1
I guyeni agu,ribin "inbashini adong unyon uyin mina, adama, keani sai yenya yita u mulki u kashiri uwana na uiko."
2
Atuk kutashi amaworo, Yesu nyi ma zya Bitrus zyi, na Yakubu na Yahaya ajaga yenin uzo kudong ku pana kuco, yeni a yitoyi Isakurg.
3
Makusu mayyi mawana na puk, kenni ba piyi dama suskanya ma guzu mani mawana kene auyangwu.
4
Iliya yenna Musa angha ma fantagh uyeni, asu berbene u Yesu.
5
Bitrus inyi magu pi magasan, "sawur ki napsa mudara matar, kudha kumu, kudha ku Musa, kudha ku Iliya."
6
(Imabiza ukusun idamagu, abara na yenya poton usahd nakham.)
7
Madong mawuri manyazhanha uzoshi a gusa yeni, potya nidong rimyigh niciri unyong mawuri mami aberu yeniagu Piyangwu a kono kanang kanna in pirya ma mani, potin kani.
8
Mina mina yenya mayitani pidong, A Yesu yiutayi.
9
Yeni ngha ma su tozzo awar uza kupana, Inyi ma nyaga yeni agu yenuzu ka barya ukusu na yenya yitan, Sai kadhar kan na kono ka piyher ka cokon awor ama kye.
10
Yeningha ma biskya abere ami anaci ayeni, aribi aciayeni a iyan Iyi macoko ma makye yo?
11
Yeningha ma ribiyi agu, Iyan ideni na mamalamai ma ataura mama gu Iliya idama cingha matumuo?
12
Innyi magu yenyagu, Iliya dama zonzo cingha tumu amma garga nya makusu. Iyen ideni a am nyakarya agu, kono kapier kadama tumu ama sheze kidere ki baktazyihar agabani kani?
13
Mman barini agu Iliya man tumu yeni angha ma yisha yi ukusun na yenya mani, Kenna ama man nyakara abaruyi.
14
Nayangha ma guru kaku deze ku almajirai ama zuga makonusura maya shillaci magbaki aya pikagara na anyakaran a Haura achubru.
15
A ama yita Yeshi aya shilla du ami a konusura potya kasas. Nakam, ama kpolluga nawau a kanuyi, aka sumazyayi.
16
Inyi ma ribi almajirai ayyi agu, pikagana piyan ni aishana yenio?
17
Pidong unyon makonusuramani shere agu, kumalam, kono kanang kanna nyenden bu kadeh kigbana kiaya jhas kazayo abere.
18
Kapa kamna kigbana kinki cokon kina kpapka kani har kajhas, mimmi baran almajirai amu agu yenya cidha yenya na suskanyani.
19
I shere yeni agu Ayashillaci a kapakanka, a zashiani ubangaskiya, ndama suskanya mazomo nayin a shigruga? Yendinmi kono kam
20
Yeni angha ma yende yi kono kami. Na uruhu mi uma yita Yeshi unuta kpalli kani ne itirgiza kono kami kajigi apuru ma myitirini, kukpoko kusu cizza kani aka no.
21
Yesu inyi maribi piwaban ukono kam, uyanku na kigbana kinki kima zuga nio? Piwaban ukono kami igu tun ka doto nacun.
22
Kinki na peksha kani unyong manimashir na ura, abara magu kinki wun kani. Inna pidama suskanya ma dene kadama pi potya, kidere kiwur a mukidii.
23
Yesu igu yi agu, ''Inna indama suskanya'? Ai ko iya idama iya mawana kapiyi dumun.''
24
Piwaban ukono kami ita zapka nimygh agu, ''indumun! Azobtomi maza dumya
25
Yesu inyi ma yita makonusura mam masu disha kumina mawana uyi, ita nyanga aya jhas ami shir agu ''pu, kadangrha ka piya Jhes in umurcenbu, cira bumi ukono kanka azupa gurmi a rinygha kani.
