¹ सबसे पहिले मए आग्रह कर्तहौँ, कि सबए आदमीनके ताहिँ नम्र-निबेदन, प्रार्थना और मध्यस्थ- बिन्ती और धन्यबाद चढमए, ² राजा और सब उँचे पदमे भएनके ताहिँ फिर, ताकि हम निर्धक्क और शान्तिपूर्ण हुइके हरप्रकारसे धार्मिक और आदरणीय जीवन बितान सकाएँ । ³ जा हमर मुक्तिदाता परमेश्वरको दृष्टिमे जा असल और ग्रहण योग्य हए । ⁴ बा सब आदमी मुक्ति पामएँ और बे सत्यके ज्ञानमे आमएँ कहिके इच्छा कर्तहए । ⁵ काहेकी परमेश्वर एकए हए, परमेश्वर और आदमीनके बीचमे मध्यस्थ फिर एकए हए-आदमी ख्रीष्ट येशू । ⁶ बा सबके छुटकाराको मोलके ताहिँ अपनेके दैदै ।, जो ठीक समयमे दैरहए । ⁷ जाहे खातिर मए प्रचारक और प्रेरित नियुक्त भौ ।, मए सच मस्कत हौँ; मए ना ठगत हौँ । मए विश्‍वास और सत्यतामे औरेजातनको शिक्षक हौँ । ⁸ जहेमारे सब ठाउँमे लोगनके पवित्र हात उठाएके बिनाक्रोध और बिनाविवाद प्रार्थना कराओ कहिके मए चाहत हौँ । ⁹ अइसी करके मए चाहतहौँ, कि स्त्री सरलता और भद्रतासाथ सुहानबारो कपडा पैधएँ, बारको जद्धा सिंगार करके, सोनो, मोती और बहुमुल्य कपडा पैंधके नाएँ, ¹⁰ पर असल कामसे सुसज्जित होमए, जो परमेश्वरके भक्ति कर्नबारी बैयरनके सुहातहए । ¹¹ एक बैयर सबए बात चुपचाप बैठके सिखएँ । ¹² पर बैयर लोगनके सिखानके और लोगनके उपर अधिकार जमान काममे मए अनुमति ना देतहौँ, पर बे चुपचप रह्मएँ । ¹³ काहेकी आदम पहिले सृष्टि भौ रहए तवपिछु हव्वा । ¹⁴ आदम ना छ्लो , पर बैयर त छलके अपराधमे फसी रहए । ¹⁵ ताहुफिर अगर बे सुशिलतासाथ विश्वास, प्रेम और पवित्रतामे रहीरएहँए तव, बालक जन्मनपेति बे बचहँए ।