अध्याय १०
1
कैसरियामे कर्नेलियस नाउँको एक आदमी रहए, जो इटालिया कहन बारो पल्टनको एक कप्तान रहए ।
2
बा ईश्वरभक्त रहए,और बा, बिनको सब परिवार परमेश्वारको भय मान्तरहएँ । बा आदमीनके खुशीकेसाथ दान दैके परमेश्वारसे सबदिन प्रार्थना करत् रहए ।
3
बा दुपाह्रके तीन बजे घेन दर्शनमे सफा रुपसे परमेश्वारको एक स्वर्गदुत अपने घेन आत अइसो कहात सुनी, “कर्नेलियस !”
4
झसक्के बा उनके निहारके देखि और कहि, प्रभु कहौ ।” और बा बिनसे कहि, “तुमरो प्रार्थना और गरीबके दओ दान सम्झनाके रुपमे परमेश्वारको अग्गु पुगो हए ।
5
अब आदमीनके योप्पामे पठओ, और पत्रुस कहान बारो सिमोनके बुलान पठओ ।
6
बा चर्मकार सिमोनके ठिन बैठो हए, जौनको घर समुन्द्र किंनरे हए ।
7
जब बासे मसकन बारो स्वर्गदुत बिदा भव, तव अपन कामैया मैसे दुइ जनैके और लगातर बिनको सेवा-टहल करन बारो एक भक्त सिपैयाके बुलाई,
8
और बिनके सब बात बताएके योप्पामे पठाइँ
9
कल बे अपन यात्रामे सहेरके जौने आएपुगत्, दुपहरको बाह्र बजेघेन पत्रुस त प्रार्थना करन घरको पणमे चढो ।
10
बा भुखानो, और कुछ खानके मन करी, पर औरदुस्रे खानु तयार करत् बेरा बा ध्यानमे-मग्न हुइगव ।
11
बा स्वर्ग खुलो और हुवाँसे चारौ कोनेमे बधो तन्ना जैसो पृथ्बीघेन झर्त देखी ।
12
तव बा तन्नामे पृथ्बीके सब किसिमके चारटाँगके जनावर और घिस्टनबारे प्राणी और आकाशके चिरैचुरुंगी रहएँ ।
13
तव बा एक आवाज सुनी, “ए पत्रुस उठ, और मारके खा ।”
14
तव पत्रुस कहि, “नाए प्रभु, काहेकी मए कबही कछु अपबित्र औ अशुद चीज ना खओ हौँ ।”
15
बा आवाज फिर दुस्रो चोटी सुनी, “परमेश्वर जो शुध्द करीहए बाके तुम अपवित्र काहे मन्त हौ ।
16
तीन चोटीतक अइसो भव, और तुरन्त बा तन्ना स्वर्गघेन लैगओ ।
17
जब पत्रुस अपनो देखो जा दर्शनको अर्थ क हुइहए कहिके मनएमन दुबिधामे पडोरहए, बहेबेरा कर्नेनियस पठए आदमी सिमोनको घर ढुडत् फाटक अग्गु ठडे,
18
और पत्रुस काहन बारो सिमोन हियाँ बैठो हए कि ?” कहिके जोडसे पुछीँ ।
19
जब पत्रुस दर्शनके बारेमे बिचार करत् रहए तव पवित्र आत्मा बासे कहि, “देख, तीन आदमी तुमके ढुड्त रहएँ ।
20
उठ, और तरे जा, और नाहिचकिचाएके बिनके संग जा, काहेकी बिनके मए पठओ हौ
21
तव पत्रुस उत्रो, और आदमीनके ठिन जाएके कहि, “देखौ, तुम जौनके ढुडत् हौ बा आदमी महि हौ । तुमके हियाँ आनको करन का हए?”
