आध्याय १६
1
किंक्रियामे भइ मण्डलीकि धर्म-सेविका हमर बहिनिया फिबिकको प्रशंसा तुमर झौने करत हौँ|
2
मए तुमके निवेदन करत हौँ कि सन्तनके सोहान बारो किसिमसे बिनके प्रभुमे ग्रहण करओ, और बिनके चाहनबारो कोइ फिर सहयता बिनके देओ, काहेकी बे अपनए बाहुतनको और मिर फिर सहयता करी हए|
3
प्रिस्का और अकिलास, ख्रीष्ट येशूमे मिर सहकर्मीके अभिवादन ।
4
बे मिर ताँहि अपनो जीवन संकष्टमे डारीँ । बिनके मए इकल्लो नाए, पर अन्यजातीनके मण्डली जम्मए फिर धन्यवाद देत हँए ।
5
बिनके घरमे भइ मण्डलीनके आभिवादन देओ । मिर प्रिय इपेनितसके, जो ख्रीष्टके ताँहि एशियाको पहिलो विश्वासी हए, अभिवादन देओ ।
6
मरियमके, जौन तुमरे बिचमे बाहुत परिश्रम करी, बाके अभिवादन देओ ।
7
एन्ड्रोनिकस और युनियस, मिर आफन्त और मिर संगी-कैदीके, अभिवादन कहिदेओ । बे प्रेरित मैसे प्रख्यात हँए, और मोसे अग्गु ख्रीष्टमे भए रहँए
8
एम्प्लीआतस, प्रभुमे मिर प्रियनके अभिवादन कहिदेओ ।
9
उर्बानस, ख्रीष्टमे हमर सहकर्मी, और मिर प्रिय मित्र स्ताखुसके अभिवादन कहिदेओ ।
10
ख्रीष्टको योग्य ठहरेभए अपेल्लेसके अभिवादन कहिदेओ ।अरिस्तोबुलसको घरबारेन्के अभिवादन कहिदेओ ।
11
मिर आफन्त हेरोदियनके अभिवादन कहिदेओ । प्रभुमे भए नर्किससको घरानाके अभिवादन कहिदेओ ।
12
प्रभुमे परिश्रम करन बारो त्रुफेना और त्रोफोसाके अभिवादन कहिदेओ । प्रभुमे बहुत परिश्रमी करनबारो प्रिय परसीसके अभिवादन कहिदेओ ।
13
प्रभुमे चुनेभए रुफस और बोकी अइया, जो मिर फिर अइयारहए, बिनके अभिवादन कहिदेओ ।
14
असिंक्रितस, फ्लेगन, हर्मेस, पत्रोबास, हर्मास, और बिनके सँग भए भैयानके अभिवादन कहिदेओ ।
15
फिलोलोगास, युलिया, नेरियस और बोकी बहिनिया, और ओलिम्पास और बिनकीसँग भए सब सन्तनके अभिवादन कहिदेओ ।
16
एक दुसरेके पवित्र चुम्बनसे अभिवादन कराओ । ख्रीष्टके सबय मण्डलीनसे तुमके अभिवादन पाठइँ हँए ।
17
भैया रेओ , मए तुमके आग्रहपूर्वक बिन्ती करत हौँ, कि तुमके सिखाओ भव धर्म- सिध्दान्तके विरुध्दमे फुट और बाधा- विध्न सिर्जनबारो के नजर कारिओ, और बिनसे अलग बैठओ|
18
काहेकी अइसे आदमी हमर ख्रीष्ट प्रभुके सेबा नाकरत हएँ , पर अपन पेटके ताँहि सेवा करत हँए, और बिनको मिठो मिठो बोली और बात सीधासाधेनके हृदयके धोखा देत हँएं ।
19
काहेकि तुमर आज्ञाकारिता सब आदमीमे जाहेर हए, और तुमरे करन मए आनन्द करत हौँ| पर मए चहत हौ, कि जो असल हए बोके ताँहि तुम बुध्दिमान होबाओ, और जो खराब हए बोमे दोषरहित रहबाओ ।
20
शन्तिको परमेश्वार जाल्दीय शैतानके तुमर टाँङ्ग तरे कुचल्दे हए। हमर प्रभु येशू ख्रीष्टको अनुग्रह तुमरसँग रहबाए ।
21
तिमोथी मिर सहयोगी, और मिर नतेदार लुकियस, यासोन और सोसिपात्रोससे तुमके अभिवादन पठाई हए|
22
जा चिठ्ठी लिखनबारो मए, तर्तियस प्रभुमे तुमके अभिवादन पठात हौँ|
23
मिर पहुना और सारा मण्डलीनके सत्कार करनके गायससे अभिवादन पठाई हए । तुमके अभिवादन हए । सहरको कोषाध्यक्ष इरास्तस और भैया क्वार्टस तुमके अभिवादन पठाई हँए|
24
हमर प्रभु येशू ख्रीष्टको अनुग्रह तुम सबएसँग रहबए।
25
अब बाके, जौन तुमके मिर सुसमाचार और येशू ख्रीष्टके बारेमे सन्देशअनुसार जो गजब अग्गुसे लुकाओ भौ रहस्यको प्रकाश बमोजिम, जो तुमके खडा करन सक्षम हए ,
26
पर अब अनन्तको परमेश्वरको आज्ञा अनुसार अगमवक्तक लिखाईसे प्रकट करि और जनाई हए, जाहेकारनसे कि सबय जातिके विश्वास करएँ और आज्ञापालन करएँ-
27
एक मात्रा बुध्दिमान परमेश्वरके येशू ख्रीष्टसे सदासर्वदा महिमा होबए| (अमेन)|