¹ Yeni ama patana Urushalima, a pati Betafaji, na Betanya, a kupana ku zaitun, Yesu ima, kunu almajirai aba. ² Agu, " idan na ringan idama yita ki zenku ki shishin, kinna adoto ma tuga. Binin kini, a yendemi. ³ Inna pidon ikuni agu ' yi isha kene agyano?' I gya agu, ' Kashiri ka mani kini kadama guddu kini mina-mina'." ⁴ Yeni ama wuruni aka zuga kizenku kim ki shishin aka rung kanibera apati ujina, yeni abini kini. ⁵ Aya mi ama yyhazhi a katikami yeni agu yeni agu, "don iyan na yi binzhi kizenku kinki?". ⁶ Yeni abarya yeni ukusu na Yesu iko, yeni a jikya yene mi awurani. ⁷ Almajirai angy aba ama yendi kizenku kim, yeni anomosha mabazaran mayeni, yi tugan. ⁸ A ya dun ama nomosha mabazaran mayi aujina adon a nakahtah ava na yeni cezhi a mabe mami. ⁹ Ayangha yi ka zono kayi na ayangha na yami ayi kacini kayi ade igum asu kuma agu, "Hosanna! Albarka ni zomo a piyar idama wana arizagi ni Kashiri. ¹⁰ Albarka ni zomo ga kigomo kin kidama wana upicu wur Dauda! Hosanna unyong uzoh!" ¹¹ Daga kene Yesu irinya Urushalima, a rinya u haikalumi. A dukara koyi yan, na morong mamawana, yi cira a wori Betanya na limajirai pituru a kiba yeni. ¹² Ama ca cira, yeni a coko ubentanya, yi potyi igbom. ¹³ Na ma ita kaci kakudus kade ava adangan ikanam aka ita bakasumi. Yima tumu ukani ana itiyi kadangma sai ava, don azan kapa ka kisumu kima dus mami. ¹⁴ Igu kudus kumi agu "kada pidong igurmi arye madus mamu har abada" Almajirai ayi kuwa ama potya aberami ¹⁵ Yeni ama ka tumu urushalima, na marinyi mayi, yi zob na azizin na asheshezen, asuski itebur yaya kasusku ki kurgimi. Na itebur yaya mazizi na pukturu. ¹⁶ A nyaza kowani ama ziya makusu ma pizya unyong u haikali umi. ¹⁷ Ima basha yeni agu, Ashe zan unyakaran agu karari kanan a karari ka ma gisa ma Kashiri ka yashillaci na dukgu, amma yi guddun kani kughar kwayu pashi?" ¹⁸ Na ya cibru ama Firistoci na ya ma nyakaran attaura ama potya abere ayi yeni agbene ujina uma wunayi. Amma yeni ama potya usahk uyi abara ama gu ayashillaci apok umamaki uma bashi mayi. ¹⁹ Na morong mama wana yeni abiskya u birni. ²⁰ Na yeni ama su jara rikata, ayita kudus kumi kurogi har kighaghah. ²¹ Bitrus yi minygya agu, "Malam, ita! Kudus kumi na pimurah dene kuni kanoh kurogi" ²² Yesu yigu yeni agu, "Detin ubangaskiya Kashiri. ²³ A ribin na nnaguni agu inna akuni agu inna piyar idamagu kupana ku agu 'coko a ka zomo unyong uteku' inna yi zayi ushakka aka sugu kayi amma adumuagu ukusu nayi beren udama wanakene, aukusu na Kashiri kadama dene. ²⁴ Abara kene inkoni agu: ko iyan na igasana ribi uni, dumin agu yi sheri uni, uni dama wana uyin. ²⁵ Akapakanna ki nyazanen agisa, dole ne yi gafarta duk ukusunna yide uza dugan kadon, abara amagu picuyin umi uyi unyong uzo idama gafartani ibang yini." ²⁶ (Amma inna yi gafartanni aya shillaci ibang yiyeni ba sai cu uzo idama gafartaini ba) ²⁷ Na yeni ama gurmi aguru urshalima. Yesu ima su jara unyong uhaikali ayar a gbakazi ama firistoci na ayar a cubru ama wana uyi. ²⁸ Aguyi agu, "Na u iku uwan na piisha makusu mamma? Ko kuwa wan idugibu uyiku uma yishi mani?" ²⁹ Yesu igu yeni agu, "Indama denini karip, idomi u amsa, mi kuwa indama barini kona u'iku uwan na inyisha makusu mamma. ³⁰ ubastisma unna Yahaya yima yisha, auwur uzo ba uwur ka piyar' o? Dugimmi u amsa." ³¹ Sai na yeni ama yisha mahawara ausu uyeni agu, "in kwa na kidama gu 'auwur uzo' yi damagu 'to iyan ideni na yima gabini madumya nayi?'. ³² In kuwa kidama gu 'a uwur kapiyar'", yeni ama pok usar wa yar abara amagu ko wan yima mariah dumya agu Yahaya iyi anabi mi.' ³³ Yeni ama doyi u amsa agu 'kiyo idi' Yesu igu yeni agu "mima indama baryi ni ko na uiko uwan na inyisha makusu mamma mi ba."