लिउ १५
1
ता नुक तिबा ङा खिराङला ङे लेन ल्यामु लागिला सिउ । खिरेकि कोतुप लेन ल्यामु खिरेकि नासाम तोङ् । तेमे खीरेकि सिउ ।
2
ङेकि खाङ्क्याला च्यालु लेनकि । खिराङला च्योङ्बु जेउ । दि लेन ल्यामु कि खिराङ्ला थार्जिक्यु । चिलासिसिन खिरे तेपा तिजाङकि डिउ ।
3
ङाला खाङ ङ्येसुङ् ति खीराङला मेता मेगु क्यानि बिदिन् । खाङसिनि सिसिन खिरे लागिला येशु क्यिसुङ् ।
4
तेमे क्ष्यो तिबि कि राङ् येशुला ङीमा सुम तिङ्ला थारुप् जोसुङ् ।
5
तेमे येशु केसाफ ताङ मेरेङा दाबा तिबि चाला थुङ्सुङ् ।
6
तेमे तुक राङ क्यानि जेन टाबा (५००) साई ङ चाला थोङसुङ ।
7
ति थोङु नाङ्ला लाला ति सेन्बु राङ वाइ सिसिन लाला ति स्येप वाइ ।
8
गेर सिना तिङला ला माछेबा केबु पेजाज तगेरा क्यानि ङे चाला थोङसुङ् ।
9
खाङ्सिनि सिसिन ङाङ् (प्रेरित) तिबि नाङला ङाङ् दक्पुज्यिक मेलेब हिन् । ङा प्रेरित तिवि सेम्बा डप सि मिन खाङ् सिनि सिसिन ङे कि तिबाला दुक्पा बिदुप वाइ ।
10
ङा दिजो खेर खाङिकि वाइ तिदि खेर कन्ज्यककि किसाला वाइ । खाङसिनि ङे क्याबु सेम ल्यामु ओतुप ।
11
तिकि किसाला ख्यरे ताङ ङे ति राङ सिउ । अरेकि सिउ कि हिरेसाङ दि ताम सेम्गि क्याबु जाइ सिनि ।
12
खाङ ख्रिष्टकि स्येप तिबि लागिला सेन्बु तिबिकि जोबु हिन्सिन खाङ ख्यिरेकि ति ताम तिला सेम मिक्यु ।
13
हिन्सिनाङ सेन्बु तिबि स्येपला सेन्बु जो मुथुप्सिन खाङ ख्रिष्ट ङाङ् सेन्बु गालुजाइ?
14
तेमे ख्रिष्टकि सेन्बु माजोबु हिन्सिन अरे सेम क्याबु ताङ खाङक्याला लेन ल्यामु च्यालु तिन तिजोराङकि डिउ ।
15
तेमे ओरुङ् ङाङ् कन्ज्यक लागिला जुनोक्पा तगे डिउ चुक् क्यानि सिसिन अरेकि साङ कन्ज्यक लागिला पाङ्बु गोनि युबु जाइ । तेमे खोकि ख्रिष्ट नेमा सेन्बु जोबु जाइ । हिन्सिनाङ स्येप तिबाला सेन्बु जेउ सिरुप हिनसिन कन्ज्यक कि साङ येशुला सेन्बु माजोबु जाई ।
16
खाङसिनि सिसिन कन्जज्यककि सेन्बु मालाङ्बु हिन्सिन ख्रिष्ट ङाङ् सेन्बु मेतु वाई ।
17
तेमे दिनोक राङ हिन्सिन तारोङ साक् ओरुङ ङाङ् दिक्पा नाङला राङ वातुप जाइ सिरुप सेगोच्यु । तेमे ख्रीष्टला स्येप तिबाङ तिजोराङ्कि डिउ ।
18
तेमे ख्रीष्टला स्येप तिबाङ तिजोराङ्कि डिउ ।
19
