¹ Yesu ima awur izoh kupana, ayashillaci a gbaki uzoboroyi. ² Kidong kikpakti ki wanuyi adeyi ki cubru kiyi agu "Ubangiji, nna pi dumun, veskenya mi ibang mi. ³ Yesu i dakanya kacara kayi a rebi agu "Ndumun ibang imu iveskura". Amagoro ani kigbana ki kikpakti. ⁴ Yesu ima gudduyi abere agu, "dete muni a kusugu azu barya pidong, kadamana kasaganya rici rimu ka ku firist. Adakanya ubaiko, idugi ubaiko umina adama dene ushaida mi. ⁵ Yesu ima rinya u kafarnahum, kudong ku gbaku kwan soja ku wami yi amagisayi. ⁶ Imagu, Ubangiji, pideru nang i gmoshi ade kupentu kudah kukithazyi ugira, asu shezye kidere na cap. ⁷ Yesu iguyi agu, "ndama wana agarganya yi" ⁸ Kugbaku kugu "Ubangiji ndotu mawana magu piwan ugiru nang. Nna piberen pideru nang idama garga. ⁹ Mima nde piyi yi kazono kanang, nde aya riguma azobumi nnanku kinnaki, worobu kinki worokini ngu kimanzu agu wanna, kinki wanna, ngu pidere unangagu dene kakusu, idene kani" ¹⁰ Na Yesu ipoton kene kasasa ka wani, ima gu aya zobyi agu, "Ribin, imbashini, ko unyong Isra'ila ma zuga ribin ni shiri na ninna ndoto mayita madumi na Kashiri ne mamma. ¹¹ Mbaranni aya dun adama tumu aciri aka ciri kan migh naya ciri usuku morong adama zomzono are maninaru yenna akunzunun ashiri Ibrahim na ishaku, na Yakubu unyong kigomo kiuzo. ¹² Nono na kigomo kimi, adamu rohyeni unyong, ajin na kpip kuri na yeni adama shibana aka gitara abang" ¹³ Yesu imma gu kugbaku agu "worobu muwan kene ugorgodo kene nama dumi mamu na Kashiri mayi" akapaka ma pideru mi ata garga. ¹⁴ Yesu ima rinya karari ka Bitrus ayita piyagayogu Bitrus igmoshi maza dara. ¹⁵ Yesu i rebe kacara kayi, kigbana kimi kidara pigbanumi icoko a dishayi uhidima. ¹⁶ Maron mama wana ayashillaci a yendezye aya deshe Yesu aya deshe kigbana kivunu. Na maberi ina ciddu vunummi, ima garganzya agbana mi na duk. ¹⁷ A mummu na abere Apikunzunun washiri Ishaya ama kara, "Yi usuyi, iyiri mazagara ma wur, a magwana na duk" ¹⁸ Kapa na Yesu ma yita, ayashillaci nakam amaru gatkya yi, igu ariti u rapkuri uku mana ku Galili. ¹⁹ Pidong unyakaran itumu aguyi gu, "pi basan, ndama zoborobu makana akaci na pidama kana" ²⁰ Yesu iguyi agu, nyannyawa mude na dakharha na muni munin muzo mudeshe awa amuni, kono kapiyar kazakani kaci na dama nomo" ²¹ Pidong unyong Almajirai ima guyi agu, "Ubangiji, jikyamimi nworomi aka niksha awaban anang" ²² Yesu ima guyi agu "Biskya aya kizyin a nikshi mayaza mayeni" ²³ Yesu ima rinya kujirgi, Almajirai azoboroyi. ²⁴ Udong uvunu ugbaki ucoko akumana, riye ri mani rimana coko a piranya kujirgi kum. Yesu ima purin mura. ²⁵ Almajirai ayiyi amma cokonya yi aguyi agu "Ubangiji gaskidi, mu wur mu dari! ²⁶ Yesu igu yeni agu, iyandeni nayin ighattan izaini ubangaskiya? Ishi coko a nyanga uvunu na kumana. Kaci ka kiza natik. ²⁷ Ayashillaci ayitan al'ajibi agu, "Apiya nuwar shi, uvunu na kumana a pokshsha abere ayi!" ²⁸ Na Yesu ima tumu aciri urapku mayinzyi mu garasinawa, aya aba ade uvunu ama cira azugi, na macira mayeni ama shek asu citini ba piyi maiya zoboro ujina umi. ²⁹ Yeni ama deni igum ba mani mamu na wur, pugi kono ka Kashiri? Pi wanin naka mama dishi di a kidere kaddar ka duttu mawanna. ³⁰ Aladu agbaki ammasu ningrana maza dangan na yeni. ³¹ Uvunumi uma gisa Yeshi agu, Nna pi ciddandi pi ringdi di unyong aladu amira. ³² Yesu igu yeni agu "Jarin" uvunumi ucirunimi uyeni a rinya aladu ami ana masu mana ni maka toro, aka jikshi unyong kumana a kizyi unyong mani. ³³ Aya men aladu ami, ama sumanani a rinya kudo abasu ukusumi na yeni ayitan unu wanzaganan na uvunumi. ³⁴ Naduk kudoh kumi, ayashillaci ami ama cira azuga Yeshi. Ama yitayi a gishi, agi ibiski mayinzyi mayeni.