आध्याय १६
1
अब सन्तके ताँहिं भेटीके बारेमे गलातियाक मण्डलीनके मए दओ आदेश अनुसार तुम करीओ:
2
हर हप्ताको पहिलो दिन तुम सबए अपन- अपन कमाइ अनुसार कुछु धन छुट्याएके जम्मा करत रहीओ, ताकि मए आमौ तौ भेटी उठान ना पड्ए ।
3
और मए आएके पिच्छु तुम चहे मए आदमीनके परिचाय पत्र दैके तुमके भेटी लेन यरुशलेम पढओ हौ ।
4
पर मए फिर जानके ठीक देखेहौ तव बिनकेसंग जएहौ ।
5
माकेडोनियाको यात्रा करके पिच्छु तुमरसंग भेटघट करनके आएहौ, काहेकी मए माकेड़ोनिया हुइके जाए रहो हौ ।
6
शायद मए तुमरे ठीन कुछ दिन बैठंगो, अथवा हिउँद फिर बितामंगो । तौ पिच्छु मए जहाँ जाओ ताहु फिर तुम मेरो यात्राको बन्दोबस्त मिलाए दियो ।
7
जा पाली तुमरे संग एक चोटिको यात्रा भेटघाट ना करके, प्रभुको इच्छा हुइहए तौ कुछ समय बितानके आशरा करेहौ ।
8
पर पेन्तिकोसको तेवहार तक मए एफिससमे बैठंगो ।
9
काहेकी मिर ताँही एक बणो फाटक खुलो हए ,पर विरोध करनबारे फिर बहुत हँए ।
10
तिमोथी तुमरेठीन आन बिनके तुमरसंग बिना चिन्तासे बैठन देओ काहेकी बो फिर मेरो जैसो प्रभुको काम करत हए ।
11
जहेमारे कोइ बाके मत हेला करीओ । पर शन्तिसंग बिनको अपन यात्रामे पठाए दिओ, और बाके मिर ठीन आनके सकए | काहेकी भैयनसंग आत हुइहए कहिके मए बिनको प्रतिक्षा करत हौ ।
12
अब भैया अपोल्लोसके बारेमे मए जा कहत हौ, कि मए बिनके और भैयानकेसंग मिलके तुमरसंग भेटघाट करन बहुत बिन्ती करो, पर हबए आनके बिनके बिलकुल इच्छा ना भौ पर मौका मिलैगो तौ बे तुमरठिन अमंगे ।
13
तयार रहओ, विश्वासमे पक्के बने रहओ साहसी और सामर्थी बनओ ।
14
तुम जो करत हौ बे सब प्रेममे करीओ ।
15
स्तिफनासको घरानाके अखैयाके पहिले विश्वासी हँए । बे विश्वासीनको सेवामे अपनएके अर्पण करीहँए । भाईया रेओ ,मए तुमके जा कहत हौ की
16
अइसी परिश्रम करनबारेनके सबए सहकर्मीको अधिनमे रहबौ ।
17
स्तिफनास, फोर्टनाटस और अखाइकसको आगमनमे मए आनन्दित भौ हौँ , काहेकी बे तुमर अनुपस्थिति पूरा करदैँ ।
18
काहेकी बे मेरो और तुमरे आत्माके फिर उत्साहित बनाई अइसो आदमीको आदर करओ ।
19
एशियाके मण्डली तुमके अभिवादन पठाई हँए । अकिलास और प्रिस्काके और बिनके घरमे भए मण्डली प्रभुमे तुमके हार्दिक अभिवादन पठाई हँए ।
20
सबय भैया तुमके अभिवादन पठाई हँए । एक दुसरेके पवित्र चुम्बनसे अभिवादन करीओ ।
21
मए पावल, अपनए हातसे जा पत्र लिखत हौ ।
22
अगर कोइ प्रभुके प्रेम ना करत हए तौ बा श्रपित होबए । हमर प्रभु आबओ!
23
प्रभु येशू ख्रीष्टको अनुग्रह तुमरसँग रहाबए ।
24
ख्रीष्ट येशूमे तुम सबके मिर प्रेम हए ।