लिउ ३
1
नुक नुम तिवा खिराङ दाङ क्यानि तामगेन किसिङ लोवेन तिव दाङ क्यानि ताम्गेन ङेकि किमाथप् तेमे ज्ञालुङवि मि ख्रिष्ट ला होमा थुङगुप आङा दोगे ङा तामगेन क्याविन ।
2
ङेकि खिराङला होमा दोगे च्याक च्याक सामा विदिन खोक्पु सामा नेर माथुप् चिला सिसिङ खिराङ तिकि लागि टेगे मिदुप नोकक र तारुङ सङ म्येङ ।
3
खिराङ तारुङ सङ ज्ञालङवि मि दोगे रङ नोक चिला सिसिङ खिर्य पर्ला ठादोक ताङ कल्या थोङ सुङ
4
चिला सिसिङ दोक्पु चिगि ङा पावलकि हिन ज्यर्मा दिकि ङा आपोलोस ति हि सिङ क्यासिन खिराङ ज्ञालुङवि मि दोग्या माचुङ र ?
5
आपोल्लोस सुहिन , पावल काङ हिन? कोन्ज्ककि तेरिकला विदुप ओङज्यन दाङ यन्ध्यान तिराङ हिन,
6
ङेकि चुविन आपोल्लोसकि छु । लुक्सुङ तेमे कन्ज्यककि राङ छार चिदुप हिन् ।
7
ओदुक क्यानि जुपुप् ताङ लुकुप् ङिकार खाङ खिनसिनाङ कोन्ज्यककि राङ रिक्पा विन्सुङ ।
8
जुदुप ताङ छु लुकुप् च्यक डक राङ हिन ग्यरिककि दाक्पि जांगर दाङ लाका ला थोपुप् ला ङिकिदो ।
9
चिला सिसिङ ओरुङ तेरिक कोन्ज्यककि क्षेटु हिन खिराङ कोन्ज्यककि पेप ताङ सिङसा हिन व खाङवा हिन ।
10
ङाला विदुप कोन्ज्यककि रिक्पा दिमु खाङवा जोप कार्मि दोगे ङेकि जग कोनि ज्याकिन ज्यर्मायिकि खाला दो तेङनि ताला जोसुङ ति खाला जोइ डोसिङ चुक क्यानि जेउ तिल नासाम तोङ ।
11
चिला सिसिङ ति जाक ति येशु ख्रिष्ट राङ हिन्नोक ति मिन्सिङ चावा जग मि सिसङ ज्याक मुथुपुप् ।
12
ओदुक क्यानि मितिवि दि जकला सेर ङुल दाङ गोङ माङवु सोरुप च्यालाक ताङ सिङडाक चा दाङ तिव दाङ क्यानि खाङ्वा जो नक क्यासिङ ।
13
मि तेरिककि लाका ग्यार्कि दो चिला सिसिङ ठिम किरुप निमाला ति तेरिक ठाछेलि थोङिदो ति मे नेसुर सिकि चिनोक लाका क्यावुप नोक ति तेरिक मे थोनि जाँचेकि दो ।
14
होतुङ ति मितिवि ति खाङ्वि जाग्गि खाला क्याखुप लाका जले माक्यावि लुसुङ क्यासिङ तिला ईनाम ङेकिदो।
15
तेमे मि ला लाकि क्यावुप लाका तिव जेले क्यानि नासा गाल्सुङ क्यासिङ तिकि राङ खुन खुर्गो किदो तेमे खोराङ ते मे नेसुर खोरुप दोगे थर्किदो ।
16
काङ खिराङला छा मेतर खिराङ ति कोन्ज्यककि लाहाङ हिन तेमे कोन्ज्यककि सेम च्योङगु खिरे क्षेमगि दिङला स्वसा देकिउ ?
17
लाला मि कि ति कोन्ज्यककि लाहङाङ तिब नाताङासुङ ति लाहङाङ ति खिराङ राङ हिन ।
18
सिकिसङ दाक्पुला ङडेन मातेर र खरिङ तिव सिकिङ दि तुजे ला ङारङ खामु हिन् ।
19
नोसुङ क्यासिङ तिमि काक्पु हिन् ति रिक्पा ति ङडेन तिराङ हिन टिवुप होइत
20
खोकि रिक्पा तोङगुप मिला ति काक्पु जेउ यङलोङ रिक्पा ल्मे तिवि नासाम तिब तोजोराङ हिन सिनि कोन्ज्यककि सुङ्गिउ ।
21
ओदुक क्यानि सिसाङ मितिवि खाला ङोसु दाङ वार मिकिसिद ।
22
चिला सिसिङ हिदुप नाव तरिक खिरेतिराङ हिन हिदुङ पावककि अपोल्लोकि केपास अर्थत जम्बुलिङ , मिजे व सेप द नासाम व जिक्ला साङ तेरिक खिरे तिराङ हिन।
23
र खिराङ ख्रिष्ट कि हिन ख्रिष्ट ति कन्ज्यककि दि हिन ।