22
बे कहिँ, “एक जनै कप्तान कर्नेलियस, जो सुधो और परमेश्वरसे डरानबारो और सबय यहूदी जातिसे सम्मान पाओ एक आदमी हए, तुमके बा घरमे बुलाई हए और तुम बाके सन्देश सुनओ कहिके एक पवित्र स्वर्गदुतसे बाके आदेश मिलोहए ।
23
तव बा बिनके भितर बुलाएके बिनको सत्कार करी | कल पत्रुस उठके बिनकेसंग गव, और योप्पाके कुछ भैया बिनके संगमे रहएँ ।
24
दुर्सौ दिन बे कैसरिया पुगे । अपने कुटुम्ब और जौनेके नातेदारनके बुलाएके जम्मा करी कर्नेलियस बिनको डगर देख्त रहए ।
25
जब पत्रुस भितर आओ तव कर्नेलियस बासे भेट करी और बाके पाउमे दण्डवत करीँ ।
26
तव पत्रुस उनके अइसे कहत उठाई, “उठओ, मए अपनए फिर त आदमी हौ ।”
27
।” तव बिनके संग बात करत् घर भितर गए, और हुवाँ बहुत आदमी जम्मा भव पाइँ ।
28
तव पत्रुस बिनसे कहि, “और जातिसे संगत करनो अथवा बिनसे भेटघाट करनो एक यहूदीके ताहिँ कितो सही ना हए कहिके बात तुमके पतए हए, ताहु फिर परमेश्वार मोके कोइ आदमीसे अपवित्र औ अशुध्द मतमनिए कहिके दिखाई हए ।
29
जहेमारे बुलातए खिन्क कोइ आफत्त नामानके मए तुमर ठिन आओ | तुम मोके काहे बुलए? अब बताओ ।”
30
तव कर्नेलियस कहि, “चार दिनअग्गु लगभग: जहे समय घरमे मए तीन बजेको प्रार्थना करत् रहौ, तव चिललो कुर्ता पैधे एक आदमी मेरे ठिन ठाडरहो,
31
और कहि, 'कर्नेलियस, परमेश्वाके ठिन तुम्रो प्रार्थनाको सुनाइ भव हए, और तुम गरीबनके दओ दानको सम्झना भव हए ।
32
जहेमारे योप्पामे आदमी पठायके पत्रुस कहान बारो सिमोनके बुलान पठा । बो समुन्द्रके किनरे चर्मकार सिमोनके घरमे बैठो हए ।'
33
तव मए तुरन्तए तुमर ठिन आदमी पठओ। और तुम कृपा करके आए । अब प्रभुसे तुमके आज्ञा भए सबए बात सुनन हम सबए परमेश्वारके अग्गु हियाँ उपस्थित हएँ ।”
34
तव पत्रुस मस्कन लागो, “नेहत्तए मए देखत् हौ, कि परमेश्वर पक्षपात नाए करत् हए,
35
पर सब जातिमे जो बासे डरात हए, और अच्छो काम करत् हए, बे बाके ठिन ग्रहणयोग्य होतहएँ ।
36
परमेश्वार इस्राइलीनके पठाओ भव सन्देश,औ ख्रीष्टसे प्रचार करो शान्तिको सुसमाचार तुमके पता हए । (बहे सबको प्रभु हए ।)
37
यूहन्नाको करो प्रचारके पिच्छु, गालीलसे सुरु भव सबए यहुदिया भर प्रचार करो भव वचन जहे हए,
38
कि परमेश्वासर नासरतको येशू पवित्र आत्मा और शक्तिसे अभिषेक करी । बा सबके अच्छो काम करतए और भुतप्रेतनसे सताए भयनके अच्छो करत चलो, काहेकी परमेश्वार बाके संग रहए ।
39
। "और बा यहूदीयनके देशमे और यरुशलेममे करे भए सब बातकी हम साँचि हए । बाके बे कट्ठामे टलगाएके मारी रहएं । "
40
बहेके परमेश्वर तिसरे दिनमे जिन्दा करके उठाई, और बाके प्रकट कराई,
41
सब आदमीनके नाए, पर हमके परमेश्वास साँचिके रुपमे चुनि और बा मरके जिन्दा हुइके पिच्छु हम बाके संग खानपिन करे ।
42
बा हमके जनतामे प्रचार करन्, और बा जिन्दा और मरेनको न्यायकर्ता होनके ताहिँ परमेश्वारसे नियुक भव आदमी रहए करके गवाही देनके ताँहि आज्ञा दै हए ।
43
सबए अगमवक्ता बाकि गवाही दैं हएं, कि बाके उपर विश्वास करन् बारे प्रत्येक बाके नाउँसे पाप-क्षमा पाबैगो ।”
44
पत्रुस जे बात मसकतए मसकत वचन सुननबारे सबके उपर पवित्र आत्मा आइगव ।
45
अन्यजातिनके उपर फिर पवित्र आत्माको वरदान अखनो देखके पत्रुसके संगमे आनबारे यहूदी विश्वासी अचम्मो मानीं ।
46
। काहेकी अन्य भाषामे बोलके बे परमेश्वारको प्रशंसा करतभओ बे सुनी | तव पत्रुस कहि,
47
हमरकता पवित्र आत्मा पानबारे यिनके पानीको बप्तिस्मा होनसे कौन मनाही करपएहए?”
48
और बे कहिँ बिनके येशू ख्रीष्टके नाउँमे बप्तिस्मा देबाओ करके आज्ञा करीं । तव बे पत्रुसके कछु दिन हुनए रहाए कहिके बिन्ती करीँ ।