अध्याय २
1
मिर भैया रेओ, प्रभु येशू ख्रीष्ट, महिमाको प्रभु उपर तुम विश्वास करत् हौ तुम कोइ उँचनिच मत दिखओ ।
2
अगर कोइ आदमी सोनोक उगठी और अच्छो-अच्छो कपणा लगएके तुमरे सभामे आओ, और कोइ एक जनै गरीब फिर फटोफटओ कपणा लगाएके आओ तव,
3
"तुम बो अच्छो कपणा लगान बारेके आदर करके, “हियाँ अच्छो ठाउँमे बैठओ" कहात हौ, और बो गरीबके चाहिँ "हुवाँए ठाढो रहौ"चहुँ "मिर पाउठिन वैठ" कहातहौ तव, "
4
का तुम अपनि बीचमे उँचनिच नादिखए और खराब विचार भए नेव करन बारे नाभएका?
5
? मिर प्रिय, सुनओ, का परमेश्वार संसारके गारीबनके विश्वासमे धनी बनाएके बा राज्यके उत्तरधिकार होनके चुनिका नायाँ? बहे राज्य बोके प्रेम करन बारेनके बो देनके प्रतिज्ञा करीका नायँ?
6
पर तुम ता गरीब आदमीनके अपमान करेहौ । का धनी तुमके अत्याचार नकरत् हय? का बे तुमके अदालतमे लैजत नैयाँ?
7
का बे बहे आदरणीय नाउँको अपबाद करत् नैयाँ का, जौन नाउँसे तुम बोलावट पाए हौ?
8
"अगर अपन पणोसीके अपनए कता प्रेम करओ" करके पवित्र-धर्मशास्त्रको राजकीय व्यवस्थाके नेहत्व पुरा कर्त हौ तव असलए करत् हौ ।"
9
अगर तुम भेदभाव दिखत हौ तव तुम पाप करत् हौ, और व्यवस्थासे अपराधी ठैहेर्त हौ ।
10
। काहेकी जौन पुरो व्यवस्था पालन करत् हए पर एक बातमे चुक्त हए तव, व्यवस्थाके सब बातमे दोषी ठैहेर्त् हए ।
11
"काहेकी जौन "व्यभिचार मत करए" कहिहए, बा "हत्या मत करओ" फिर कहि । और अगर तुम व्यभिचार नाए करेहौ पर हत्या करेहौ तव, तुम व्यवस्थाके अपराधी हुइहौ । "
12
जहेमारे तुमर बोली और व्यवहार स्वतन्त्रताको व्यवस्था बमोजिम न्याय पानबारे जैसे होबओ ।
13
काहेकी जौन आदमी कृपा करी नैयाँ, बाको न्याय कृपाविना हुइहए । कृपा न्याय उपर बिजय होत हए ।
14
"मिर भैया तुम, अगर कोइ आदमी "मेरे ठिन विश्वास हए" कए हए, पर काम नाए करेहए तव, जासे का फाइदा? का बाको विश्वास बाके बचाए पए हए? "
15
अगर कोइ भैया या बाहिनिया फटे-फटाए कुर्ता लगाए हए, और बोके दिनको खानुको कमि हए,
16
"और तुमर मैसे कोइ बोसे,शान्तिसे जाव, भरक्के बैठीए, पेट भरके खाओ" इकल्लो कएहौ, पर "
17
अइसी विश्वास फिर काममे प्रघट हुइहए नाए तव बो विश्वास मरो हए ।
18
पर कोइ कए हए, “तुमर संग विश्वास हए, मिर त काम हए ।” काम बिनाको तुम्रो विश्वास मोके दिखओ, और मए करो कामसे मए अपन विश्वास तुमके दिखए हौ
19
तुम विश्वास करत् हौ कि परमेश्वार एकए हए | बो अच्छो हए । भूतात्मा फिर विश्वास करत् हए और थरथर कामत् हँए ।
20
मुरख तुमर, कामविनाको विश्वास व्यर्थ हए करके बातको प्रमाण चाँहत हौ?
21
जब हमर पुर्खा अब्राहम अपन लौणा इसाहकके वेदीमे अर्पण करीं, तव बे कामसे धर्मी नाएठहिरे का?
22
तुम देख्त हौ, कि बिनको कामके संगसंग विश्वास पक्को रहए, और कामसे नाए विश्वास पुरो भव रहए ।
23
"पवित्रधर्मशास्त्रको अइसो कहान बारो वचन पुराे भव, “अब्रहाम परमेश्वारमे विश्वास करी, और जा उनके ताहिँ धार्मिकता गिनो" और बो परमेश्वारको संगी कहलानो । "
24
तुम देख्त हौ कि कामसे आदमी धर्मी ठाहिर्तहए विश्वाससे इकल्लो नाए ।
25
उइसी करके राहाब ब्याभिचारिणी फिर, जब बे गुप्तचरनके सत्कार करके दुस्री डगरपठाए दै, तव कामसे बाे धर्मी ठ्हिरी नैयाँ का ?
26
जैसी शरीर आत्मासे अलग होतए मरी होतहए, उइसी करके विश्वास फिर कामसे अलग होत मराे होतहए ।