अध्याय २
1
बे दिनमे कैसर अगस्टस बिनको सबै साम्राज्य मे जनगणना लेन हुकम जारी करी।
2
कुरेनियस सिरियाको हाकिम होनसमय जा पहिलो पटकको जनगणना रहए।
3
सबए जनी नाउँ दर्ता करन अपनो-अपनो सहेरमे गए।
4
योसेफ फिर गालीलको नासरतसे यहूदियाको बेथलेहम कहनबारो दाऊदको सहरमे गए, कहेकी बे दाऊदके कुटुम्ब और वंशके रहए।
5
नाउँ दर्ता करन बा अपनसँग मगनी भई मरियमके लैके गव र मरियम गर्भवती रहए।
6
बे बाहुनैए रहँए, मरियमके बालक जन्मान बेर भव।
7
बा आपनो जेठो लौड़ा जन्माई और बाके लत्तासे लपेटके डोणमे धरदैई, कहेकी बिनके ताहिँ घरमे ठाउँ नारहए।
8
बाहे इलाकामे गंयारो रहए, बे चउरमे बैठे रातके आपन बगालकी लख्बारी करतरहए।
9
प्रभुक एक जनी स्वर्गदूत बिनकेठीन देखा पड़ो, और प्रभुक तेज बिनके असपस चम्को, तव बे बेढम डराएगए।
10
तव स्वर्गदूत बिनसे कही, “मतडराबओ, कहेकी देखौ, आज मैए तुमे बड़ो आनन्दक सुसमाचार सुनामङ्गो, जो सबए आदमीक ताहिँ होबैगो।
11
आज दाऊदके सहेरमे तुमके ताहिँ एक जनी मुक्तिदाताको जन्म भवहए,जो ख्रीष्ट प्रभु हए।
12
तुमके चिहीना जा होबैगै: तुम एक बालकके लत्तासे लपेटो भौ और डोंणमे लेटोभौ पाबैगे।”
13
तव इकदम बे स्वर्गदूतसँग स्वर्गीके सेनको एक दल देखाने|बे अइसो काहत परमेश्वरको स्तुति करत रहए, ।
14
"सर्वोच्चमे परमेश्वरकी महिमा, और पृथ्वीमे जैन आदमीसँग बा खुशी हए, बिनके शान्ति।"
15
जब स्वर्गदूत बिनसे बिदा हुइके स्वर्गमे गए, तव गंयारो आपसमे कही, “आओ, हम बेथलेहेमतक जाए, और हुँआ घटोभव जा घटना और परमप्रभु हमके बताईभैइ बात जाएके देखैँ।”
16
बे एकदमसे गए, और मरियम और योसेफ दोनैके, और बालकके डोंणामे सोतभौपाई।
17
जब बे जा देखि, तव जा बालकके बारेमे जे बात बिनसे कहीं रहए बे बिनके बताएदैंइ।
18
गयारोसे बताईभइ बात सुनन् बारे सब अचम्मो मानी।
19
पर मरियम जे सब बात समखत्ए मनमे धरी।
20
जैइसी बिनसे कहीं रहए उइसीए सबए बात सुनी और देखि रहए, परमेश्वरकी महिमा और स्तुति करतए गयारो लैटे।
21
आठौँ दिनमे बालकको खतना होत बाको नाउँ येशू धरी, जौन नाउँ गर्भमे आनसे अग्गु स्वर्गदूत दैइरहए।
22
मोशाक् व्यवस्था जैसो बिनके शुध्द होनको समय पूरो होतए बे बाके परमप्रभुके अग्गु सौपन यरूशलेममे लाइ।
23
जैसो प्ररमप्रभुके व्यवस्थमे लिखोहए, “पहिलो जनमनबारो हरेक जेठो परमप्रभुक् ताहिँ पवित्र कहेलाबैगो।”
24
तव एक जोड़ा ढुकुर(धौंरीया) की कबुतरके दुई बाच्चाकहीके परमप्रभुके व्यवस्थामे कही जैइसो बे बलिदान चढ़ान आए।
25
यरूशलेममे सिमियोन नाउँ भौ एकआदमी रहए । बा इस्राएलको सान्त्वनाके आशा करनबालो धर्मी और भक्तजन रहए। और पवित्र आत्मा बाके उपर रहए।
26
परमप्रभुक ख्रीष्टके नादेखेन तक् बा नामरैगो कहो प्रकाश बा पवित्र आत्मासे पाईरहए।
