लिउ १२
1
नुक तिबा थु ङेत्पा ला खिराङ्ला सिसिन् क्ष्यामेसित सिरुप ङा सेम मिकिउ ।
2
खाङसिनि सिसिन खिरेकि कु तिबाला बुल्बा किउज । ति कु तिबिकि ताम सिरुप ताम मिक्यु ।
3
तिकि किसाला खिरेकि दि मेस्पेसित । सिरुप सेम किउ कि , कन्ज्यक थु नेमा किरु तिकि नामलाङ मिसिउ कि , “येशु मेनेबा डोसित “ मिसिउ । चेङि थु नेमा सिसाङ “येशु राङ कन्ज्यक हिन्” सिनि सि मुथुपु ।
4
ङेपा तिवा राङसा राङसा हिन्सिराङ थु ति दक्पुज्यिक् राङ हिन् ।
5
यक तिबा हिन्सिराङ कन्ज्यक राङ् दक्पुजिक राङ हिन् ।
6
यक तिबा राङ्सा राङ् हिन्सिनाङ कन्ज्यक दक्पुज्यिराङ हिन् । तिकि किसाला दाक्पुलाङ यक किरुप जोल्मु ग्यु ।
7
ता खेरेकि चेङि थु तिकि कला ल्यामु क्यानि लाज्प्यु ।
8
तेमे ति नेमा राङ ल्यामु यक् किरु लोप्च्यु ताङ ति नेमा टाङ ल्यामु ताम ङा ङ्येक्यु ।
9
जेर्माला तिकि ति चेङि थु नेमा राङ मोबा किउ । लाला कि ति नेमा राङ टेकुप् ङेत्पा ङेतु वाइ ।
10
जेर्मा तिला याम्छेन लाङ्दे, जेर्मा तिला लुङ्देन कि स्येबु जेउ । जेर्मा तिला थु तिबा डेलुप, तेमे नाबानाबा ताम कि स्येबु , जेर्मा तिला जेङ्गि ताम क्याबु ति लोङ् रिङ् सिनि तेरुप डेनपा बिदुप वाइ ।
11
हिन्सिराङ खेराङला तिनोक रोङ् दक्पुज्यिराङ् चेङि थुकि यक् किउ । तेमे दि खेर तिकि सेमगि तिकि खेरला ङेत्पा बिदुप् वाइ ।
12
चुक क्यानि जुबु दक्पु जिक्लाराङ् नाबा नाबा याङ्ल गि । तेमे ख्रिष्ट तिङ तिनोक् राङ् गिउ ।
13
खाङ्सिनि सिसिन ओरुङ् खेरिकि चेङि थु नेसुर बप्तिसमा लाबु जाइ । यहुदि , ग्रिक, कमारा ताङ खाङ् किउ । ङेयतुप मि तिबिसाङ् दि चेङि थु नेमा राङ् थुबु जाइ ।
14
खाङसिनि सिसिन दक्पुज्यिराङ चेङि थु नेमा याङल ज्यरुप जाइ ।
15
तिकि किसाला काङबिकि ‘ङा लाक्पा मिन् तिकि किसाला ङा जुबु याङल मिन् ‘ सिक्याताङमा ति मिन्बु मोडोइ ।
16
तेमे कन्ज्यक कि “ङा मिक मिन तिकि किसाला ङा जुबु याङल मिन् “ सिक्याताङ मा ति जुबु याङल मेतु मिन् ।
17
ति कि किसाला मिक राङ् ङ्यामाक् माल्सिन खेबा ङेन्जि ? तेमे खेर जुबु ति मिक राङ् डप हिन्सिन नप ति खाङ नेमा ?
18
हिन्सिनाङ कन्ज्यककि अरे याङल नाबा नाबा दासाला टिनि ज्याक वाइ ।
19
तिकि किसाला खेर याङल ति दक्पुक्यि राङ् हिन्सिन अरे जुबु ति खेन गि ?
20
तिकि किसाला याङ्ल राङ् राङि दासाला वातुपकि किसाला अरे जुबु ज्युरुप वाइ।
21
मिगिकि लाक्पाला ‘ङाला क्ष्योरुङ् मेसि राङ् गिउ ‘ सि मुथुपु तेमे मो कि साङ ङाला काङबा मोगोइ ङाङ् सि मुथुपु ।
22
हिन्सिनाङ खाङ कि मुथुपु मि तिबि ति तिङ मेता मेगु ।
23
तेमे अरेकि ल्यामु क्यानि क्याबु याङ्ला ति ओरुङला मेता मेगु । तेमे जन् मोथोङ बु याङ्ल तिबा याङ् जन् आला ल्यामु क्यानि ज्ञ्यकु ।
24
मोथोङबु याङ्बला दिजो ल्यामु किरु मेता मेगु यक् मिन् । हिन्सिराङ अरेकि मेसिराङ मेगु सिक्यबु तिला ल्यामु कानि ग्यकगोच्यु ।
25
जुबु ला कामा कामा कि मोगोसित हिन्सिराङ खेर याङल तिबिकि दाक्दाक्पुला ङ्यिजे किसित सिनि जोनि बिदुप जाइ ।
26
याङला दक्पुजिक जिकला दुक्पा ङ्येसिन खेरला सुकक्यु । दक्पु जिकला ल्यामु गालसिन खेरला ल्यामु डिउ ।
27
तेमे खिराङला ख्रिष्ट तिबि याङल हिन् ।
28
तेमे कन्ज्यककि क्ष्योछपोपला तोङला लोमाङ तिबाला तेमे तिङ्ला लुङ्तेम्बा तिबाला तेबा लोबेन , तिकि तिङला याम्छेन लाङे किरुप तिबाला , नाबा नाबा ताम किरुप तिबि किरो किरुप तिबाला नाङ्ला लुकुप गिउ ।
29
खाङ क्ष्यिराङ लोमातिबा हिन् ? खाङ् तिबाति खेर लुङतेम्बा तिबा खेर यामछेन् लाङ जितु मि हिन् ?
30
खाङ तिबा तेरिग्ला ल्यामु जप ङेत्पा वाइ? खाङ तिबा खेर जेग्गि तामला ताम कि थ्युक्यु ? खाङ तिबा खेरकि जेन्गि ताम तेदक स्येच्यु ?
31
ङार्मा क्यानि तारोङ बोमु ङेत्पा तिबा छोल । तेमे ङा खिराङ्ला तारोङ ल्यामु लाम छ्योदन्ग्यु ।