लाका हुङसित सिनि हिन खिराङला गेकु सिनि मिन ।काङ ल्यामु हिन तिराङ ङा सिउ चिला सिसिङ खिराङ गेरिक गेकुव मेदा चिकराङ सग्गि गाल्नि देत सिनि ।
36
लालिकि सम किउ दाक्पि लाङु चेङि पुमा दिकिति यक ल्यामु मेत सिनि सम्सा किउ । तिकि जेन्दिक किरुप लो दि गाल्नि सिद हसिन तिकि सम्स नेसुर तिला गांबु जेन्दिक किसित ।
37
हिनसिनाङ लोङराङ तिकि सेम्ला हुतुङ वाइ ति लालि माक्याबा मेङु तिकि सेम्ला हुतुङ वाइ । ति लालि माक्याबा मेङु सिरु मि मेसिन दाङ दाक्पि सेम्ला दाक्पुला ज्यक तुसिन तिकि दाक्पि लाङु कि पुमा ला चेङि रा ज्याक सेम क्यासिन तिकि ल्यामु राङ किउ ।
38
तिकि किसाला सिकि चेङि पुमा तानि जेन्दिक किबे तिकि ल्यामु राङ किउ । तेमे जेन्दिक मिकिबु सेम किबे तिकि साङ ति सिना ल्यामु राङ किउ ।
39
पुमा पेजा दि तिकि ख्य थार थार साक के क्य उपु गिउ । तिकि ख्यिसिमा ति उप मेङु ।
40
हिनसिनाङ ति तुकराङ क्यानि देदु सेम क्यासिन आला आला ल्यामु हिन ।