1
का मए स्वतन्त्र ना हौँ ? का मए प्रेरित ना हौं ? का मए येशू, हमर प्रभूकेना देखो ना हौं ? का तुम परमप्रभुमे मिर हाँतके सिप ना हौ ?
2
मए और के ताँहिँ प्रेरित ना होएसे फिर कम-से-कम तुमर ताँही ता हौ, काहेकि प्रभुमे मिर प्रेरितको कामको छाप तुमही हौ ।
3
मिर विरुध्दमे मस्कनबारेनके मिर् जहे जबाफ हैः
4
का हमके खानपिनके अधिकार ना हए ?
5
का और प्रेरितहानी, प्रभुके भैया और केफासके जैसो हमके विश्वासी बैयर लैके नेगन अधिकार का ना हए ?
6
अथवा का बारनबास और मोके इकल्लो काम करन पड्त हए ?
7
अपन खर्चमे कौन पुलिसको काम करैगो? दाखबारी लगाएके कौन बाको फल ना खएहए ? अथवा भेडा बकरिया पालके कौन बाको दूध ना पीहए ?
8
का आदमीको दृष्टिकोणसे इकल्लो मए जा कहत हौ ?अथवा का व्यवस्था फिर जहे बात ना कएहए ?
9
मोशाकी व्यवस्थामे एैसो लिखो हए , "दाँहँ करत ब्राधके मोखरी मतलगओ का परमेश्वर गौसए ब्राधको मात्र वास्ता करत हए ?"
10
का बा हमर ताँहिँ जा ना कही हए ? हमर ताँहिं जा लिखो हए । काहिके जोतन बारो और पैरी गाँहनबारो अन्नको थोरी हिस्सा पान आशामे जोतत् और गाँहत हए ।
11
अगर हम तुमर बिचमे आत्मीक बिउ बोएहंएँ कहेसे, और तुमर भौतिक सम्पत्तिको कटानी करेहँए कहेसे, का बो जद्धा हुहए र ?
12
अगर और आदमी तुमर उपर एकलौटो हकको दाबी करैगो कहेसे का हमर और जद्धा हक ना हए ? तहुफिर हम त जा हकको प्रयोग ना करे हएँ । पर ख्रीष्टको सुसमाचारमे बाधा मत करौ बरु हम सब बात सही लेमंगे ।
13
का तुमके पता ना हए, कि मन्दिरमे सेवा करन बाले मन्दिरसे खात हएँ, और वेदीके सेवा करन बाले वेदीमे चढाओभौ चिजको हिस्सा पात हैँ कहिके तुमके पाता ना हए ?
14
अइसी सुसमाचार प्रचार करन बाले सुसमाचारसे जीवन चलएँ कहिके प्रभु आज्ञा दै हए ।
15
पर जे हकमैसे मए कछु प्रयोग ना करोहौँ, और मिर ताँहीं अइसी प्रबन्ध होए कहिके मए जे बात ना लिखो । काहेकी मिर गर्व करन बातसे कोई मोके दुर करनसे बरु मोके मारन अच्छो हए ।
16
काहेकी मए सुसमाचार प्रचार करो कहेसे बो मे मोके घमण्ड करन कोई कारण ना हए । काहेकि अइसो करन मए मजबुर हौ । अगर सुसमाचार प्रचार ना करो कहेसे मोके धिक्कार हए ।
17
काहेकी अपन इच्छासे मए जा काम करतहओ कहेसे मोके इनाम है, पर मए अपन इच्छासे जा ना करो हौ कहेसे फिर मोके एक भण्डारेको जिम्मा सौपदै है ।
18
तव मिर इनाम का हए? केवल ईतका हए, कि सेतएमेत सुसमाचार प्रचार करन पामौं, और सुसमाचार प्रचार करन पान पूरा हकको दाबी मोके ना करन पाड्ए ।
19
काहेकी मए आदमीनसे स्वतन्त्र हौ तौ फिरऔर जाद्धके जितन पामौं कहिके मए अपनएके सबैको दास बनओ ।
20
यहूदीके जितओ कहिके यहूदीके ताँहीं मए यहूदी जैसो बनो । व्यवस्थाके अधिनमे रहनबारेसेजितओ कहीके मए अपनै व्यवस्थाके अधिनमे ना भौ तहुफिर व्यवस्थाकी अधिनमे रहो जैसो करो ।
21
व्यवस्थाके बाहिर होन बारेनके जित पामौं कहिके मए अपनै परमेश्वरको व्यवस्थासे बाहिर ना हूइके पर ख्रीष्टको व्यवस्थाको अधिनमे रहिके व्यवस्थासे बाहिर होन बारे कता बनो । व्यवस्थासे बाहिर बालेनके जित पामौ कहिके मए एैसो करो ।
22
कमजोरके जितौ कहिके कमजोरके ताँहिं मए कमजोर बनो । सबै प्रकारको उपायसे कोई न कोईके मए बचा सकओ कहिके सबके ताँहिं मए सब चिज बनो ।
23
सुसमाचारको आशिषको सहभागी हुइ पामौ कहिके सुसमाचारके ताँहिं मए जा सब चिज करत हौ ।
24
का तुमके पता ना हए दौड्मे दौरन बारो सब दौरत है: पर इनाम त एकइ इकल्लो पए हए? तुम इनाम पान हानी दौरौ ।
25
खेलमे भाग लेन बारो खिलाडी सबमे अनुसासित होन पड्त हए । बे नष्ट हुइके जान बारो मुकुट पान ताँहिँ अइसो करत हए, पर हम त अविनाशी मुकुट पान ताँहिँ अइसो कर हँए ।
26
तबहीमारे लक्ष्य बिना मए ना दौरंगो । हावामे मुक्का मारन जैसो मए ना मारत हौँ ।
27
पर मए अपन शरिरके कठोरतासंग रखात हौं, और जाके वशमे करत हौ, नत मए औरके प्रचार करके मए अपनए अयोग्य ठहरंगो ।