1
Uidin keterawa na ubukiu gurasa uzau yist atakan atuk aba, mashugabanai mu firistoci na mamalamai ma taura agbenta kenna dama puru Yesui a kanasa mawuna yi,
2
agu "azan akatuk ku idi umi, kizo cokonya piciti a kacaci kayeni."
3
Yesu iyi ubentanya aimai Saminu kikpakti, ayama camsana kari, pidong uyini itumi adhe manug madugan manna asheshen a makobo magbaki, asokotya a nici ni Yesu.
4
Ayayi na Yesu nasugu na wanta yeni, ayanghayi agu, manug mamma a madheu sada,
5
yan idama gyaza ma zizi a tusa makobo mami kaya zani kadamana? Yan ideni mabhakata mamma?
6
Yesu igu yeni "Biskin yi, zu gyanin yi, nde idhe kumina kuma mukya ayaza kadamana aya caza,
7
yenayi nayin kokashe katuk, migi ndama zomomi naying ko kashe katuk.
8
Piyinunghu ideni utuma dugan macamsana nipum ninang manikshi.
9
Nibin, nbashini, kati na dama basha a bera Kashiri adama wuru nani na ukusunna piyununghu idenimi"
10
Nama poti kene, Yahuza Iskarioti, unyong a kunzun a Kashiri ima sumta akana ka ku firist kugbaki mado Yesui uyeni.
11
Na mafiristoci magbakazhi ma poton kene, nizhagha nipuru yeni, adene Yahuzi nikawali nimakobo, yi kuma ina cingya agben kenna idama do Yesu uyeni.
12
Katuk kazoni ku bukiu gurasauzau yis na uhadaya kugam ku idin keterewa, almajirai aguyi agu, "nkina kidama camsana kari kuidin keterewa?"
13
Ikunu ayaba unyong alamjirai ayi agu, "Ringyin ua unyong kudho, ida yita pidong uyer ide kijunu kimanimashir.
14
Katini ringyan zoboroyi, agu 'picugirumi malam iguran agu, "nmani katinan dama toro ayisu hidimu idin keterewa na almajirai anang?
15
Idama saganini kusugu kazangari na aman napsa, i camsana katege mikuri"
16
Na maringyi mayeni uyong kudho kumi, muwanzagana kenni baran yeni, akanani macamsana uidin keterewaumi.
17
Na morong mawani icoko na almajirai ami makana akati ku idumi.
18
Akapana zomzi au tebur umi aya kari ka manunaru, Yesui guyeni agu, "Nibin nan bashinin pidong na karye a kiceke kide idama zyami adho"
19
Ayena damu, aribiyi kudhangha anagu, "Nibin azan migi ko?"
20
Yesui guddu yeni agu, piyudhe unyong aya pitura kadhe, piyi yisha kacara kayyi mina unyong kicekekinki.
21
Kono kapiyer kadama worokani kenna unasi ubaran gamenayi, kidere kipiyi dama zyami adho. "Mudama piri agu anama wabaniyi"
22
Akapa kana yena masu rye manunaru mami, Yesu izya ugurasa adene libarka, apukara ado yeni anagu, Nipum ninang nninni"
23
Azya kiceke kimi, aguda Kshiri, adho yeni asheze unyong kiceke kimi.
24
Igu, "A mangyo manang nmamma malikawali na amam nikya don ayashillaci.
25
Nibin, ndama pa sumi mani minabingy sai katukna ndama so mapas unyong kigomo ki Kashiri.
26
Na ama shipsa kushiba ku yabo ka Kashiri ama worani akarari ku zaitun.
27
Yesu imagu yeni nadugu yeni inama cicgini ajigini ajigshi abaru mi, magumina amanyakara, "inda kpalla makiyayi, magam innamani madama soto;
28
Na macoko manan, inda kana kazono azonzyini makana uGalili.
29
Bitrus ima guyi, "Ba naduguyeni ajikshin faufau banna mi"
30
Yesu, imaguyi kenne muyi imbashibu mummu; inyong katuk kanka kafin magokori maku gono bari ba pidama disha pikagara pimayomi maritar"
31
Amma Bitrus imapagu " ko adama wunidi napu inda dishami pikagara pimayobu" Na duguyeni amadene likawari kene.
32
Amatumu a kadon kati nana yesar agu Getsamani, Yesui imagu almajirai ayi "agu zomin na inkana aka disha magisa makashiri."
33
Imazya Bitrus zyi, na yakubu na Yahaya. Ima cigahg Bitrus zyi, na Yakubu na Yahaya. Ima cigaha mapok kidere nakam kapuh na u damuwa.
34
Imaguyeni "rivataru ninam nishe-she kidere makana kamangarin kamakhe zomin na, a suksa na ma camsana"
35
Na Yesuima woroyi kazono nacin, ima jigi kajes ajikasa Kashiri asu kumagu idan mudama wanzagana mi" azyayi mummu mi uyi.
