1
अब, शरीर अनुसार हमर पुर्खा अब्राहामके बारेमे हम का कहँए त?
2
अगर अब्राहम कामसे धर्मी ठ्हिरतो तौ उनके घमण्ड करनको कारण हुइतो , पर परमेश्वरके अग्गु त नाए ।
3
काहेकी पवित्र-शास्त्रमे का कहत हए? “अब्राहाम परमेश्वरउपर विश्वास करी, और बो उनके ताँहि धार्मिकतामे गिनीगौ ।”
4
|” अब जौन काम करत हए, बाक ज्यालाके अनुग्रहके रुपमे ना गिनोजात हए, पर पानबारो चिजको रुपमे गिनो जात हए।
5
पर बाक ताँहि जौन काम ना करत हए , पर बोकि साट्टा अधर्मीके धर्मी ठहरानबारोमे विश्वास करत हए, बोकी विश्वसकी धार्मीकताके रुपमे गिनहए।
6
दाऊद फिर काम बिना परमेश्वर धार्मीकतामे गिनो भौ आदमीके आशिष घोषणा करत हए ।
7
"बा कहि बे धन्यके हएँ , जोकी अपराध क्षमा हुइगओ हए, और बक पाप तोप दाईहए। "
8
बो आदमी धन्यको हए, जौनको विरुद्धमे परमेश्वर पापको लेखा नएलेतहए ।”
9
तव का जा आशिर्वाद खतनाबालेनके ताँहि मात्र हए? कि बेखतनाबालेनके ताँहि फिर हए ? काहेकी हम कहत हँएं , अब्राहामके ताँहि त उनको विश्वाससे धार्मिकताके रुपमे गिनो ।
10
अैसो हए कहेसे, जा कैसे गिनीगौ तौ? अब्राहाम को खतना होनसे अग्गु अथाव पच्छु? जा खतनामे होत ना भौ रहए , पर बेखतनामे भौ रहए।
11
अब्राहाम खतनाको चिनहा पाइ।जा विश्वासको धार्मीकताकी छाप रहए, जो बा खतना होनसे पहिले पाइ गौ रहए । जा चिनहाको फल ता बे खतना होनसे पहिलियए बा विश्वास करन बारे सबएक पिता बनो । जक मतलब जा हएकी बो धार्मीकता बिनके ताँहि धार्मीकतामे गिनैगो ।
12
जक मतलब जा हएकी अब्राहाम खतनासे आए भए बालेक ताँही इकल्लो नाए, पर हमर पिता अब्राहामके पिछुवान बालेनके ताँहि फिर पिता बनो । और बो खतना होनसे पहिलियए बक संग विश्बास रहए ।
13
काहेकी संसारके उत्तरधिकारी होनके ताँहि अब्राहाम और उनको वंशके दओ प्रतिज्ञा व्यवस्थासे ना दैरहए , पर जा विश्वासके धार्मिकतासे रहए ।
14
काहेकि अगर बो व्यवस्था पालन करनबारे मात्र उत्तराधिकारि हँंएं कहेसे विश्वासके त खाली बानइ और प्रतिज्ञाके रद्द करीँ ।
15
काहेकी व्यवस्था दिक्क लतहए, पर जहाँ व्यवस्था नैयाँ बोहुअँ अपराध फिर ना हुइहए ।
16
जहेमारे जा विश्वासकेउपर होत हए, काहेकि बो अनुग्रहउपर हुइ पाबए ।फलके रुपमे , प्रतिज्ञा सबए सन्तानके ताँहि पाक्को हए। और जे सन्तान व्यवस्था इकल्लो जानन बरेनके ताँहि ना हए, पर बे अब्राहामकी विश्वाससे आएभएनके फिर समेटत हए ।काहेकी बो हम सबकी पिता हए।
17
जैसो लिखो हए, “ मए तोके तमान जातिके पिता बनाओ हौं ।” अब्राहाम अपन भरोसा करो भौ परमेश्वरकी उपस्थितिमे रहए, जौन मरेनके जीवन देतहए और अस्तित्वमे नाभए चिजके अस्तित्वमे लाए सक्त हए ।
18
जे सबए बाहिरी परिस्थिती होतसोत फिर भविष्याके ताँहि अब्राहाम परमेश्वरमे दृढ भरोसा करी। तहिकमारे बा " तिर बाच्चा आइसी होमंगे" कहोजैसो गजब जातिनकि पिता बनो ।
19
बो विश्वासमे कमजोर ना रहए। अब्राहाम जानिगौ की बक शरीरमे बाच्चा जलमन तागत ना रहए ।(काहेकी बो करिब सौ वर्ष घेन पुगिगौ रहए) । साराकी कोख फिर बाच्चा जलमान ताँहि तागत ना रहए फिर बि बा स्वीकार करी ।
20
पर परमेश्वरकी प्रतिज्ञाके कारण, अब्राहामके कुछु शङ्का (अविश्वास) ना रोकी । बरु, बाके विश्वासमे पाक्को बनाइ और बा परमेश्वरकी प्रशंसा करी ।
21
परमेश्वर जो बात प्रतिज्ञा करी रहए ,बो बा बात पुरा करन ताँहि होन्नरी रहए बा पूर्ण रुपमे विश्वस्त रहए ।
22
"जहेमारे फिर बा को विश्वास ""बाके ताँहि धार्मिकता गिनी ।”
23
अब जा केवल बाको भलाईके ताँहि ना गिनो रहए ।
24
जा हमर ताँहि फिर लिखो गौ रहए , जौनके ताँहि गिनन बारो हए , हम जौन हमर येशू प्रभुके मरके जिन्दा करन बारोमे विश्वास करत हँए ।
25
बो बाही हए जौनके हमर अपराधके ताँहि सौँपो गौ रहए, और हमके धर्मी ठहरान ताँहि जिन्दा भौ हए ।