¹ Yesu ima pa puya maberu yeni, agu, ² "Kigomo ki Kashiri kiyi na pidong ugomo ima camsana kono kayi kutanga ku irunga. ³ Ima kunu agu ayarki ayar na yhasan mawana kutanga kumi, yeni amagabani mawana. ⁴ Pigomo ipa kun aya ba agu "ka barin aya na nyarkan agu a wan kutanga a cesken inaga idusuzu, ishitinzin, makok amari ma cansana. Wanin aka ti ka kutanga." ⁵ Aya shillaci a gaba ni mazya ukun umi aka damara aworoni ujaru uyeni. Pidong aka kab kayi pidong akati ka pizya. ⁶ Kudeze kumi kupuru adere a pigomo, acogono uyeni a wunza yeni. ⁷ Kasugu kama wanta pigomo, ima kunu nsoja muyi, kawunin aya wunya a tiksha na zomi na yeni. ⁸ Imagu aya kidere kiyi, 'amari macamsana ma kutanga kumi, aya na nyasan adama wanani. ⁹ Kanin a wina a yahsa aya ni dama yahsa awana kutanga. ¹⁰ Aya na ama kunu a woroani aka konoshya aya shillaci kanna yeni azugi, aya dugan na aza dugan, kudangha ku kutanga kumi kuma kura na ajhan. ¹¹ Na pigomo umi ima ringya mayita ajhan ami, ima yita pidong iza makusu ma kutanga kumi. ¹² pigomo umi iguyi agu, 'cha'a pideninni a ringya ba ma de makusu makutanga o?' Piyayi ibiza ukusu na idama gu. ¹³ Pigomo igu ayatumzanayi, 'shishin piyangyu icara na ibina aroyi unyong majhin, kati na adama shibana na makaza ma abang. ¹⁴ Ayarkan aya dun, aya cun na a cankan." ¹⁵ Ayu Farisawa aworoni acamsana muza dugan kenna anama puruyi ana bere ayi. ¹⁶ Ammanurayi almajirai ayi, na uhirudiyawa agu Yesui "Pimakasan kiyo pigi a piyu nibin, pimakasa ujina u Kashiri anibin, pideni bu ato anabere adong, pisaganzyabu uteu ka ya shillaci. ¹⁷ Bari di, yan iyi kumina kumu? Mudugan agu aduk uharaji u kaisar ba babu?" ¹⁸ Yesu ima yogotya kucok kuyeni, "iyan ideni ina ghasami yin acogonon? ¹⁹ Sagananmi pi sule piu u haraji umi." yeni ama yende pisule pimi ²⁰ yesu igu yeni, "nyhan na nizagi niwan niyimi?" ²¹ Yeni aguyi agu "Ni Kaisar" Yesu iguyeni, "Dugin Kaisari ukusu uyi, ado Kashiri ukusu yi uKashiri." ²² Na yena ma potya kene, kasasa, abiskyayi aworoani. ²³ A katuk kami adong uSadukiyawa ama kuma agu ba macoko ma mayazha, ama wana uyi, aribiyi, ²⁴ agu, "Pimakasan, musa imagu, na piyar ikini, izayi nono, kobina idama zya piyeni ukobina awabiyi nono.' ²⁵ Ade adong ani kobina niyeni, ayi kushere, piyu zoni ima runga akya, ba madeh nono, abiskya kobini piyini umi. ²⁶ Kobina uri ba yima idene kene, uni tar ma idene kene har maka zagu a ukushere. ²⁷ Na mu wanzaganang kene, piyinumi imakeh. ²⁸ Ama coko mamayaza, idama wanan piyinu wan unyong aya kushere kumi? Na duk uyeni ama runga yi." ²⁹ Yesu ina guddu yeni agu, "Iwuri, iyo ini abere ko u iko ukashiri, ³⁰ Ama coko ma mayaza ba irunga adama do cini irunga. Na ma dene kene, yeni adama wana nya malaiku muzo. ³¹ Ana bere ama coko ma mayaza, iyitanni ukusu na Kashiri kabaran agu, ³² 'Migi nyi Kashiri ka Ibrahim, kashiri ki Ishaku, Kashiri ka Yakubu? Kashiri azan ka aya kitezhi aka ya de nivataru." ³³ Na yeni ama potya kene, kasasa kapuru yeni ³⁴ Mafarisawa mama potya ukusu na Yesu iguran usadukiyawa, a konosha aci yeni. ³⁵ Piyu deh unyong uyeni iyo matya makashiri, iribi yi, asu gasayi. ³⁶ "Pimakasan, ushe udoka upiri gbaki unyog matya mamu?" ³⁷ Yesu iguddiyi agu, "Dumya Kashiri kamu a kaugu kadhe, na nivataru nimu na duk, na kumina kumu na daduk.' ³⁸ Uni uyi udoka ugbaki uzoni. ³⁹ Udoka uniba uyi, dumya na jangu akazomi kenna pimani nici nimu.' ⁴⁰ A mummu na matya ma tarkan mi." ⁴¹ Na ufarisawa uma konusura akati kadha, Yesu iribi yeni. ⁴² Agu, 'yanna yin imingza uYesu? Yi a kono kawan o?", yeni aguyi, "kono ka Dauda" ⁴³ Yesu iguyeni, Ama denni Dauda uyong uruhu ima yarkya yi agu Kashiri, ana gu, ⁴⁴ "A shiri umagu Kashiri kanang, zomo a kacara kanang kareh, nguddu aya za manibu a matakara mamu." ⁴⁵ Nde Dauda i yarkan Almasihu agu Kashiri, a deninni iwana kono ka Dauda?" ⁴⁶ Ba piyi ma shere a berami, ba piyi ma pa ribiyi a mummu kuma.