¹ Yesu imacigha magasa mayeni na misalai, Yesu u kashiri pidong ima kaba kakab ka inabi, adisha kani kipengu ima koko kadakarha ka baza inabimi, asuga kaci kuciga. Ado adong akabi ujinginu ka kab kami, awari a mayinzyi madangan. ² Kapa kama wana ikunu pidong udere agi ikasher idong inunaru inna kabi a kakab kam. ³ Akabi amapuri, akpabayi, azabti i carirog ⁴ Ipakum kumanzu dere, yima adishayi mako adeni an shishi. ⁵ Ipa kun umanzu, Yeni ama wuni. Kenna amayisha ayamanzu a dun, a kpaba adong adong kuma awunza yeni. ⁶ A takanyi kono kadah nide uren, kani kayi kono kanni mana. Ima betere akunu kani uyeni, asu kumagu ai adama Yita kicubru kikani.' ⁷ Amma akabi ami amagu aciyeni ai karaka akani ka dama reugado, wannin kiwuna kani ugado uwanu wur.' ⁸ Ama puru kani awuna kani avillya kani ukamru ki pengu. ⁹ Iyan na piyu ka kab kami idama dene? Inawuna akabi amira ado adog kakab kami ¹⁰ wato ikarantanni unassi umuru? Agu,katari kan na asugi akupan kani kapiri kokashe katari ¹¹ muramu amu wor kashiri, wurkiyitan muyi kene.'' ¹² Yeni ama gbene mapuri, ama yogotya ideni misali uyeni ama potu sahd waya shillaci. Abara kene, Yeni ata biski, aworo yeni. ¹³ Ama kunu na a dong Afarisawa ayu Heridiyawa, sa adeni kumeng na abere caza. ¹⁴ Ama tumu agu yeni agu, ''kumallam, piputu basha abere akashiri na kham, maza disha koiyan madhamadha uyong aya shillaci sai ma magasa mu utafarki wa shiri. Nawas. ''Shin, ki bi kagandu Ukaisar ba babu?'' ¹⁵ Yeshi ma yogotya kucok kuyeni, agu yeni agu iyan deni nayin iyisha mi ugnojio? Yendin ikorgo san Yita.'' ¹⁶ Ama yende yeshi udinari udah, igu yeni agu, ''Nyan muwan mmummu na urubutu wan nai dugi mishi? Yeni agu, Au kaisar'' ¹⁷ Yesu igu, dugin ukaisar, ukusu yi ukaisar, ado kashiri ukusu kashiri. yene dishi kasasa kayi. Na cab. ¹⁸ Ayusadaukiyawa awanuyi, aya na gu ba macoksono mama yaza, ama ribi Yeshi, ¹⁹ Kumallam Musa ima nyakara di agu, inna kobina akini abiskya piyini ba kono, a lallai kobina izyi piyinumi ai runga, awabazya kobini nono.' ²⁰ Ama de adong a kobini ayi kushere, uzoac iyishi runga ake ba nono? ²¹ Piyinumi aken nayi ba nono Na ukun ma kene. ²² Kene na duk kushere kumi, ba piyi ma biskya nono. A ka mangarin piyinumi imake. ²³ Amacoksono mama Yaza piyinumi idamawana uwanshi ikiku yeni? Duk kushere kumi kowan ima rungayi.'' ²⁴ Yesu igu, ''Azan udalili uru udeni yin ideni irapu, abara na yin iyoini manna yin iyoyini kiko washiri? ²⁵ Don macoko maya mani kizyi, ba irunga ba marungazyi, adama wanane malaiku uzo. ²⁶ Aukan waya man kizyi ara mancoksono, igu ashe ijima karanta a na takarda a Musa kenna kashiri kamaguyi? ²⁷ ''Minyi Kashiri ki Ibrahim, na Ishaku, a Yakubu? Ai yi azan Kashiri kama yaza, Kashiri kaya gassa. Mummu, ideni irapu.'' ²⁸ Kudong kumalami ku attaura kuwana ama potya yeni aya pikara au juna uyeni. Ima potya Yesu su duksha Yeni uansau dugan, piyami iribi Yeshei. ''Usheu umurni upiri augbaku naduk? ²⁹ Yeshi sheri agu, ''umurni upiri koushe, potin Israila, Kashiri kawur Ubagiji Udah. ³⁰ Pidama mani Ubangiji kasherikamu, kaugu kamau naduk na nivataru nimu na duk na kumina kumu naduk, duk na ushiru mu. ³¹ Uniba uku, mani piyizomi apatibu ne rici nimu, ba udon udoka upirinyi.'' ³² Kumalami ku attaura kugi agu,''mummu augaskiyu mu kumallam, kashiri aka dah ba pidong sai kani. ³³ Adamakaunace kashiri kadah, aka sugu kadah na nanivataru nimie, na kumina kumu, naushirumu, a kaunace makwabci mamu ne rici rimu, mu piri ihadayu in konawa naduk. ³⁴ Yesu ima yita Iberuyi nauhikima, iguyi agu, ''Bidangurgan bu na umulki washiri.'' Banda yi ba pidong imapa ribi kadamana. ³⁵ Yesu ma shere abere tunni masu basha ma magasa aku dagha kwashiri agu, "Adenini na ma malamai ma attaura mana gu Ubangiji agu kono ka Dauda? ³⁶ Dauda usuyi auruhuwur igu,'' Ubangiji umasu ubangiji unang zoma aka cara kanang kare, makatuma kapa nan dama dene aya za manibu akidere.''' ³⁷ Dauda arici riyi ima yarkyayi agu, Ubangiji; Adenini Almasihu adama wana kono ka Dauda? Kazom kanka kaya shillaci a gbaki apog ukusu na yimi, aki mongh. ³⁸ A mabashi mami Yesu imagu ''Yotin na aya mabashi ma attaura, aya na mani maning rana ma mariga magbakazyi, ana mani magu a sumazyi yeni au kasuwa, ³⁹ Ga mamani ma kazomi kadugan a kudagha kwashiri, na naci na kuyiga. ⁴⁰ Yeni aman gasa na rari na gugamin, ga mamani maduwa coh, saga aya shillaci ayita idug ya yanga adama zuga matya mashiri'' ⁴¹ Izomo kazono ka kudisan kubaiko uyong kudagha kwashiri, amen kene na aya shillci a dishi korgomi. ⁴² Ayade, adi korgo ana deni korgi gbakimi, pigugamin izaicara idene a nini abami unyong akwati Ubaiko. ⁴³ Iyarkya alimajirai ayi agu yeni agu, "mbashini ukusu na pigugamin uru deni mi upiri waya shillaci amira na duk. ⁴⁴ Yeni adaka nan unyong uade mayeni, yi unyong Uzau yi i dakanya ukusu ni de na duk."