26
Piyajhas umi inyi ma zapkha nimyigh acira yimi abiskya kono kami. ''Kono kami kata wanne kakini.'' Kudezhe ku aya shillaci ami agu, ai kono kami ka kini.
27
Yesu i puru kacara ka kani, a cokonya kani kono kami ka coko a nyhazhanha.
28
Na Yesu ima rinyu gira, almajirai ayyi a ribi yi ayu tayeni agu, ''Iyan ideni kinkii suskanandi macidda piyajhas umyio?''
29
I gu yenya gu, ''Ai idug i unwu ina cira yi sai na kagiisa.''
30
Yenyagha ma gata u Galili, ina maniyi magu pidong i yogoti kati kanna yenya yi.
31
Na imasu basha almajirai ayyi, agu yenya gu kadhar kama kadama wana na kanna adama zya kono kapiyher ado a i charya ya shillaci, yeni awuna kani, inna a wuni kani, atug atar aworo kanka coko.
32
Yenya na yogotya ni, apog usahd uma ribi.
33
Na yenya ma ka tumu u kafarnahum. A kadhar kanna Ima yi unyong ugira. Anyi ma ribi almajirai ayyi agu, ''iyan nayini berbene mi aujino?''
34
Yenyagha ma kiza ni bama barya abara magu yenya ya pikagara anaci ayeni piturakaba aujina, amagu wan I piri amagbakyo?
35
I zomo a yerkya almajirai ayyi pituru akaba, agu yeni agu ''piyi mani ma wana piyi zoni, Izu zyanici niyyi ne kadanghmana, a wana akobini pidere.''
36
Inyi ma zhapkha nukono a i cari yi adene kacaci ka yeni. A kperkya kani a kuper kuyi agu yeni agu. Piyi sheri nu kono nunnu ani zagi ninang minna sheri, kuma
37
piyi sheri pidong, mi nai sheri, azan migi naisheri uta ami. A na dug na piyami kuni mi.
38
Yahaya igu yi agu, ''kumalami kiyitan pidong i su cidaza ayajhas anizagi nimu kigu ki nyazyimi abara magu i zayi na wur.''
39
Yesu I gu yeni agu yikin yimi pidong idama suskanya yi madisha idug utumun wu ugbaki, a bashidi abere amakari ba.
40
Piyi yishayi i gaba na wur, a uwur.
41
Piyi dugi ni manimashir iso abara magu yin ayhar a almasihu, ribin nan bashi ni idama bizayi Iladi yi.
42
Piyi deni ayangha cun-cun aciri, manadugura magu a shishiyi kuwazyi auto aka pekyayi unyong uteku.
43
Inna kacara kamu kadama dene bu piciri, piceske kanimi. Abara magu mudama pira piyhar ma ceske rinya karari ka kashiri ade kabina kadhaa nagu piyar irinyi nai bini ba unyong ura.
44
Akaci ki cinzyi arini ayini ana kizyiani uraumi kuma ana wunani uraumi.
45
Nna kabina kamu kadama dene pide ni ibang, ceske kanimi, mudama piri na aguragu a villibu aka rari kura nai bini ba.
46
I cinzyi ina reyeni ini nakizyini uraumi, ana remiani.
47
Nna niyizyi nida denebu piciri, kharkhini anikya abara magu mupiri magu pirinyigh u mulki u kashiri na niyizhi nidagh, na mazhi bu apekya unyong ura na ayizhi aba.
48
Akati na i cingzyi ina kei ni, ura umi una rimtuni.
49
Abara magu aura na adama tsarkake kowani. Kenna ana sarkake kakusu riwana.
50
Riwana ni dugan, amma inna ni bizyi urentu unini udari inni na pidama dene ninni guru mi a renturgo? Dete urentumu ne rewana uzomo ulafiya na kwanai.''