लिउ 1
1
कन्ज्यक्कि सेम्ने ज्युँ ख्रिष्ट येशुकि लोमा जप्ला काताङ्गुप् पावल ताङ् ङिरे नुप् सोस्थेनेसनेसुर,
2
कोरिन्थीला हतुप् कन्ज्यक्कि क्षोछोग् ला ख्रिष्ट येसु नेसुर चेङि गालुप् तिबाला । ङिराङ् दासा तेरिग्ला कन्ज्यक ख्रिष्ट कि मिन्ला मोपोर किउ ति टिवा ताङ् ङिराङ् तेरिग्कि कन्ज्यक वे ।
3
अरे पापा कन्ज्यक ताङ् चावा येशु ख्रिष्ट नेसुर काटिन् ताङ् लोदिमु हुङ्सित् ।
4
ख्रिष्ट येशुकि खिराङ्ला विन्दुप् कन्ज्यक्कि मलाम खिरे कला साङ् कन्ज्यक्ला थुच्ये बुल्ग्यु ।
5
च्यिला सिसिन् चुक् क्यानिसाङ् तेरिग् ताम् ताङ् येन्देन् ला खिराङ् खरे क्षुक्पु जोनि वे ।
6
च्यिला सिसिन् ख्रिष्ट कि कला पाङ्बु ति हुतुङ् हिन् सिनि खिरे पार्ला थोङ्नि वे ।
7
तेमे खिराङ् अरे चावा येशु ख्रिष्ट हङ्गुप्ला गुनि देतुप् ठला खिराङ्ला कोन्ज्यकि विन्दुप् ङेत्पा तिबा ङ्युङ् माटास्यित् ।
8
खिराङ् चावा येसु ख्रिष्टकि ङिमाला ङेबा मेतुप् हुङ् थुप्स्यित् सिनि खोकि खिराङ्ला तिङ्गि ङिमा साक् राँबु जोनि ज्यकित।
9
कन्ज्यक् ति मोबा क्यि दिमु वे, खोको येशु ख्रिष्ट कि डिक्जोमला काताङ् गुप हिन् ।
10
ता नुक तिबा अरे चावा येशु ख्रिष्टकि मिन्ला गङ्बा स्यिउ, खिराङ् सेम् च्यिग क्यानि देता , तेमे खिरे पार्ला खाँदा मेङ्स्यित् ।
11
च्यिले सिसिन् खिरे पार्ला पोङ्जा पोङ्जा च्युङ्गुप् सेम् नक् सिनि ङला क्लोएकि मितिवि ङला लेन ताङ्नोक ।
12
कि अपोलमकि लाला कि ङा केफासकि हिनसिनाङ ङा ख्रिष्ट कि हिन सिनोक् ।
13
खाङ् ख्रिष्ट बो ग्यापुप् वे र ? खाङ् पावल खिरे कला ग्याङ्स्यिङ्ला कालुप् हिन् र ? खाङ् खिरेकि पावलकि मिन्ला क्षि बप्तिस्मा लाबु हिन् र ?
14
ङा कन्ज्यक्ला थुच्ये वुल्ग्यु ङे खिराङ्ला क्रिस्पास ताङ् गायसला सिनाङ् ज्येन् सुला साङ् बप्तिस्मा विन्दुप मेत् ।
15
ङे मिन्ला बप्तिस्मा लाबिन् सिनि खिराङ् सिसाङ् सि मुथुपु ।
16
ङे स्तिफनसकि मिछाङ्ला साङ् बप्तिष्मा विन् वे । तिसिना ल्हाक्पा सुलासाङ् बप्तिस्मा बिन्दुप् ति ङाला क्षा मेत ।
17
च्यिले सिसिन् बप्तिस्मा तेरुप्ला मिदा लेन् स्येतुप्ला येशुकि ङाला ताङ्गुप् हिन् । ख्रिष्टकि ग्याङ्स्यिङ् ति ङार् मेतुप् मुच्युङ्स्यित् सिनि खोकि ङाला मिकि रिक्पि सुङ् तिबा थनि लेन् स्येतुपला माताङ् ।
18
च्यिले सिसिन् ग्याङ्स्यिङ्कि लेन् स्यिइँ हतुप्तिबाला कुर्क्यक्कि क्यिताङ् हिन्सिनाङ् कन्ज्यक्कि ह्रकिन हतुप् मि तिबाला ङार् हिन्।
19
च्यिले सिसिन् "ङा रिक्पा आला हतुप् तिवि दिक्पा ना तोङ्गु । च्याङ्बु क्यिरुप् तिबि नासाम् तिबा लाका मेतेरुप जेत ।" सिनि टिनि वे ।
20
रिक्पा हतुप् मि केनि वे? खामु केनि वे ? दि लुङ्बिकि कला ताम क्यिरुप् मि सु वे ? काङ् कन्ज्यक्कि दि लुङवाला होदुप येन्देनला कुर्क्यक्कि रिक्पा दके माजो र?
21
लुङ्वा तेरिग्कि रिक्पि कन्ज्यक्ला ङो मास्ये । तिवि रिक्पाला साङ् खोला ङो मास्येबा क्यानि मोबा किरुप तिवाला मिजे तेरुपला कन्ज्यकला ल्येमु छोर्सुङ् ।
22
यहुदितिबा ता छोल्ग्यु तेमे ग्रिकतिवा रिक्पा छोल्गियु
23
तेमे ङिराङदि ग्याङ्स्यिङ्ला स्येप् येशु ख्रिष्टला कला स्येकित । ति ति यहुदितिबा ला नार्तु ग्याकुप दो ताङ् ग्रिकतिबाला कुर्क्यक्कि ताम् दके हिन्।
24
तेमे यहुदि ताङ् ग्रिक ङिकारला कन्ज्यक्कि का ताङ्नि वे, तिबि पार्ला ङिरेकि ख्रिष्ट्ला कन्ज्यक्कि ङार ताङ् रिक्पा दके क्यानि स्येक्यु।
25
च्यिले सिसिन् कन्ज्यक्कि आम्बाराङ्स्यिङ दि मितिवि रिक्पा सिनाङ क्षे वे तेमे कोन्ज्यककि ङार ङ्युङ्मु ति मितिवि ङार सिनाङ क्षे गि त।
26
नुक तिवला काताङ्ङु थिया खिराङ चिनोक वइत ति नासाम आला ति गिज्या माङबु मेदुप नोक।
27
तेमे रिक्पा माङरुक होदुप तिवला ङोदा ल्यङगुप कोन्ज्यकि लुङवा कि ङयकपा तिवला छोने कयासुङ र आमा र ङसेन तिबला ङोदा लोङगुपला लुङबिकि निर्वल नामला छाने क्यासुङ ।
28
कोन्ज्यककि लुङबि निच दाङ तुच्छ फेन मोथबुप तिवला छानेक्यासुङ दिनोक साक यल्सुङ दि ताम्गेन ति कमिदुव सिरुला।
29
तेमे चिनोक पालाङ ताङ कोन्ज्यक कि दोङला हाम्वा मिकिसिदु ।
30
कोन्ज्यक रङ ख्रिष्ट येशुला खिरे मिजि कि स्रोत हिन्नक ख्रिष्ट रङ वरे रिक्पा , च्यङङे दाङ ओङ् डिकिदो ।
31
ओदुक क्यानि टिबुप् ओइन हाल्यव किरुप तिवला चावा राङ हाल्यब किसि द ।