36
Imagu "Abba picu, ko iyan idama wanzaganami upuh, zyami kidere kinki mi, duk nakene azan kumina kunna amma kumu."
37
Na maworo mani mayi imaka zuga yeni ayammura, imagu Bitrus zyi, Siman ummura napiyimi? Ashe pidama suskanabu mazomo a camsanan ko katuk kadohg?
38
Zomin acamsanan, agisa Kashiri isu jigi inyong uJaraba. Uruhu uzyan, amma nipum nimi nide kuko.
39
Imapa ritiyi, aka gisa Kashiri, isu guszugunu a ukusu uzoni.
40
Makana ukyaru ima guru ima zuga yeni ayammura don ummura muma kura yeni ayizyi nakam, ama suskanani maguyi kadamana.
41
ima ritiyi mari tar imagu yeni "idoto yammura ayama vanzanzana? Mu wani kene kapa kadigi adugi kono kaka shiri kaya ibang.
42
Yitin cokin kiworidi, ga piyi nama zyizyimi ijara mawana ina pati."
43
Kafin igusa kano sai ga Yahuza itumi, piyu dahg unyong pituru akaba kanka na makonosura maya shillaci, ade matokobi na makula ke.
44
Ma pirito maghaka zyi na abasan attaura na mashugani ama kunuyeni.
45
Piyu mazyi zyi yi aman duru agu. Indama puru nipum niyi, to ayi kenan, ipuruyi a worinimi aka karkya. Na ima tumu, ima kana u Yesu "piyu mamakasa! "Ima puru nipun niyi.
46
Yeni ima puruyi, worinimi.
47
Piyu dahg unyong uyeni ima yazyi cidda kutokobi usugu pidere uku piris kugbaki, kuto.
48
Yesu imagu "iciri kamanu ayama pusu a dakara na ma takobi na kulake, sobona ipurmi?
49
Kapakanna immasu makashini a kudagh ku Kashiri, ko kashe katuk nayi, ipurimi. A dishan kemme abara magu a kurgani ukussuna u Nassi ubaran.
50
Aya mayi nayi ama gaba niyi Yesui ama worani.
51
Kadong kasambi sai kubazaran kukani kama zoboroyi ama puruyi.
52
Ima biskya yeni kubaran kumi asumayi kpaktari.
53
Ima woroani na Yesu kakupiris kugbaki. Kuri nama konosha madattawa na mapiri mgbakazyi na mashugabani na ayakara, ama kono sura uyi.
54
Bitrus ima zobori aciri madangan makana u firist. ima zomi apatyi uHaikali, asu baska
55
Magbhaku mu firistoci naya majalisa Yahudawa ama bhene kenna ushaida umina adama zuga u Yesu, sa azuga mawunyi. Ama zugani.
56
Aya bhaki amayisha u shaida u makari (Kabere) nano nayeni nama wana nani nadah
57
Adon amapa coko ayisha usaida umakari (kabere) anagu.
58
"Kima potya igu, idama yiki uhaikali naya shillaci amasuga ipa sug umanzg umanzu anatug atar, azan kusuga kwa ya shillaci."
59
Dug nakene ushaida uma wanuni udah.
60
Ku firist ku gbaki kuma coko aguyani, a ribi Yesu agu "panade adog abyere naya shillaci a kuma abaru pu?
61
Imakiyayi natigh bama berya kugbaku ku firist kumap rishiyi "Apu Allmasihu kono Kashiri?
62
Yesu imagu "ami idama yita kono ka Dauda kagomi a ka cara akare kapi kapi gomo, apo zomi kugyogogyogo"
63
Kubah ku firist ku mhana makusu makuni agu" Ushe ushaida nakidama byeneshi?
64
I poton abere na iku iyan niyatanshi? Ama yeskye abere ma wunayi.
65
Adon ama cia ma tuprayya yimatau ashishi ayizyi apayi anagu "Dene anapci" madogara masu payi.
66
Bitrus ima yi kati kam, pijinni uku bhaku ku firist a kama wani. Ita Bitrus usu baksa, ina zhinzhini nateng aguyi agu "pigima piyi na oiyanwu na banazaren umi na ana yasah agu Yesu.
67
Imma dene umusu agu " migi nyomi ukusu na pikuma"
68
Ima cira dene umusu agu "migi nyomi ukusu na pikuma" Ima cira a kudahg. Kugno kugokara.
69
Pijinni imayitayi agwumi aguyi kene ayami aya zhazhi akaci kam, "Piyangwu piyu udeh unyong uyeni"
70
Imma gurmi agu iyo, akapa nacum ayami ayazhazhi agu Bitrus "Pigi piyi unyong wayangah piyi apiyu Galili"
71
Ima cingh mashiri asu kuma agu "nyomi piyanwu nayin isheremi"
72
Ama gorani kugono kuta gokori muni bah, Bitrus ima minga abere a Yesu uyi agu kugomo kuma zama gokara mani bah, pidamagu piyompi kitar" Ima minga ishiba.