तेमे दि मिजि अरेकि ख्रिष्ट लागिला ज्ञ्याकु हिन्सिन ओरुङ जेन मितिबा सिनासाङ ङ्यिङ्ज्ये लाङदे डिउ ।
20
हिन्सिनाङ ओथुङ सिगोबु हिनसिन ख्रिष्ट सेप तिबा नेमा सेन्बु गालु जाई । तेमे दुक क्यानि सेप नाङला खेर सिना गमाला कन्ज्यक तोङि हिन् ।
21
खाङसिनि सिसिन सेप दक्पुज्यिक् राङ नेमा लेसुङ् ताङ सेपला लोरिङ् सेन्बु लोङुप ङाङ् मि नेम राङ लेपु ।
22
चुकज क्यानि आदाम तिबा तगेराङ सेन्बु लाङि तुक राङ क्यानि ख्रिष्ट ङाङ सेन्बु लाङु ।
23
तेमे खेर ताम तिकि रिबा जिकला डिउ तिकि किसाला तोङि दाल्बा ति कन्ज्यक राङ हिन् । तिकि तिङला ख्रिष्टला वातुप तिबा तिला राङ सेन्बु गिउ ।
24
तिकि तिङला ओङ्ज्यान ताङ खेर । ठिम तिबाला ताङनि येशु ख्रिष्ट टिङला गिउ । तेमे तिबाला खेर नाताङनि कन्ज्यक लाक्ला तेर्क्यु ।
25
खाङसिनि सिसिन तिला ओङ्ज्यानला ज्ञ्याङनि ति ओङ्ज्यान थतोङु ।
26
तेमे नातोङुप तिला खेर सिना तिङला स्येप हिन् ।
27
क्ष्यो तिबि सिउ कि तिबाला कन्ज्यक तिङबि हकला ज्ञ्याङनि ओङज्यान नाङला ज्ञ्यकु । हिनसिराङ कन्ज्यक ङाङ दिकि पाउ हक्ला वाइ सिरुप मिन । हिन्सिनाङ दि खेर ओङ ति ख्रिष्ट बिदुप हिन् ।
28
खेर ताम कन्ज्यक ओङज्यान नाङला लेप्सिमा, दाक्पि राङ खोकि सिक्याबु ङ्येदुप दासाला क्ष्यकि कि कन्ज्यक ओङ्ज्येन नाङला ज्ञ्यकु ।दुक राङ क्यानि कन्ज्यक ओङ्ज्येन नाङला देक्यु ।
29
मिनसिन बप्तिसमा लाङु तिबिकि खाङ किगोग्यि खाङ दि बाप्तिषमा लाङुप तिबिकि मिला र्थामिजिबु हिन खाङ् सिनि बप्तिसमा लाङि ?
30
खाङ ओरुङ चोबेलाङ मेलेबाला वाइ ?
31
नुक तिबा ङा ङ्यिमिताङ स्यिउ । ति ताम ख्रिष्ट येशु अरे कन्ज्यककि खिराङला ङेकि गा क्याबु सिनाङ ओथुङ हिन् ।
32
एफिसिकि नाङि पालाङ तानि थाप्चितु कि मि ल्हासिन ङा ला खाङि ल्यामु गि? तेमे स्येप तिबा मालाङ सिन ओरुङ से ओरुङ राङ थुङि खाङ साला या ओरुङ हो स्यिउ खाइ ।
33
खक्पा ल्हाप दासाला माडो ‘ मेलेबिकि ल्यामु दाल्जाला नातोङु ‘
34
ल्यामु क्यानि दाक्पि नासाम तोङ दिक्पा ला मादे । खाङसिनि सिसिन खिराङ चो ला या कन्ज्यककि चेन्दिङ टेन्बा मेत । खिराङला ङछा लाङज्यितुप ला ङे दि ताम सिक्याबु जाइ ।
35
ला ला दिकु क्यानि सिउ "स्येप तिबाला चुक क्यानि सेन्बु लोङि ? तेमे तिबा च्येन्डक् जुबु खुर्नी गि?"