27
एक दिन बा पवित्र आत्माके प्रेरणामे मन्दिरभितर आव। जब आइया- दौवा बालक येशूके बाके ताहिँ व्यवस्थाक् जैसो विधि करन ताहिँ मन्दिरभितर लांई।
28
तव बा बाके अपन गोदीम् लैइ, और परमेश्वरके धन्यवाद दैइके कही,
29
"अब हे परमप्रभु, अपनो वचनके जैसो तुम अपनो दासके शान्तिसे बिदा देबाओ।
30
कहेकी मीर आँखी तुम्हरो उध्दार देखिहए|
31
जो तुम सबै आदमीके अग्गु तयार करेहौ।
32
तुमर जन इस्राएलीक और अन्यजातिके ताहि प्रकाश देन बारि ज्योति हए ।"
33
औ बाके दौवा और आइया बाके बारेमे बोलीभइ बातमे अचम्मो मानी।
34
सिमियोन बिनके आशीर्वाद दैइ, और बाकी अइया मरियमसे कही, “देख, जा बालक इस्राएलमे बेढ़मके पतन और उत्थानके ताहिँ और बहुतनसे विरोधमे बोलन ताहिँ एक चिन्हके ताहिँ नियुक्त करिहए।
35
ताकी बहुत हृदयके विचार प्रकट होमए, ताकी तरवारसे बिनको अपनो हृदय फिर छिदैगो।”
36
आशेरके कुलमे फनुएलकी लौणीय हन्ना नाउँकी एक वृध्दा अगमवादिनी रहए ।, जो कुमारी अवस्थामे विहा करके सातै वर्ष तक् लोगासँग बैठी रहए।
37
औ विधुवा रहिके बाको चौरासी वर्ष पुगोरहए। बा मन्दिर नाछोड़त् रहए, पर उपवास और प्रार्थनाकेसँग रातदिन उपासना करतरहए।
38
बाहे समय बा आएके परमेश्वरके धन्यवाद दैई ।, और यरूशलेमको उध्दारको प्रतीक्षा करन बारे सबैके बालकके विषयमे बताई ।
39
जब बे परमप्रभु व्यवस्थाके जैसो सबै काम करके निभटाई, तव बा गालीलको अपनो सहेर नासरतमे घुमगए।
40
बालक बुध्दिसे भरिपूर्ण हुईके बढ़तए और तागत् वर होथएगव, और परमेश्वरको अनुग्रह बाकेउपर रहए।
41
बाकी अईया-दौवा निस्तार-चाडमे हरेकवर्षमे यरूशलेममे जातरहए।
42
जब येशू बाह्र वर्षको भौ, तव बे तिउहारको रीतिरीबाज जैसे यरूशलेममे गए।
43
तिउहारको दिन निभटतए पीछु बे लौटत बालक येशू यरूशलेम मे रहीगौ जा बात बाके अईया-दौवा पता नापाई।
44
बा यात्रीनके दलमे हए कहिके बे एक दिनकी डगर गए । बाके बे नातेदार और चिनजानके बिचमे ढुणी।
45
पर नापाएके बे बाके ढुणन फिरके यरूशलेममे लौटे।
46
तीन दिनपच्छु बे बाके मन्दिरमे शिक्षकनके बीचमे बैठके बिनकी बात सुनत बिनसे प्रश्न करत पाई।
47
सुनन् बारे सबै बाकी समझशक्तिमे और बाके उत्तरमे अचम्मो पणतरहए।
48
बाके देखके बाकी अईया-दौवा चकित भए। और बाकी अईया कही, “लौड़ा, तए हमके जा का करो? देख !तीर दौवा और मए तोके ढुणाके हैरन हुईगाए|”
49
बा बिनसे कही, “तुम मोके कहे ढुणतहौ? का मए अपन पिताके घरमे हौ कहिके तुमके पात ना रहए?”
50
पर बा बिनसे कहीभई बात बे ना सम्झी।
51
तव बा बिनकेसँग नासरतमे गईभौ, और बिनको आज्ञाकारी हुइके बैठो । बाकी अईया जे सब बात अपने मनमे धरलैई ।
52
तव येशू बुध्दिमे, कदममे और परमेश्वर और आदमीके अनुग्रहमे बढ्ताएगव ।