¹ शासक और अधिकारीके अधिनमे रहन, बिनकि बात मानन और हरेक अच्छो कामके ताहीँ तयार बैठन, ² कोइक खिल्ली नाउणान, कचकचसे अलग रहन, औरे आदमीके अपन-अपन डगरमे नेगन और सब आदमीक नरम दिखान याद करबाऔ। ³ काहेकी एक चोटि हम फिर लापरवाह, अनाज्ञाकारी रहँएँ। हम बराने और गजब किसिमके खराब इच्छा और आइसोरामको नोकर रहएँ। हम दुष्टता और हिर्समे जित रहँएँ।हम घृणित और एक दुस्रेक घृणा करन बाले आदमी रहँएँ। ⁴ और जब परमेश्वर हमके बचान बालोको दया और मानव जातिनके ताहिँ बाको प्रेम दिखानो ⁵ ,हम धार्मीकतामे करो कामसे नाए और बाको कृपा जैसो नयाँ जनमसे हँदबाएक और पवित्र आत्मासे नयाँ करके बा हमके बचाइ हए। ⁶ हमए बचान बालो परमेश्वर येशू ख्रीष्टसे हमर उपर पवित्र आत्मा गजब अखनाइँ । ⁷ तव बाको अनुग्रहसे धर्मी बन्के अनन्त जीवनको पक्को उत्तराधिकारी भए। ⁸ जे वचन विशवास करन लाएकको हएँ। मए चाँहत हौँ बे जे बातनके बारेमे दृढतासे मस्कएँ ,ताकि परमेश्वरमे भरोसा करनबाले बा उनके अग्गु अच्छीबात करनघेन मन लगामएँ। आदमीके ताहीँ जे सब बात अच्छी और फाइदा करन बाली हएँ। ⁹ तव मुर्ख बाद- बिबाद, वंशवाली, फुट और व्यवस्थासम्बन्धी झगडासे अलग बैठओ, काहेकी बे बेफाइदा और व्यर्थके हँए । ¹⁰ फुट ल्यान बारो आदमी चाहिँ एक और दुई चोटी चेताउनी दैके पिछु बाके संग और कोइ सरोकार मतकरीओ ¹¹ जा जानके कि अइसो आदमी भ्रष्ट और पापी हए | बा पाप करतहए और अपनएके दोषी ठहिरात हए | ¹² जब मए अर्तीमास या तुखीकसके तुमर ठीन पठएहौँ, जल्दी करौ, और निकोपोलिसमे आबौ, जहाँ मए हिउँद कटानको निर्णय करो हौँ। ¹³ जल्दी करौ, और कानुनको बारेमे जानन बारो जेनास और अपोल्लोसके बिनके चाँहन बारो सब चिज दैके पठाऔ। ¹⁴ हमर आदमी जरुरी खाँचा पुरा करन बालो अच्छो काममे अपने लगन पणत हए, कहेकी बे आसफकल ना होँएँ। ¹⁵ मिरसँग के सबए तुमके अभिवादन पठाईँ हएँ। विशवाससे हमके प्रेम करन बारेनसे अभिवादन कहिदेऔ। तुम सबएसँग अनुग्रह होबए। आमेन।