36
खिराङ् ति तोजो क्षा मेतुप् वे! खाङ् चुबु त माश्यिबा साक् मेकेत ।
37
खिरेकि चुबु किरुप आदा साला खिरेकि तिकि जुबु मुजुइ सिन्सिनाङ तिकि सेन क्या जिक जुक्यु । खाङ चुबु सेन क्या केक्यु तिकि दासाला जेन गि सेन मेकेउ।
38
हिन्सिनाङ कान्ज्यककि ओरुङला सेमगालु जुबु ति ला तेर्क्यु । तेमे खेर सेनला तिकि जुबु गिउ ।
39
खेरकि जुबु मिडिकु मिति जुबु राङसा पालाङ ति राङसा तेमे च्येजुङमा तिबि ति राङसा तेमे ङ्ये ति राङसा गिउ ।
40
तुक राङ क्यानि देयवाचेन कि मि जुबु ह्रेबु जुबु गिउ । हिन्सिनाङ द्येवाचेन मि जुबु गा राङसा ताङ ह्रे मि जुबु गा राङसा राङ गिउ ।
41
तुक राङ क्यानि ङिमा तिकि गा किरु राङ्सा आउला राङसा तेमे ति राङसा राङ गा किरु दासा गिउ ।
42
स्येप मि तिबि लोरिङ जप तिङ तिराङ हिन् । ति जुब सिदुप ला चुनि मासिदुला गोर्च्यु ।
43
तिला मेलेबा ला चुसिनाङ ल्यामुला गोर्च्यु तुक राङ क्यानि खाङकि मुथुपुला चुनि आदा साला राबुला गोर्च्यु ।
44
तेमे तिला फिकि ङिमा क्ष्यु लुङला चुनि थु चुनि थुला र्गोजिगोच्यु । तेमे तो फिला गार्सिनाङ दाक्पि थु नाङलाङ गारुजाइ ।
45
तिकि किसाला दिनोक टिबु वाइ ‘तोङला मि तिवि आदम सेन्बु र वातुप ज्युसुर्सुङ । तेमे तेबा तिङला ति आदम सेन्बु तिला लु थु लुङ्नि बिन्सुङ ।
46
हिनसिनाङ तोङला लेपु ति ति लुङ छ्यार्बा नेमा ज्युरुपजाइ । तेमे तिङि ति थु नेमा र्ग्युपजाई ।
47
थाल्माकि मि ति थालानेसुर् जोबु हिन् । मि ङिबा ति देवाच्येन नेसुर लेपु हिन् ।
48
थाला नेसुर जोबुतिबा तेरिग् थाला नेसुर जोबु मि दगेराङ् यिन् ।
49
चुक् क्यानि ओरुङ् तेरिग थालानेसुर जोबु मिकि जप्तेला वे, तुक् क्यानि राङ् देवाच्येन् नेसुर हबु मिकि जप्ते साङ् खुर्नि वे ।
50
तिकि किसाला ङा खिराङराङला सिउकि चुक क्यानि स्या ताङ ठाक गि राङ क्यानि ओरुङ ङा गिउ ।
51
तिकि लागिला ओरुङ खे डिउ । तेमे ओरुङ ङाङ राङसा ग्युच्यु ।
52
ओरुङ खेप्तङमा मिगि दक्पुजिक दासाला , ग्यालिङ तानिराङ केर्नि डिउ ।
53
तेमे ग्यालिङ फुसिमा स्येप तिबिकि मासिबा देतु थाका स्युक्गोच्यु ।
54
दिजो बेला दि सिदुप जुबुकि मिसिन्बु थाका ताङ स्येप जुबुकि आला थुपु सेम क्यासिमा दि ताम क्ष्योल्ग्यु कि ‘स्येपला ग्यालुपु सेम क्यासिमा दि ताम क्ष्योल्ग्यु कि
55
‘स्येपला ग्याल्नि मासिबा देतुनि खेनि वाइ ए स्येप ति ख्येर खिल खेबि वाइ ?’
56
स्येप ख्यिल दिक्पा हिन तेमे दिक्पा कि थुपु ति ठिम हिन् ।
57
हिनसिनाङ अरे कन्ज्यककि येशु ख्रिष्ट नेमा ओरुङला ग्यलचिसुङ तिकि लागिला कन्ज्यकला थुच्यिछे ।
58
तिकि किसाला ङे नुक तिबा बोमु गाल्नि देन् । चो बेलाङ कन्ज्यक लागिला यक् कि खाङसिनि सिसिन खिराङला क्ष्या वाइ कि कन्ज्यक मेतु यक ल्यामु मेगु सिनि ।